[ ᭗᭓ 73B]
᭗᭓᭞
ᬓᬩ᭄ᬯᬢᬂ᭞ᬲᬫ᭄ᬧᬸᬦ᭄ᬲᬶᬤ᭄ᬥᬫᬗ᭄ᬓᬶᬦ᭄ᬓᭂᬦᬶ᭞ᬤᬶᬢᬸᬭᬳᬤ᭄ᬬᬦ᭄᭞ᬫᬸᬗ᭄ᬕᬄᬭᬶᬂᬓᬸᬤᬦᬾᬕᭂᬮᬶᬲ᭄᭟ᬳᬸᬮᬶᬄᬤᬸᬳᬸᬃᬓᬸᬤᬦᬾᬳᬶᬤᬦᬾᬫᬗᬸᬘᬧ᭄᭞ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬤᬸᬄᬭᬢᬸ
ᬫᬲ᭄ᬫᬶᬭᬄ᭞ᬳᬶᬭᬶᬓᬶᬭᬢᬸᬧᬂᬫᭂᬮᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬦᬶᬗ᭄ᬕᬮᬶᬦ᭄ᬳᬶᬤ᭞᭠ᬧᬸᬃᬡ᭄ᬦᬬᬂᬓᬬᬸᬦᬾᬕᬸᬲ᭄ᬢᬶ᭟ᬤᬾᬦᬶᬂᬲᬫ᭄ᬧᬸᬦ᭄ᬳᬶᬓᬮᬩᬸᬭᬓ᭄ᬱᬧᭂᬚᬄ᭞ᬲᬶᬤ᭄ᬥᬓᬤᬶᬓᬬᬸᬦ᭄ᬕᬸᬲ᭄ᬢᬶ
᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬭᬸᬲᬓ᭄᭞ᬓᬾᬯᬦ᭄ᬢᭂᬦ᭄ᬭᬢᬸᬳᬾᬮᬶᬗᬂ᭞ᬭᬶᬂᬧᬗᬦᬶᬓᬦᬾᬗᬸᬦᬶ᭞ᬢᭂᬓᬾᬦᬶᬂᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬳᬶᬭᬢᬸᬮᬮᬶ᭟ᬲᬧᬸᬦᬶᬓᬵᬳᬸᬚᬭᬾᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬓᬸ
ᬤᬦᬾᬭᬭᬶᬲ᭄ᬧᭂᬘᬸᬢᬶᬦ᭄᭞ᬫᬮᬳᬶᬩ᭄ᬗᬮᬳᬂ᭞ᬫᬘᭂᬮᬸᬧ᭄ᬓᬢᭂᬗᬄᬳᬮᬲ᭄᭞ᬕᬗ᭄ᬲᬃᬜᬦᬾᬩᬸᬓᬳᬗᬶᬦ᭄᭞ᬢ᭄ᬯᬄᬳᬓᬶᬚᭂᬧᬦ᭄᭞ᬲᬕᬾᬢᬦ᭄ᬲᬸᬩᬳᬶᬮᬶᬤ᭄᭟ᬢᬦ᭄ᬓᭀ
[ ᭗᭔ 74A]
ᬲᬧᬦᬾᬫᭂᬫᬃᬕ᭄ᬕᬶᬲᬫ᭄ᬧᬸᬦ᭄ᬳᬶᬮᬂ᭞ᬭᬵᬚᬧᬸᬢ᭄ᬭᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬩᭂᬗᭀᬂᬫᬗᬯᬲᬂ᭞ᬧᭂᬮᬳᬶᬩ᭄ᬚᬭᬦᬾᬕᬗ᭄ᬲᬃ᭞ᬲᬓᭂᬤᬧ᭄ᬢ᭄ᬯᬭᬓᬳᬓ᭄ᬱᬶ᭞ᬤᬶᬢᬸᬲᬂᬭᬢ᭄ᬦ᭞ᬫᬓᭂᬍᬢᭂ
ᬕ᭄ᬚ᭄ᬭᭀᬦᬶᬂᬳᬢᬶ᭟ᬲᬳᬶᬮᬗᬾᬳᭂᬦ᭄ᬢᭀᬳᬦᬓᬾᬢᬭᬸᬡᬵ᭞ᬤᬶᬢᬸᬲᬂᬭᬵᬚᬧᬸᬢ᭄ᬭᬶ᭞ᬗ᭄ᬭᬯᭀᬲ᭄ᬚ᭄ᬭᭀᬦᬶᬂᬤ᭄ᬭ᭄ᬬ᭞ᬓᬮᬶᬗᬦᬾᬧᭂᬤᬲ᭄ᬳᬶᬤ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵᬢᬸᬯᬶ᭞ᬳᬦ
ᬓᬩᬸᬲᬦ᭄᭞ᬲᬂᬓᬵᬦᬦ᭄ᬩᬕᬸᬲᬾᬢᬦ᭄ᬲᬶᬧᬶ᭟ᬩ᭄ᬯᬶᬦ᭄ᬲᬗ᭄ᬓᬦ᭄ᬲᬶᬤ᭄ᬥᬫᬢᬶᬇᬩᬸᬭᬓ᭄ᬱ᭞ᬬᬦᬶᬂᬢ᭄ᬯᬭᬳᬶᬤᬚᬢᬶ᭞ᬫ᭄ᬭᬲᬫᬜᬶᬤᬬᬂ᭞ᬳᭂᬦ᭄ᬢᭀᬳᬶᬓᬮᬩᬸᬭᬓ᭄ᬱ᭞
ᬬᬦᬶᬂᬮᬾᬦᬦ᭄ᬢᭂᬓᬫᬳᬶ᭞ᬧᭂᬤᬲ᭄ᬢᭀᬲᬶᬤ᭄ᬥ᭞ᬲᬓᬮᬧᬘᬂᬫᬢᬶ᭟᭐᭟ᬧᬸᬄᬲᬶ᭟᭐᭟ᬉᬘᬧᬂᬲᬂᬧᬭᬧᬸᬢ᭄ᬭ᭞ᬤᬸᬓ᭄ᬯᬯᬸᬧᭀᬮᬶᬄᬫᬗᬓ᭄ᬱᬶ᭞ᬲᬂᬓᬮᬩᬸᬭᬓ᭄ᬱᬵ
Kaca:Bali-lontar-gaguritan-indra-bang-induraja-300ppi.pdf/74
Kaca puniki sampun kauji-wacén
