Kaca:Bali-lontar-gaguritan-indra-bang-induraja-300ppi.pdf/91

Kaca puniki sampun kauji-wacén

[ ᭙᭐ 90B]
᭙᭐᭞
ᬫ᭄ᬩᬓ᭄ᬢᬧᬦᬄᬓ᭄ᬮᬾᬯᬂᬩᭂᬤᬶᬮ᭄᭞ᬩᬜ᭄ᬘᬶᬗᬳᬾᬓᭀᬢᭂᬩᭂᬦᬶᬦ᭄᭞ᬳᬦ᭄ᬢᬸᬓ᭄ᬩᬸᬓ᭄ᬧᬤᬲᬂᬧ᭄ᬭᬪᬸ᭞᭠ᬫᬶᬯᬄᬭᬶᬚᬶᬩᬕᬾᬳᬤ᭞ᬧ᭄ᬭᬚᬸᬭᬶᬢ᭄ᬤᬶᬢᬸᬫᬗᭂᬫᬶᬢ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬶᬗ᭄ᬓᬳᬾᬤᬶᬚ᭄ᬭᭀᬦᬶᬂ᭠
ᬓᭀᬢ᭟ᬲᬶᬓᭂᬫ᭄ᬩᬃᬫᬗ᭄ᬓᬶᬦ᭄ᬳᬸᬘᬧᬂ᭞ᬧᬗᭂᬜᭂᬢ᭄ᬚᬦᬶᬤᬶᬳᬢᬶ᭞ᬲᬚᬤ᭄ᬫᬦᬾᬤᬶᬚ᭄ᬭᭀᬓᭀᬢᬵ᭞ᬫᬲᬢᭀᬲᬶᬂᬤᬦᬗ᭄ᬓᬶᬮᬶᬦ᭄᭞ᬤᬾᬦᬶᬂᬫᬸᬲᬸᬄᬲ᭄ᬬᬦᬵᬕᬭᬶᬢᬸᬃᬧᬥᬵᬫᬧᬜ᭄ᬚᬓ᭄ᬮᬶᬬᬸ᭞ᬳᭂᬦ᭄ᬢᭀᬚᬦᬶ
ᬫᬳᬶᬢᭂᬓᬵ᭞ᬧᬘᬂᬫᬗᭂᬩᬸᬕ᭄ᬦᬕᬭᬶ᭞ᬢ᭄ᬯᬄᬳᬫ᭄ᬩᬸᬮ᭄ᬢᭀ᭞ᬧᬗᭂᬜᭂᬢ᭄ᬜᬦᬾᬲᬶᬓᭂᬫ᭄ᬩᬃ᭟ᬤᬤ᭄ᬬᬜᬳᬤᬳᬶᬥᭂᬧ᭞ᬲᬯᬢᬭᬢᭂᬗᬄᬯᭂᬗᬶ᭞ᬲᬶᬓᭂᬫ᭄ᬩᬃᬮᬯᬸᬢ᭄ᬫᬚᬮᬦ᭄᭞ᬓᬚᬸᬫᬄᬦᬶᬦᬶᬦᬾᬚᬦᬶ᭞᭠
ᬗᭂᬮᬶᬲᬂᬫᬗ᭄ᬓᬶᬦ᭄ᬫᭂᬫᬃᬕ᭄ᬕᬶ᭞ᬢ᭄ᬯᬭᬳᬤᬳᬦᬓ᭄ᬢᬳᬸ᭞ᬘᬭᬶᬢᬬᬂᬲᬫ᭄ᬧᬸᬦ᭄ᬢᭂᬓᬵ᭞ᬚᬸᬫᬄᬦᬶᬦᬶᬦᬾᬓᭂᬧᬗ᭄ᬕᬶᬄ᭞ᬮᬯᬸᬢ᭄ᬜᬧ᭞ᬦᬶᬦᬶᬦᬾᬳᬮᬸᬲ᭄ᬢᬸᬃᬩᬦ᭄ᬩᬦ᭄᭟ᬉᬤᬸᬄᬫᬵᬲ᭄ᬢᬶᬢ᭄ᬬᬂᬤᬾᬯ᭞ᬓᬾ
[ ᭙᭑ 91A]
ᬦ᭄ᬓᬾᬦ᭄ᬓ᭄ᬭᬡᬭᬯᬸᬄᬯᭂᬗᬶ᭞ᬭᬯᬸᬄᬫᬕᬾᬲᭀᬦ᭄ᬕᬾᬲᭀᬦᬦ᭄᭞ᬧᬸᬦᬧᬶᬩᬯᭀᬲᬂᬫᬮᬶᬄ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬜᬯᬸᬭᬶᬦ᭄᭞ᬧᬢᬸᬢ᭄ᬢᬶᬢ᭄ᬬᬂᬯᭂᬗᬶᬭᬯᬸᬄ᭞ᬯᬦ᭄ᬢᬄᬫᬳᬶᬚᬸᬳᬶᬚᬯᬦ᭄᭞ᬜᬤ᭄ᬬᬧᬘᬂ᭠
ᬫᬋᬓ᭄ᬦᬶᬦᬶ᭞ᬫᬗᬸᬦᬶᬗᬂ᭞ᬳᬦ᭄ᬢᬸᬓ᭄ᬧ᭄ᬭᬫᬦ᭄ᬢ᭄ᬭᬶᬧᬸᬦᬶᬓᬵ᭟ᬲᬫ᭄ᬧᬸᬦ᭄ᬭᬯᬸᬄᬲᬫᬶᬦᬧᬓ᭄᭞ᬧᬘᬂᬫᬗ᭄ᬭᬶᬱ᭄ᬝᬵᬦᬵᬕᬭᬶ᭞ᬢᬦ᭄ᬯᬾᬗ᭄ᬤᬾᬤᬶᬦᬦᬾᬩᬾᬜ᭄ᬚᬂ᭞ᬲᭂᬫᭂᬂᬚᬕᬵ ᬓᬳᬗ᭄ᬓᬢᬶᬦ᭄᭞ᬳᬦ᭄ᬢᬸᬓ᭄ᬰᬢ᭄ᬭᬸᬦᬾ
ᬲᬫᬶ᭞ᬧᬘᬂᬓᬋᬚᭂᬓ᭄ᬲᬂᬧ᭄ᬭᬪᬸ᭞ᬬᬦᬶᬂᬫᬸᬗ᭄ᬕ᭄ᬯᬶᬂᬫᬦᬄᬢᬶᬢ᭄ᬬᬂ᭞ᬭᬲᬢᭀᬂᬲᬶᬤᬲᬗᬚᬶ᭞ᬧᬘᬂᬦᬗ᭄ᬕᬮ᭄᭞ᬤᬾᬦᬶᬂᬰᬢ᭄ᬭᬸᬫᬓ᭄ᬯᬾᬄᬧᬶᬲᬦ᭄᭟ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂ᭞ᬯᭂᬗᬶᬭᬯᬸᬄᬦᬗ᭄ᬓᬶᬮᬶᬦ᭄ᬦᬶ
ᬦᬶ᭞ᬢᬶᬢ᭄ᬬᬂᬯᬦ᭄ᬢᬄᬫᬶᬳᬸᬦᬶᬗᬂ᭞ᬳᬦ᭄ᬢᬸᬓᬾᬚᬕᬵᬦᬸᬮᬸᬗᬶᬦ᭄᭞ᬲᬦᬾᬩᬾᬜ᭄ᬚᬂᬰ᭄ᬭᬷᬪᬸᬧᬢᬶ᭞ᬓᬮᬶᬄᬚᬕᬵᬫᬕᬕᭂᬩᬸᬕ᭄᭞ᬤᬾᬦᬶᬂᬲ᭄ᬯᬾᬘᬦᬾᬓᬮᬶᬦ᭄ᬢᬂ᭞ᬭᬶᬂᬢ᭄ᬬᬂᬢᬦ᭄ᬓᭂᬦᬯᭂᬮᬗᬶ