[ ᭙᭗ 97B]
᭙᭗᭞
ᬫ᭄ᬩᬮ᭄᭞ᬫᬢᬗ᭄ᬓᭂᬧ᭄ᬩᬮᬲᬂᬓᬮᬶᬄ᭟ᬬᬸᬥᬦᬾᬫᬸᬤᭂᬃᬳᬸᬤᭂᬭᬦ᭄᭞ᬲᬮᬾᬂᬢᬸᬫ᭄ᬩᬓ᭄ᬲᬮᬾᬂᬧᭂᬥᬂᬲᬮᬾᬂᬕᬢᬶᬓ᭄᭞ᬧᬥᬫᬦᬸᬳᬸᬓ᭄ᬓᬢᬸᬳᬸᬓ᭄᭞ᬫᬜᭀᬭᭀᬂᬓᬲᭀᬭᭀᬗᬂ᭞ᬩᬮᬓᬮᬶᬄ
ᬧᬥᬥᬷᬭᬢ᭄ᬯᬭᬗᬶᬢᬸᬂ᭞ᬫᬢᬢᬸᬫᬢᬶᬓᬩ᭄ᬭᬡᬦ᭄᭞ᬲᬶᬂᬫᬋᬧ᭄ᬢᭂᬓᬢᬸᬫ᭄ᬩᬓᬶᬦ᭄᭟ᬓᬾᬢᭀᬢᬶᬗ᭄ᬓᬄᬦᬾᬫᬬᬸᬥ᭞ᬧᬥᬵᬭᭀᬱᬵᬧᬥᬢ᭄ᬯᬭᬓᬢᬶᬦᬶᬄ᭞ᬤᬤ᭄ᬬᬜᬓᭂᬧᬶᬋᬂᬦ᭄ᬢᬸᬓ᭄᭞ᬭᬤᬾ
ᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬸᬜᬶᬢᬫ᭄ᬩᬸᬃᬮᬾᬦ᭄ᬫᬸᬜᬶᬦ᭄ᬲᬸᬭᬓᬾᬫᬸᬯᬸᬕ᭄᭞ᬮᬯᬸᬢ᭄ᬳᬶᬤᬗᭂᬧ᭄ᬮᬓ᭄ᬓᬸᬤ᭞ᬕᬕᭂᬮᬶᬲᬦ᭄ᬭᬯᬸᬄᬫᬗ᭄ᬓᬶᬦ᭄᭟ᬤᬶᬢᭂᬗᬄᬢᭂᬕᬮ᭄ᬧ᭄ᬭᬧᬗᬦ᭄᭞ᬧᭂᬤᬲ᭄ᬗᭂᬦᬄᬚᬤ᭄ᬫᬦᬾᬫᬲ᭄ᬬᬢ᭄ᬚᬦᬶ᭞ᬧ
ᬥᬧ᭄ᬭᬓᭀᬱᬓᬤᬸᬮᬸ᭞ᬓᬤᬶᬲᬶᬗ᭄ᬳᬵᬫᬺᬩᬸᬢ᭄ᬫᬗ᭄ᬲᬵ᭞ᬗᬫᬄᬳᬫᬄᬧᬥᬢ᭄ᬯᬭᬳᭂᬜᬓ᭄ᬤᬸᬦ᭄ᬤᬸᬃ᭞ᬧᬥᬵᬫᬚᬸᬫᬗᬸᬮᬳᬂ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬗ᭄ᬓᬶᬦ᭄᭟ᬩᭂᬗᭀᬂᬳᬗᭀᬩ᭄ᬧᬶᬲᬦ᭄ᬳᬶᬤ᭞ᬫᬵ
[ ᭙᭘ 98A]
ᬜᬶᬗᬓᬶᬦ᭄ᬧᬬᬸᬥᬦ᭄ᬩᬮᬲᬂᬓᬮᬶᬄ᭞ᬧ᭄ᬭᬧᬸᬢ᭄ᬭᬦᬾᬚᬦᬶᬤᬶᬢᬸ᭞ᬲᬋᬂᬳᬲ᭄ᬬᬦᬵᬕᬭ᭞ᬮᬶᬦ᭄ᬢᬂᬫᬚᬸ᭞ᬧ᭄ᬭᬓᭀᬱᬮ᭄ᬯᬶᬃᬕᭂᬦ᭄ᬢᬸᬄᬩ᭄ᬮᬩᬸᬃ᭞ᬢᭂᬓᬫᬦᬸᬳᬸᬓ᭄ᬜᭀᬭᭀᬕᬂ᭞ᬢ᭄ᬯᬭᬵᬤᬫᬗᬶ᭠
ᬢᬸᬂᬫᬢᬶ᭟ᬓᬧᭂᬲ᭄ᬩᬮᬦᬾᬲᬂᬦᬵᬣ᭞ᬮᬶᬬᬸᬫᬢᬶ᭞ᬢᭀᬂᬲᬶᬤᬩᬜᬦᬗ᭄ᬕᬮᬶᬦ᭄᭞᭠ᬧ᭄ᬭᬧᬸᬢ᭄ᬭᬦᬾᬤᬶᬢᬸᬗᬫᬸᬓ᭄᭞ᬲᬋᬂᬤᬦᬾᬳᬲ᭄ᬬ᭞ᬮᬶᬦ᭄ᬢᬂᬕᬕᬄᬩᬸᬓᬵᬫᬘᬦ᭄ᬜᬯᬸᬧᬶᬓᬸᬄ᭞ᬓᬾ
ᬢᭀᬚᬦᬶᬬᬦ᭄ᬭᬲᬬᬂ᭞ᬧᭂᬗᬫᬸᬓ᭄ᬤᬦᬾᬲᬋᬂᬲᬫᬶ᭟ᬤᬶᬢᬸᬧᭂᬥᬲ᭄ᬓᬘᬶᬗᬓᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬇᬦ᭄ᬤ᭄ᬭᬩᬗ᭄ᬲ᭄ᬯᬡᬚᬦᬶ᭞ᬧ᭄ᬭᬧᬸᬢ᭄ᬭᬦᬾᬗᬫᬸᬓ᭄ᬤᬶᬢᬸ᭞ᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬗᭂᬫ
ᬚ᭄ᬯᬂᬓᬢᭂᬗᬄᬫᬸᬲᬸᬳᬾᬮᬶᬬᬸ᭞ᬜᬭᬸᬢ᭄ᬯᬭᬓᭂᬢᬗᭂᬳᬦ᭄᭞ᬳᬦ᭄ᬢᬸᬓ᭄ᬧ᭄ᬭᬚᬸᬭᬶᬢᬾᬲᬫᬶ᭟ᬳᬾᬗ᭄ᬕᬮᬦ᭄ᬩᬮᬦ᭄ᬲᬂᬦᬵᬣ᭞ᬫᬦᬗᭂᬳᬂᬳᬦᬓᬾᬩᬚᬂᬜᭂᬮᬸᬧᬶᬦ᭄᭞ᬩᬭᬶᬲᬦ᭄ᬫᬸ
Kaca:Bali-lontar-gaguritan-indra-bang-induraja-300ppi.pdf/98
Kaca puniki sampun kauji-wacén
