[ ᭗᭕ 75B]
᭗᭕᭞
ᬳᬤᬮᬾᬦ᭄ᬫᬦᬸᬕᭂᬮ᭄ᬮᬶᬫ᭞ᬳᬤᬮᬾᬦ᭄ᬫᬦᬸᬕᭂᬮ᭄ᬩᬢᬶᬲ᭄᭞ᬳᬤᬩ᭄ᬯᬶᬦ᭄ᬫᬫ᭄ᬮᬸᬮᬗᬶᬦ᭄᭞ᬳᬤᬢ᭄ᬯᬄᬗᬮᬶᬄᬧᬸᬧᬸᬲᬸᬄ᭞ᬳᬤᬦᬾᬢᭂᬓᬵᬤᬸᬭᬶᬬᬦ᭄᭞ᬳᬢᬶᬦ᭄ᬜᬦᬾᬮᬯᬸᬢ᭄ᬓ
ᬮᬶᬄ᭞ᬲᬸᬩᬧᬥᬵ᭞ᬧᭂᬧᭂᬓ᭄ᬫᬗᬮᬶᬄᬩᬾᬘᬸᬦ᭄ᬤᬂ᭟ᬢᭀᬧᬘᬂᬳᬗ᭄ᬕᬾᬦ᭄ᬢᬦ᭄ᬤ᭞ᬳᬢᬸᬭᬂᬓᬾᬦ᭄ᬲᬗᬚᬶ᭞ᬘᬶᬭᬶᬦ᭄ᬗᭂᬫᬢ᭄ᬬᬂᬲᬂᬓᬮ᭞ᬫᬗ᭄ᬭᬭᬶᬲ᭄ᬤᬦᬾᬫᭂᬫᬃᬕ᭄ᬕᬶ᭞ᬫᬩ᭄ᬭᬶᬬᬸᬓ᭄ᬲᬋᬂ
ᬲᬫᬶ᭞ᬘᬭᬶᬢᬬᬂᬲᬫ᭄ᬧᬸᬦ᭄ᬭᬯᬸᬄ᭞ᬧ᭄ᬭᬫᬦ᭄ᬢ᭄ᬭᬶᬦᬾᬭᬶᬂᬦᬵᬕᬭ᭞ᬍᬕᬵᬫᬗᬶᬕᭂᬮ᭄ᬧᬤᬶᬗ᭄ᬓ᭄ᬭᬶᬓ᭄᭞ᬧᬥᬗᬓᬸ᭞ᬗᬫᬢ᭄ᬬᬂᬳᬶᬩᬸᬭᬓ᭄ᬱ᭟ᬧᬥᬫᬦᭂᬕᭂᬳᬂᬮᬶᬫ᭞ᬫᬳᬢᬸᬃᬭᬶᬂ᭠
ᬰ᭄ᬭᬷᬪᬸᬧᬢᬶ᭞ᬇᬗ᭄ᬕᬶᬄᬢᬶᬢ᭄ᬬᬂᬗᭂᬫᬤᭂᬫᬂ᭞ᬳᬤᬮᬾᬦ᭄ᬫᬢᬸᬃᬩᬸᬯᬶᬦ᭄᭞ᬯᬦ᭄ᬢᬄᬢᬶᬢ᭄ᬬᬂᬰ᭄ᬭᬶᬪᬸᬧᬢᬶ᭞ᬗ᭄ᬤᬾᬯᬾᬓ᭄ᬗᬫᬤᭂᬫᬂᬳᬶᬧᬸᬦ᭄᭞ᬧᬥᬗᬓᬸᬗᭂᬫᬢᬶᬬᬂ᭞ᬭᬯᭀ
[ ᭗᭖ 76A]
ᬲᬾᬲᬮᬾᬂᬮᬗ᭄ᬓᬸᬗᬶᬦ᭄᭞ᬤᬤᬶᬳᬸᬢᬸᬢ᭄᭞ᬧ᭄ᬭᬫᬦ᭄ᬢ᭄ᬭᬶᬦᬾᬤᬶᬢᬸᬫ᭄ᬬᭂᬕᬦ᭄᭟ᬦᬾ ᬳᬚᬓ᭄ᬤᬦᬾ ᬳᬲ᭄ᬬ᭞ᬫᬋᬩᬢ᭄ᬧᬥᬫᬗᬓ᭄ᬯᬶᬦ᭄᭞ᬤᬶᬢᬸᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬜᭂᬮᬕ᭄ᬯᬘ
ᬡᬫᬦᬶᬲ᭄᭞ᬳᬤᬸᬄᬤᬾᬯᬫᬓᬵᬲᬫᬶ᭞ᬧ᭄ᬬᬦᬓ᭄ᬩᬧᬦᬾᬇᬩᬕᬸᬲ᭄᭞ᬲᬸᬳᬸᬤᬂᬤᬾᬯᬵᬤᬫ᭄ᬬᭂᬕᬦ᭄᭞ᬢᭀᬘᬶᬭᬶᬦᬾᬳᬩᬫᬳᬶ᭞ᬫᬓᬢᬡ᭄ᬥ᭞ᬇᬩᬕᬸᬲ᭄ᬲᬚᬫᬜ᭄ᬚ᭠
ᬬ᭟ᬤᬶᬢᬸᬫᬳᬶᬚᬸᬳᬶᬚᬸᬯᬦ᭄᭞ᬧ᭄ᬭᬭᬢᬸᬦᬾᬳᬲ᭄ᬬᬤᬶᬭᬶ᭞ᬭᬭᬶᬲ᭄ᬫᬗᬢᬸᬭᬂᬓᬡ᭄ᬥ᭞ᬳᬤᬫᭂᬗᬢᬸᬭᬂᬓᬸᬧᬶᬂ᭞ᬳᬤᬗᬩᬚ᭄ᬭᬶᬚᬶᬦ᭄ᬩᬢᬶᬲ᭄᭞ᬳᬤᬫᭂᬗᬢᬸᬭᬂᬳᭂᬦ᭄ᬢᬸᬤ᭄᭞ᬳ
ᬤᬗᬩᬚ᭄ᬭᬶᬚᬶᬦ᭄ᬮᬶᬫ᭞ᬳᬤᬦᬾᬗᬢᬸᬭᬂᬓᬮᬶᬢ᭄᭞ᬳᬤᬍᬗᭂᬦ᭄᭞ᬳᬤᬢᭂᬡ᭄ᬥᬲ᭄ᬳᬢᬸᬭᬗ᭟ᬳᬤᬗᬢᬸᬭᬂᬚᬚ᭄ᬭᭀᬯᬦ᭄᭞ᬧᬧᬸᬲᬸᬄᬓᬮᬯᬦ᭄ᬳᬢᬶ᭞ᬧᬸᬦᬶᬓᬵ᭠
Kaca:Bali-lontar-gaguritan-indra-bang-induraja-300ppi.pdf/76
Kaca puniki sampun kauji-wacén
