[᭑᭖ 16B]
᭞᭑᭖᭞
ᬩᬸᬓ᭄᭞ᬯ᭄ᬯᭀᬂᬕᬚᬄᬳᭀᬬᬵᬫᬮᬬ᭄ᬯᬵ᭞ᬳᬦᬸᬲᬸᬧ᭄ᬫᬭᬾᬂᬳᬮᬲ᭄᭟᭗᭔᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬳᬲᭂᬫᬸᬳᭂᬧᬸᬄ᭞ᬦ᭄ᬤᬢᬦ᭄ᬯᭂᬭᬶᬂᬭᬄᬳᬦᬾ᭞ᬲᬂᬩᬶᬫᬵᬦᭀᬭᬵ
ᬕᬸᬫᬶᬂᬲᬶᬂ᭞ᬧᬶᬦ᭄ᬤ᭄ᬭᬵᬚᬬᬵᬧᬶᬦᬸᬗ᭄ᬓᬸᬮ᭄᭞ᬧᬋᬂᬓᭂᬲᬧᬸᬮᬸᬄ᭞ᬭᬂᬧᬸᬮᬸᬄ᭞ᬧ᭄ᬚᬄᬢᬶᬓᭂᬮ᭄ᬓᬚᬸᬭᬶᬓ᭄ᬭᬵ᭞ᬩᬵᬮᬭᬓ᭄ᬱᬱᬵᬢᬦ᭄ᬓᭀᬦ᭄ᬥᬸᬃ᭞ᬧ᭄ᬢᭂᬂᬤᬾᬦᬶᬂᬍᬩᬸᬲᬸᬫᬩ᭄᭞ᬕᬶᬕᬶᬭᭂᬦ᭄
ᬯ᭄ᬯᭀᬂᬕᬚᬄᬳᭀᬬᬵ᭟᭗᭕᭞ᬫᭂᬃᬢ᭄ᬣᬵᬯᬗ᭄ᬱᬵᬳᬗᬭᬧ᭄ᬳᬓᭂᬦ᭄᭞ᬲ᭄ᬬᬦ᭄ᬤᬡ᭄ᬦᬵᬳᬸᬫᬭᬵ᭞ᬭᬶᬂᬳᬃᬣᬵ᭞ᬲᬂᬧᬃᬢ᭄ᬝᬵᬫᬭᬵᬮᬸᬫᬶᬦ᭄ᬤᬶᬄ᭟ᬲᬂᬩᬶᬫᬵᬫᬭᬵᬳᬗᬫᬸᬓ᭄᭞
ᬩᬮᬵᬭᬓ᭄ᬱᬱᬵᬧᬶᬦᬸᬗ᭄ᬕᬮ᭄᭞ᬳᬶᬗᬫᬸᬓ᭄ᬳᬓᬾᬄᬧ᭄ᬚᬳᬵ᭞ᬳᬦᬵᬳᬗᬦ᭄ᬤᬵᬫᭂᬃᬮᬬᬸ᭞ᬳᬗᬸᬗ᭄ᬱᬶᬃᬫᬭᬾᬂᬯᬓᬱᬵ᭞ᬓᭂᬧᬮᬕ᭄ᬯᬢᭂᬓ᭄ᬤᬾᬯᬢ᭄ᬝᬵ᭟
[᭑᭗ 17A]
᭗᭖᭞ᬳᬧ᭄ᬭᬂᬫᬭᬶᬂᬅᬓᬱᬵᬲᬶᬮᬶᬄᬩᬸᬭᬸ᭞ᬳᬯᬸᬭᬬᬦ᭄ᬫᬗ᭄ᬓᬾ᭞ᬫ᭄ᬯᬂᬓᬂᬮᬯᬦ᭄ᬯᬢᭂᬓ᭄ᬋᬰᬶ᭞ᬭᬫ᭄ᬬᬵᬳᬧ᭄ᬭᬂᬲᬶᬮᬶᬄᬲᬸᬭᬸᬂ᭞ᬲᭂᬤᬾᬯ᭄ᬯᬵᬢᬸᬳ᭄ᬯᬵᬓᬸᬓᬸᬄ᭞ᬘᬶᬢ᭄ᬭᬵᬯᬶᬃᬬ᭄ᬬᬵ
ᬭᬫᬾᬧ᭄ᬭᬂᬗᬾ᭞ᬳᬯᭀᬭᬵᬭᬶᬤᬸᬧᬸᬓᬸᬮᬸᬦ᭄᭞ᬲᬸᬭᬵᬲᬭᭂᬂᬓᭂᬤᬾᬯᬢᬦ᭄᭞ᬲᬶᬃᬡ᭄ᬦᬵᬓᬂᬩᬮᬵᬭᬓ᭄ᬱᬱᬵ᭟᭗᭗᭞ᬮᭀᬭᭂᬕ᭄ᬓᬂᬲᬸᬭᬓ᭄ᬭᬶᬂᬮᬗᬶᬢ᭄ᬳᬸᬫᬸᬂ᭞
ᬦ᭄ᬤᬦ᭄ᬭᬚᬵᬓᬶᬮᬢ᭄᭞ᬧᬺᬓᬱᬵᬕᬸᬫᭂᬢᬸᬲ᭄᭞ᬓᭂᬫ᭄ᬩᬂᬳᬸᬭᬵᬲᬸᬫᭂᬫ᭄ᬩᬸᬃ᭞ᬧᬸᬲ᭄ᬧᬵᬯᬃᬲᬦ᭄ᬬᬵᬓᬸᬫᬸᬲᬸᬄ᭞ᬲᬓᬾᬂᬅᬓᬱᬵᬲᬗ᭄ᬓᬦᬾ᭞ᬲᬂᬧᬃᬢ᭄ᬝᬵᬭᬶᬂᬭᬢᬵᬫᬳᬸᬢ᭄᭞
ᬓᭂᬯᬾᬕᬓ᭄ᬫ᭄ᬭᬚᬵᬧᬸᬃᬩᬓᬵ᭞ᬓᭂᬳᬯᬾᬢᬵᬢᬦ᭄ᬤᬶᬂᬓᭂᬃᬲᬓ᭄ᬢᬶᬬᬦ᭄᭟᭗᭘᭞ᬦᭂᬓᬸᬮᬵᬲᭂᬤᬾᬯ᭄ᬯᬵᬲᬶᬭᬵᬫᬸᬦ᭄ᬥᬸᬃ᭞ᬳᬸᬫᬸᬗ᭄ᬱᬶᬭᬶᬂᬳᬸᬦ᭄ᬢᬢᬾ᭞ᬤᬾᬦᬶᬂ
Kaca:Bali-lontar-gaguritan-jagat-karana-300ppi.pdf/17
Kaca puniki sampun kauji-wacén
