[ ᭘᭗ 87B]
᭘᭗᭞
ᬧ᭄ᬳ᭄ᬬᬲᬚᬬᬂ᭞ᬓᬾᬢᭀᬫᬸᬜᬶᬦᬾᬗ᭄ᬮᬾᬫᬾᬓᬶᬦ᭄᭞ᬧᬦ᭄ᬯᬦᬾᬲᬋᬂᬢᬢᬶᬕ᭞ᬦᬾᬦᭂᬫ᭄ᬤᬶᬭᬶᬫᬜᬯᬸᬭᬶᬦ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂ᭞ᬳᭂᬗ᭄ᬓᬾᬦ᭄ᬚᬓᬧᬶᬦᭂᬄᬧᬢᬸᬢ᭄᭞
ᬦᬸᬦᬲ᭄ᬧᬸᬦᬶᬓᬵᬫᬃᬕ᭄ᬕᬶᬬᬂ᭞ᬤᬾᬦᬶᬂᬩᭂᬮᬶᬓᬳᬢᬸᬭᬶᬦ᭄᭞ᬫᬫᬶᬦᭂᬳᬶᬦ᭄᭞ᬳᬶᬯᬂᬧᬢᬸᬢᬶᬂᬧᬫᬃᬕ᭄ᬕ᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬭᬯᭀᬲᬂ᭞ᬳᬦ᭄ᬢᬸᬓ᭄ᬧ᭄ᬭᬧᬸᬢ᭄ᬭᬦᬾᬲᬫᬶ᭞ᬫᬗ᭄ᬭᬭᬶᬲ᭄ᬤ
ᬦᬾᬫᬜᬸᬭᬢ᭄᭞ᬉᬘᬧᬦ᭄ᬲᬸᬭᬢ᭄ᬧᬸᬦᬶᬓᬶ᭞ᬇᬗ᭄ᬕᬶᬄᬫᬳᬵᬭᬵᬚᬓᬩᬶ᭞ᬧᬸᬦᬶᬓᬶᬲᬸᬗᬢ᭄ᬓᬳᬢᬸᬃ᭞ᬯᬦ᭄ᬢᬄᬤ᭄ᬭᬸᬯᬾᬦ᭄ᬧᬭᬧᬸᬢ᭄ᬭ᭞ᬲᬋᬂᬳᬲ᭄ᬬᬵᬦᬵᬕᬭᬶ᭞ᬓᬳᬶᬭᬶᬗᬂ᭞ᬳᬦ᭄ᬢᬸ
ᬓ᭄ᬩᬮᬢᬦ᭄ᬯᬶᬦᬶᬮᬂ᭟ᬚᬕᬵᬫᬗᭂᬩᬸᬕ᭄ᬘᭀᬓᭀᬃᬤ᭄ᬥ᭟ᬬᬦ᭄ᬯᬾᬦ᭄ᬢᭂᬦ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬭᬳᬬᬸᬦᬶᬂᬚᬕᬢ᭄᭞ᬧᬶᬘᬬᬂᬲᬂᬭᬵᬚᬧᬸᬢ᭄ᬭᬶ᭞ᬬᬦ᭄ᬢᬦ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬫᬶᬘᬬᬂᬭ
[ ᭘᭘ 88A]
ᬭᬤᬾᬦ᭄ᬕᬮᬸᬄ᭞ᬦᬸᬦᬲ᭄ᬩᬾᬜ᭄ᬚᬂᬳᬤᬸᬯᬂ᭞ᬧ᭄ᬭᬚᬸᬭᬶᬢᬾᬲᬦᬾᬫᬗ᭄ᬓᬶᬦ᭄᭞ᬭᬶᬂᬭᬡᬗ᭄ᬕ᭞ᬤᬶᬢᬸᬫᭂᬗᬤᬸᬲᬜ᭄ᬚᬢ᭟ᬭᬶᬂᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬜᬸᬭᬢ᭄᭞ᬧ᭄ᬭᬧᬸᬢ᭄ᬭᬦᬾᬤᬶᬢᬸᬭᬭᬶᬲ᭄᭞ᬳᬶ
ᬤᬚᬮᬦᬂᬳᬸᬢᬸᬲᬦ᭄᭞ᬓᬓᬵᬕᬭᬗᬩᬢᬸᬮᬶᬲ᭄᭞ᬳᬸᬮᬸᬩᬮᬦᬾᬫᬫᬃᬕ᭄ᬕᬶ᭞ᬘᬭᬶᬢᬬᬂᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬶᬗ᭄ᬕᬶᬃᬓᭀᬢᬦᬵᬕᬭ᭞ᬳᬸᬢᬸᬲᬦᬾᬘᬦ᭄ᬤᭂᬓ᭄ᬗ᭄ᬮᬶᬬᬢᬶᬦ᭄᭞᭠
ᬚᭂᬩᬕ᭄ᬓᭀᬢ᭞ᬫᬳᬸᬦᭂᬩ᭄ᬢᬸᬃᬳᬤᬜ᭄ᬚᬕᬵ᭞ᬤᬶᬢᬸᬮᬯᬸᬢ᭄ᬳᬶᬳᬸᬢᬸᬲᬦ᭄᭞ᬲᬓᬶᬂᬮ᭄ᬯᬶᬃᬚᭂᬩᬕ᭄ᬫᬫᬸᬜᬶ᭞ᬲᬧᬲᬶᬭᬵᬫᬕᭂᬩᬕᬦ᭄᭞ᬫ᭄ᬭᬶᬓᬶᬕᭂᬮᬶᬲᬂᬓᬧᬸᬭᬶ᭞ᬳᬢᬸᬭᬂᬢᭂᬓᬾᬦ᭄ᬲᬗ
ᬚᬶ᭞ᬦᬾᬳᬤᬳᬸᬢᬸᬲᬦ᭄ᬭᬯᬸᬄ᭞ᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬕᬭ᭞ᬓᬸᬢᬸᬲ᭄ᬫᬳᬶᬗᬩᬢᬸᬮᬶᬲ᭄᭞ᬇᬧᬦᬸᬗ᭄ᬕᬸ᭞ᬚᭂᬩᬕ᭄ᬳ᭄ᬬᬮᬯᬸᬢ᭄ᬫᬦᬶᬫ᭄ᬩᬮ᭄᭟ᬇᬭᬶᬓᬵᬤᬸᬫᬸᬦ᭄ᬳᬦ᭄ᬢᭀᬲᬂ᭞ᬢᬶᬢ᭄ᬬᬂᬦᬾ
Kaca:Bali-lontar-gaguritan-indra-bang-induraja-300ppi.pdf/88
Kaca puniki sampun kauji-wacén
