[ ᭘ 8B]
᭘᭞
ᬫᬕ᭄ᬭᬸᬗᬸ᭞ᬳᬢᬸᬭᬾᬲᬂᬭᬵᬚᬧᬸᬢ᭄ᬭᬵ᭞ᬮᬯᬸᬢ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞ᬉᬤᬸᬄᬤᬾᬯᬵᬫᬓᬵᬤᬤ᭄ᬯ᭞ᬧᬦᬓ᭄ᬩᬧᬵᬤᭂᬧᬂᬧᬬᬸᬫᬫᬃᬕ᭄ᬕᬶ᭞ᬓᭀᬘᬧ᭄ᬫᬃᬕ᭄ᬕᬮᬶᬦ᭄ᬢᬂᬓᬾᬯᬸᬄ᭞ᬤ
ᬳᬢᬶᬂᬫᬤᬹᬃᬕ᭄ᬕᬫᬵ᭞ᬬᬦ᭄ᬭᬲᬬᬂᬩᬧᬵᬢᭀᬂᬲᬶᬤ᭄ᬥᬓᬢᭂᬧᬸᬓ᭄᭞ᬓᬾᬢᭀᬯᬘᬦᬦ᭄ᬲᬂᬦᬵᬣ᭞ᬭᬶᬂᬧᬸᬢ᭄ᬭᬦᬾᬫᬓᬵᬓᬵᬮᬶᬄ᭟ᬤᬶᬢᬸᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬮᬯᬸᬢ᭄ᬜᭀ
ᬗ᭄ᬓᭀᬓ᭄ᬗᭂᬮᬸᬢ᭄ᬘᭀᬓᭀᬃᬫᬢᬸᬃᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬤᬾᬯᬵᬳᬕᬸᬂ᭞ᬕᬸᬭᬸᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬧᬶᬲᬦ᭄ᬳᬶᬦᬢᬸᬩᬲ᭄ᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬚᬮᬵᬫᬶᬦᭂᬳᬶᬦ᭄ᬢᬶᬢ᭄ᬬᬂ᭞ᬚ
ᬢᬶᬲᬸᬰ᭄ᬭᬸᬱᬵᬲᬸᬪᬓ᭄ᬢᬶ᭞ᬢᬶᬢ᭄ᬬᬂᬯᬦ᭄ᬢᬄᬫᬶᬲᬭᬢᬂ᭞ᬓᭂᬦᬶᬤᬸᬭᬸᬲ᭄ᬳᬸᬕᬶᬫᭂᬫᬃᬕ᭄ᬕᬶᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬲᬶᬤ᭄ᬥᬧᬘᬂᬓᬢᬸᬃ᭞ᬩᬸᬮᬸᬄᬩ᭄ᬭᬶᬡ᭄ᬥᬸᬧᬸᬦᬶᬓᬵ᭞ᬲᬸᬓᬵᬢᬶᬢ᭄ᬬᬂᬢᬦ᭄ᬫᬯᬮᬶᬫ
[ ᭙ 9A]
ᬮᬶᬄᬫᬦ᭄ᬢᬸᬓ᭄᭞ᬬ᭄ᬯᬤᬶᬦ᭄ᬢᬶᬢ᭄ᬬᬂᬧᭂᬚᬄ᭞ᬫᬶᬲᬥ᭄ᬬᬵᬗᬢᬸᬭᬂᬪᬓ᭄ᬢᬶ᭟ᬓᬾᬢᭀᬳᬢᬸᬃᬧᬸᬢ᭄ᬭᬦ᭄ᬳᬶᬤ᭞ᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬵᬭᬶᬂᬳᬚᬶ᭞ᬭᬓᬦᬾᬓᬢᬭᬾᬓ᭄ᬮᬯᬸᬢ᭄᭞
ᬳᬶᬗ᭄ᬕᬶᬄᬩᭂᬮᬶᬲᬧ᭄ᬭᬶᬬᬡᬵ᭞ᬲᬧᬸᬦᬶᬓᬦᬾᬓᬬᬸᬦ᭄ᬩᭂᬮᬶᬳᬕᬸᬂ᭞ᬓᬤᬶᬯᬘᬦ᭄ᬳᬶᬩᬧᬵ᭞ᬓᬬᬸᬦ᭄ᬓᬾᬩᭂᬮᬶᬫᬫᬃᬕ᭄ᬕᬶ᭟ᬚᬮᬶᬮᬸᬗ᭄ᬳᬵᬳᬶᬭᬶᬂᬢᬶᬢ᭄ᬬᬂ᭞ᬫᬗ᭄ᬭᬸᬭᬸᬳᬂᬧᬘᬂᬢᬢᭂ
ᬲᭂᬦ᭄ᬲᬗᬚᬶ᭞ᬲᬦᬾᬫ᭄ᬯᬲ᭄ᬢᬩᬸᬮᬸᬄᬩ᭄ᬭᬶᬡ᭄ᬥᬸ᭞ᬧᬸᬦᬶᬓᬵᬓᬲᬸᬧ᭄ᬦᬬᬂ᭞ᬬᬦᬶᬂᬓᬬᬸᬦ᭄ᬦᬸᬦᬲ᭄ᬦᬾᬫᬗ᭄ᬓᬶᬦ᭄ᬮᬸᬫᬓᬸᬄ᭞ᬓᬕᬸᬦᬸᬗᬮᬲ᭄ᬲᬩ᭄ᬲᬩᬂ᭞ᬬᬦ᭄ᬢᬦ᭄ᬓᬬᬸᬦ᭄ᬩᭂᬮᬶᬫᭂᬫᬃᬕ᭄ᬕᬶ᭟
ᬮᬸᬗ᭄ᬳᬵᬫᬜᬋᬗᬶᬦ᭄ᬢᬶᬢ᭄ᬬᬂ᭞ᬫᬗᬭᬸᬭᬸᬄᬓᬤᬶᬧᬗ᭄ᬯᬶᬤᬶᬦ᭄ᬲᬗᬚᬶ᭞ᬲᬸᬓᬵᬤᬾᬯᬾᬓ᭄ᬢᬶᬢ᭄ᬬᬂᬭᬢᬸ᭞ᬫᬘᬗᬢᬸᬭᬂᬧᬕᬬᬄ᭞ᬬᬤᬶᬦ᭄ᬧᬤᭂᬫ᭄ᬫᬗᬶᬭᬶᬂᬓᬬᬸᬦ᭄ᬲᬂᬧ᭄ᬭᬪᬸ᭞ᬓᭀᬘ
Kaca:Bali-lontar-gaguritan-indra-bang-induraja-300ppi.pdf/9
Kaca puniki sampun kauji-wacén
