[ ᭗᭔ 74B]
᭗᭔᭞
ᬢᭂᬓᬵ᭞ᬚᭂᬚᭂᬄᬓᬬᬸᬦᬾᬢᬦ᭄ᬲᬶᬧᬶ᭞ᬗᭂᬢᭀᬃᬭᬕᬦᬾᬧ᭄ᬭᬚᬦᬶ᭞ᬧᬓᬚᭂᬢ᭄ᬚᭂᬢ᭄ᬗᬶᬮᬂᬩᬸᬓᬸ᭞ᬗᬳᬲ᭄ᬭᬲᬢᬦ᭄ᬧᬚᬶᬯᬵ᭞ᬫᬫᬶᬋᬂᬫᬸᬜᬶᬦᬾᬜᬶᬭᬶᬢ᭄᭞ᬧᬥᬧᬮᬶᬂ᭞᭠
ᬢᬓᬸᬢ᭄ᬳᬚᬓᬵᬫᬓᭂᬚᬂ᭟ᬢ᭄ᬯᬭᬩᬦᬶᬫᬓ᭄ᬭᬶᬲᬶᬓᬦ᭄᭞ᬳᬸᬮᬶᬚᭀᬄᬤᬦᬾᬜᬶᬗᬓᬶᬦ᭄᭞ᬳᭂᬦ᭄ᬢᭀᬲᬂᬓᬮᬩᬸᬭᬓ᭄ᬱ᭞ᬭᬸᬧᬦᬾᬫᬗᬺᬲᬂᬳᬢᬶ᭞ᬓᬮᬶᬗ᭄ᬓᬾᬩᬦᬶᬦᭂ
ᬲᭂᬓᬶᬦ᭄᭞ᬧᬸᬦᬶᬓᬵᬳᬶᬓᬮᬫᬺᬢ᭄ᬬᬸ᭞ᬦᬗ᭄ᬳᬶᬂᬩᬸᬫᬭᬩᬶᬸᬓᬘᬶᬗᬓ᭄᭞ᬲᬂᬓᬮᬩᬸᬭᬵᬓ᭄ᬱᬶᬫᬢᬶ᭞ᬧᬥᬵᬕᬶᬭᬂ᭞ᬫᬜ᭄ᬚᬕ᭄ᬚᬕ᭄ᬳᬚᬓ᭄ᬫᬓᭂᬚᬂ᭟ᬧᬥᬧᬲᬮᬾᬂᬧᬮᬶᬯᬢ᭄᭞ᬫᭂᬮᬳᬶ᭠
ᬩ᭄ᬲᬮᬾᬂᬮᬗ᭄ᬓᬸᬗᬶᬦ᭄᭞ᬢᬓᬸᬢ᭄ᬜᬧᬘᬂᬓᬲᬾᬧᬦ᭄᭞ᬤᬾᬦᬶᬂᬚᬕᬫᬺᬩᬸᬢ᭄ᬗᬮᬶᬄ᭞ᬘᬸᬗᬸᬄᬫᬢᬦ᭄ᬤᬶᬩᬸᬭᬓ᭄ᬱᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬕᭂᬦᬄᬳᬶᬩᬸᬭᬓ᭄ᬱᬵ᭞᭠
[ ᭗᭕ 75A]
ᬧᬥᬕᬶᬭᬂᬫᬦᭂᬲᭂᬓᬶᬦ᭄᭞ᬧᬘᬂᬗᬮᬶᬄ᭞ᬘᬸᬗᬸᬄᬫᬢᬳᬶᬩᬸᬭᬓ᭄ᬱ᭟ᬲᬕᬾᬢ᭄ᬲᬸᬩᬳᭀᬜᬳᬶᬮᬂ᭞ᬘᬸᬗᬸᬄᬫᬢᬢ᭄ᬯᬭᬓᬭᬶ᭞ᬳᬤᬶᬕᭂᬮᬸᬬᬫᬓᭂᬚᬂ᭞ᬧ᭄ᬭᬫᬦ᭄ᬢ᭄ᬭᬶᬦᬾ᭠
ᬫᬓᬲᬫᬶ᭞ᬮᬯᬸᬢ᭄ᬩᭂᬗᭀᬂᬲᬋᬂᬲᬫᬶ᭞ᬧᬗ᭄ᬭᬯᭀᬲᬾᬚ᭄ᬭᭀᬦᬶᬂᬓᬬᬸᬦ᭄᭞ᬜᬾ᭠ᬦ᭄ᬚᭂᬦᭂᬂᬲᬸᬩᬫᬓᬢᬂ᭞ᬢ᭄ᬯᬭᬳᬤᬳᬦᬓ᭄ᬫᬢᬶ᭞ᬲᬶᬜᬳᭂᬦ᭄ᬢᭀ᭞ᬳᬦᬓᬾᬦᬵᬕᬓᬶᬦ᭄ᬚᬭ
ᬦ᭄᭟ᬬᬤᬶᬦᬶᬗᭂᬦᬄᬳᬶᬩᬸᬲᬦ᭄᭞ᬓᬾᬢᭀᬭᬯᭀᬲᬾᬤᬶᬳᬢᬶ᭞ᬮᬯᬸᬢ᭄ᬤᬶᬢᬸᬫᬕᬸᬡᬶᬢ᭞ᬫᭂᬢᬸᬓᬬᬸᬦ᭄ᬤᬦᬾᬲᬫᬶ᭞ᬧᬘᬂᬗᬮᬶᬄᬳᬗ᭄ᬕᬾᬦ᭄ᬪᬸᬓ᭄ᬢᬶ᭞ᬓᭂᬳᬢᬸᬭᬂᬓᬾᬦ᭄ᬲᬂ
ᬧ᭄ᬭᬪᬸ᭞ᬤᬶᬢᬸᬧᬥᬫᬕᬾᬩ᭄ᬭᬲ᭄᭞ᬧ᭄ᬭᬭᬢᬸᬦᬾᬫᬓᬵᬲᬫᬶ᭞ᬮᬯᬸᬢ᭄ᬗᬮᬶᬄ᭞ᬓᭀᬧᬶᬂᬳᬤᬗᬮᬶᬄᬢᭂᬡ᭄ᬥᬲ᭄᭟ᬳᬤᬗᬮᬶᬄᬚ᭄ᬭᬶᬚᬶᬦ᭄ᬮᬶᬫ᭞ᬳᬤᬗᬮᬶᬄᬚ᭄ᬭᬶᬚᬶᬦ᭄ᬩᬢᬶᬲ᭄᭞
Kaca:Bali-lontar-gaguritan-indra-bang-induraja-300ppi.pdf/75
Kaca puniki sampun kauji-wacén
