[ ᭙᭒ 92B]
᭙᭒᭞
ᬱᬡᬦ᭄ᬳᬶᬧᬸᬦ᭄᭞ᬤᬶᬢᬸᬮᬯᬸᬢ᭄ᬭᬚᬧᬸᬢ᭄ᬭ᭞ᬗᬫ᭄ᬩᬶᬮ᭄ᬧᭂᬤᬂ᭞ᬳᬭᬶᬳᬭᬶᬦ᭄ᬳᬶᬤᬲᬫ᭄ᬧᬸᬦ᭄᭞ᬫᬸᬗ᭄ᬕᬄᬫᬭᬶᬂᬢᬸᬦ᭄ᬤᬸᬦ᭄ᬓᬸᬤ᭞ᬓᬕᭂᬧ᭄ᬮᬓ᭄ᬭᬭᬶᬲ᭄ᬫᬫᬃᬕ᭄ᬕᬶ᭟ᬧᭂᬮᬳᬶᬩ᭄ᬚᬭᬦᬾᬕᬗ᭄ᬲᬃ᭞ᬩᬸᬓᬳᬗᬶ᭠
ᬦ᭄᭞ᬳᬓᬶᬚᬧ᭄ᬲᬸᬩᬳᬶᬮᬶᬤ᭄᭞ᬭᬯᬸᬄᬭᬶᬂᬧᬦᭂᬧᬶᬲᬫ᭄ᬧᬸᬦ᭄᭞ᬧᭂᬥᬲ᭄ᬤᬶᬢᬸᬓᬘᬶᬗᬓᬦ᭄᭞ᬲᭀᬭᭀᬄᬚᬤ᭄ᬫ᭞ᬦᬾᬢᭂᬓᬵᬧᬘᬂᬫᬗᭂᬩᬸᬕ᭄᭞ᬤᬶᬢᬸᬮᬯᬸᬢ᭄ᬳᬶᬤᬫᬭᬵᬃᬬᬦ᭄᭞ᬧᬘᬂᬕ᭄ᬦᬄ
ᬫᬜᬶᬗᬓᬶᬦ᭄᭟ᬢᭀᬦ᭄ᬤᬾᬦ᭄ᬧᭂᬤᬲ᭄ᬕᬮᬂᬢᬦᬄ᭞ᬘᬬᬦ᭄ᬩᬶᬦ᭄ᬢᬂᬳᭂᬦᬸᬢ᭄ᬭᬂᬧᬓᬜᬶᬢ᭄ᬜᬶᬢ᭄᭞ᬓᭂᬤᬶᬲᬾᬤᬶᬧᬸᬜᬦ᭄ᬓᬬᬸ᭞ᬢᭀᬦ᭄ᬤᬾᬦ᭄ᬗᬩ᭄ᬓᬩᬂᬓᬫ᭄ᬧᬶᬤ᭞ᬬᬤᬶᬦ᭄ᬲᭀᬭᭀᬄ
ᬦᬾᬢᭀᬦ᭄ᬤᬾᬦ᭄ᬩᬗᬸᬦ᭄᭞ᬦᬸᬗᬸᬩ᭄ᬓᬸᬩ᭄ᬤᬶᬧᭂᬤᭂᬫᬦ᭄᭞ᬧ᭄ᬭᬧᬸᬢ᭄ᬭᬦᬾᬤᬶᬢᬸᬭᬭᬶᬲ᭄᭟᭠ᬤᬦᬾᬫᬜᭀᬭᭀᬕᬂᬩᬮ᭞ᬫᬳᭀᬭᭀᬳᬦ᭄ᬧᬚᬮᬦᬾᬗᬾᬮᬶᬗᬶᬦ᭄᭞ᬩᬩᭂ᭠
[ ᭙᭓ 93A]
ᬓᭂᬮᬦ᭄ᬚᬸᬭᬸᬚᬸᬭᬸ᭞ᬫᬧᬦ᭄ᬢᬗᬮᭀᬓᬂᬭᭀᬯᬂ᭞ᬘᬭᬶᬢᬬᬂᬭᬯᬸᬄᬭᬶᬂᬓᬮᬗᬦ᭄ᬲᬫ᭄ᬧᬸᬦ᭄᭞ᬫᬲᬸᬭᬓ᭄ᬳᬩ᭄ᬭᬶᬬᬸᬓᬦ᭄᭞ᬕᭀᬂᬩᬾᬭᬶᬢᬫ᭄ᬩᬸᬃᬫᬫᬸᬜᬶ᭟ᬲᬭᬓ᭄ᬩᬮᬮ᭄ᬯᬶᬃᬳ
ᬫ᭄ᬧᬸᬳᬦ᭄᭞ᬲ᭄ᬯᬭᬦ᭄ᬢᬫ᭄ᬩᬸᬃᬕᭀᬂᬩᬾᬭᬶᬗᭂᬫ᭄ᬧᭂᬗᬶᬦ᭄ᬕᬸᬫᬶ᭞ᬩᬮᬦ᭄ᬲᬂᬧ᭄ᬭᬪᬸᬦᬾᬕᭂᬮᬸ᭞ᬦᬶᬗᭂᬄᬫᬸᬜᬶᬦ᭄ᬢᬫ᭄ᬩᬸᬃᬲᬸᬭᬓ᭄᭞ᬧᬥᬵᬕᬾᬯᬃ᭞ᬫᬗᭂᬫᬓ᭄ᬕᬕᬯᬦ᭄ᬳᬶᬧᬸᬦ᭄᭞ᬮᬯᬸᬢ᭄ᬦᬶᬫ᭄ᬩᬮ᭄
ᬮᬶᬦ᭄ᬫᬲᬸᬭᬓ᭄᭞ᬤᬶᬢᬸᬬᬲᬮᬾᬂᬢᬫ᭄ᬩᬸᬗᬶᬦ᭄᭟ᬧᬥᬫᬜᭀᬭᭀᬕᬂᬩᬮ᭞ᬮᬯᬸᬢ᭄ᬫᬢᭂᬫ᭄ᬧᬸᬄ᭞ᬩᬮᬦᬾᬲᬮᬾᬂᬓᭂᬘᭀᬘᬲᬶᬦ᭄᭞ᬲᬸᬭᬓᬾ ᬕᭂᬋᬄᬕᬸᬫᬸᬭᬸᬄ᭞ᬧᬥ
ᬫᬗᬮᭀᬓᬂᬩᬮ᭞ᬫᬸᬜᬶᬦ᭄ᬢᬫ᭄ᬩᬸᬃ᭞ᬗᬭᬸᬤᬸᬕ᭄ᬗᬯᬾᬧᭂᬢᬓᬸᬢ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬲᭂᬮᬸᬭᬦ᭄᭞ᬓᬦ᭄ᬢᬶᬍᬫᬄᬩᬭᬓ᭄ᬓᬗᬶᬦ᭄᭟ᬩᬯᬸᬳᭂᬦ᭄ᬤᬕ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬗᭂᬦᬄᬧᭂᬤᬲ᭄
Kaca:Bali-lontar-gaguritan-indra-bang-induraja-300ppi.pdf/93
Kaca puniki sampun kauji-wacén
