[ ᭙᭘ 98B]
᭙᭘᭞
ᬲᬸᬳᬾᬤᬶᬢᬸ᭞ᬮᬯᬸᬢ᭄ᬗᬯᬗ᭄ᬲᬶᬢᬶᬦ᭄ᬭᭀᬯᬂ᭞ᬫᬗᬚᬓᬶᬦ᭄ᬢᬶᬫ᭄ᬧᬮᬾᬫᬩᬮᬶᬓ᭄ᬗᬫᬸᬓ᭄᭞ᬤᬾᬦᬶᬂᬲᬸᬩᬧᭂᬥᬲ᭄ᬩᬜ᭞ᬳᬦᬓᬾᬩᬚᬂᬦᬶᬫ᭄ᬧᬮᬶᬦ᭄᭟ᬲᬯᬢ᭄ᬢᬭᬳᬤᬲᬸᬩ᭞ᬢᭂᬗᬄᬤ
ᬯᬸᬄᬭᬳᬤ᭄ᬬᬦ᭄ᬩᬸᬗᬢ᭄ᬢᬩᬶᬢ᭄᭞ᬓᬳᬫᬸᬓ᭄ᬫᬸᬲᬸᬳᬾᬤᬶᬢᬸ᭞ᬲᬩᬮᬦ᭄ᬲᬂᬧ᭄ᬭᬧᬸᬢ᭄ᬭ᭞ᬧᬥᬫᬶᬃᬫᬶᬢᭀᬂᬲᬶᬤ᭄ᬥᬩᬳᬜᬗᬫᬸᬓ᭄᭞ᬮᬶᬮᬶᬄᬩᬸᬦ᭄ᬢᬲ᭄ᬫᬓᭂᬚᬂ᭞ᬫ᭄ᬮᬳᬶᬩ᭄ᬢ᭄ᬯᬭᬦᭀᬮᬶᬄᬳᬸᬭᬶ᭟
ᬤᬶᬢᬸᬩᬮᬦᬾᬲᬂᬦᬵᬣ᭞ᬮᬯᬸᬢ᭄ᬫᬲᬸᬭᬓ᭄ᬗᭂᬧᬸᬂᬫᬸᬲᬸᬳᬾᬗᬸᬮᬳᬶᬦ᭄᭞ᬩᬮᬦ᭄ᬧ᭄ᬭᬧᬸ᭠ᬢ᭄ᬭᬦᬾᬢᬓᬸᬢ᭄᭞ᬤᬤᬶᬧᬮᬶᬂᬧᬢᬶᬤ᭄ᬭᬸᬫ᭄ᬧᬓ᭄᭞ᬳᬤᬮᬩᬸᬄᬦᭂᬧᬾᬦ᭄ᬩᬢᬸᬩᬢᬶᬲ᭄ᬳᭂᬮᬸᬂ᭞ᬳᬤ
ᬮᬾᬦ᭄ᬢᬸᬕᭂᬮ᭄ᬮᬶᬫᬜ᭞ᬳᬤᬩᬸᬗᬸᬢ᭄ᬜᬦᬾᬲᭂᬫ᭄ᬩᬶᬃ᭟ᬳᬤᬳᭂᬩᬄᬫᬦᬸᬗ᭄ᬓᬬᬓ᭄᭞ᬮᬯᬸᬢ᭄ᬚᭂᬓ᭄ᬚᭂᬓᬵᬩᬦ᭄ᬢᬶᬫ᭄ᬧᬮᬾᬫᬮᬳᬶᬩ᭄᭞ᬳᬓᬾᬢᭀᬳᬸᬘᬧᬂᬤᬶᬢᬸ᭞ᬩᬮᬦᬾᬳᬲ᭄ᬬᬦᬵᬕᬭ
[ ᭙᭙ 99A]
ᬫᬗᬸᬮᬳᬂᬫᬮᬳᬶᬩ᭄ᬳᬧᬂᬦᬸᬳᬶᬤᬸᬧ᭄᭞ᬲᬸᬩᬚᭀᬄᬧ᭄ᬮᬳᬶᬩᬾᬧᬥ᭞ᬚᬮᬦᬦ᭄ᬳᬢᭂᬗᬄᬯᬳᬶ᭟ᬲᬢᭂᬓᭂᬤᬾᬤᬶᬧᭀᬦ᭄ᬤᭀᬓᬦ᭄᭞ᬮᬯᬸᬢ᭄ᬫ᭄ᬭᬾᬭᬾᬦ᭄ᬳᬗ᭄ᬓ᭄ᬬᬦᬾᬤᬶᬳᬶᬲ᭄ᬤᬶᬳᬶᬲ᭄᭞᭠
ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓᬸ᭞ᬲᬦᬾᬭᬶᬂᬧᬧᭀᬦ᭄ᬤᭀᬓᬦ᭄᭞ᬘᬭᬶᬢᬬᬂᬩᬮᬦ᭄ᬘᬶᬤᬦᬾᬲᬂᬧ᭄ᬭᬪᬸ᭞ᬧᬥᬵᬢᬸᬮᬓ᭄ᬦᬦᬵᬕᬭ᭞ᬗᬶᬭᬶᬗᬂᬲᬂᬢ᭄ᬭᬸᬡᬵᬧᭂᬓᬶᬓ᭄᭟ᬲᬢᭂᬓᭂᬤᬾᬤᬶᬦᬵᬕᬭ
ᬤᬶᬢᬸᬭᬤᬾᬦᬵᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬕᭂᬮᬶᬲ᭄᭞ᬓᬸᬤᬦᬾᬓᬕᭂᬧ᭄ᬮᬓ᭄ᬮᬯᬸᬢ᭄᭞ᬫᭂᬮᬳᬶᬩ᭄ᬓᬢᭂᬗᬄᬳᬮᬲ᭄᭞ᬳᬓᬶᬚᬧᬦ᭄ᬳᬶᬮᬂᬢ᭄ᬯᬭᬵᬤᬓᬤᬸᬮᬸ᭞ᬳᬦ᭄ᬢᬸᬓ᭄ᬩᬮᬦᬾᬲᬂᬦᬵᬣ᭞ᬘᬭᬶᬢᬬᬂᬲ
ᬫ᭄ᬧᬸᬦ᭄ᬳᬶᬮᬶᬤ᭄᭟ᬳᬸᬮᬸᬩᬮᬦᬾᬫᬚᬮᬦ᭄᭞ᬗᬫᬸᬦᬶᬬᬂᬧᬋᬓ᭄ᬭᬶᬂᬰ᭄ᬭᬷᬦᬭᬧᬢᬶ᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬳᬬᬸᬦ᭄ᬳᬶᬤᬲᬂᬦᬵᬣ᭞ᬧᬥᬜᭂᬫ᭄ᬩᬄᬲᬂᬧ᭄ᬭᬪᬸᬗᬦ᭄ᬤᬶᬓᬳ
Kaca:Bali-lontar-gaguritan-indra-bang-induraja-300ppi.pdf/99
Kaca puniki sampun kauji-wacén
