[ ᭗᭒ 72B]
᭗᭒᭞
ᬭᬶᬲ᭄᭞ᬤᬶᬢᭂᬗᬄᬩᬜ᭄ᬚᬦ᭞ᬧᭂᬥᬲ᭄ᬤᬶᬢᬸᬓᬘᬶᬶᬦ᭄᭟ᬭᬶᬂᬳᬶᬚᬗ᭄ᬕᬶᬳᬃᬚ᭄ᬚᬶᬫ᭄ᬢᭀᬗ᭄ᬓᬶᬮᬵᬭᬓ᭄ᬱ᭞ᬲᬸᬩᬫᬜᭂᬮᬸᬧᬶᬦ᭄ᬮᬢᬶᬄ᭞ᬩᬯᭀᬂᬜᬦᬾᬗ᭄ᬮᬶᬯᬢ᭄᭞ᬢᭂᬓᬾᬦᬶᬂᬩᬸᬗᬲ᭄ᬩ
ᬜ᭄ᬚᬦ᭞ᬢᭂᬢᬸᬬᬳᬶᬚᬗ᭄ᬕᬶᬳᬃᬚ᭄ᬚᬶᬫ᭄᭞ᬮᬯᬸᬢ᭄ᬗᬢᬢᬂ᭞ᬢᬮᬶᬦ᭄ᬮᬢᬶᬳᬾᬬᬤᬤᬶ᭟ᬫᬲᭂᬳᭂᬢᬦ᭄ᬤᬶᬩᬯᭀᬂᬇᬓᬮᬵᬭᬓ᭄ᬱ᭞ᬮᬢᬶᬄᬚ᭄ᬭᬢᬾᬚᬦᬶ᭞ᬮᬯᬸᬢ᭄ᬓᬳᬶᬗᭂᬢᬂ᭞ᬧ
ᬩᭂᬲᭂᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬇᬚᬸᬬᬳᬶᬚᬗ᭄ᬕᬳᬃᬚ᭄ᬚᬶᬫ᭄᭞ᬮᬯᬸᬢ᭄ᬫᬗᬺᬢᬂ᭞ᬗᬢᬢ᭄ᬩᬸᬮᬄᬫᬮ᭄ᬳᬶᬩ᭄᭟ᬤᬶᬲᬸᬩᬦᬾᬓᭂᬦᬮᬢᬶᬄᬇᬩᬸᬭᬓ᭄ᬱ᭞ᬩᬯᭀᬂᬜᬦᬾᬫᬢᬮᬶ᭞᭠
ᬢᭀᬂᬤᬤᬶᬫᬗ᭄ᬮᬯᬦ᭄᭞ᬓᬸᬤᬦᬾᬤᬶᬢᬸᬗᬸᬮᬳᬂ᭞ᬜᭂᬓ᭄ᬚᭂᬓ᭄ᬗᬧᬾᬕ᭄ᬮᬦ᭄ᬢᬓ᭄ᬕ᭄ᬮᬶᬦ᭄ᬢᬶᬓ᭄᭞ᬫᬭᬧᬶᬂᬢᬶᬕ᭞ᬗᬧᬾᬃᬇᬚᬗ᭄ᬕᬶᬳᬃᬚ᭄ᬚᬶᬫ᭄᭟ᬓᬘᬶᬗᬓᬶᬦ᭄ᬭᬶᬂᬭᬤᬾᬦ᭄ᬳᬶᬤ᭄ᬭᬩᬗ᭄ᬲ᭄ᬯ
[ ᭗᭓ 73A]
ᬡ᭞ᬇᬩᬸᬃᬓ᭄ᬱᬓᬶᬦᬮᬢᬶᬄ᭞ᬢᬸᬃᬲᬸᬩᬚᭂᬓ᭄ᬚᭂᬓᬵ᭞ᬭᬶᬂᬚᬭᬦᬾᬳᬶᬭᬶᬓ᭞ᬗᬶᬮᬶᬲᬂᬢᭂᬥᬸᬦ᭄ᬜᬕ᭄ᬚᬕᬶᬦ᭄᭞ᬇᬓᬮᬭᬵᬚ᭞ᬧᬶᬤᬗᬾᬓᬳᬸᬦᬸᬲ᭄ᬭᬭᬶᬲ᭄᭟ᬲᬫ᭄ᬧᬸ
ᬦ᭄ᬭᬯᬸᬄᬭᬶᬂᬕ᭄ᬦᬳᬾᬳᬶᬩᬸᬭᬓ᭄ᬱᬵ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬃᬡᬕᭂᬮᬶᬲ᭄᭞ᬫᬦᬸᬯᭂᬓ᭄ᬭᬶᬂᬢᬗ᭄ᬓᬄ᭞ᬕᭂᬢᬶᬳᬾᬫᬶᬚᬶᬮ᭄ᬲᬸᬫᬶᬭᬢ᭄᭞ᬯᬦ᭄ᬢᬄᬲᬧᬶᬲᬦ᭄ᬓᭂᬮᬸᬤᬶᬦ᭄᭞ᬲᬂᬓᬮᬭᬵᬚ᭞
ᬫᬢᬶᬢᬦ᭄ᬧᬗᬸᬦᬮᬶ᭟ᬤᬶᬲᬸᬩᬦᬾᬫᬢᬶᬇᬓᬮᬩᬸᬭᬓ᭄ᬱ᭞ᬘᬸᬗᬸᬄᬫᬢᬦᬾᬓᬳᬫ᭄ᬩᬶᬮ᭄᭞ᬭᬶᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬧᬧᬶᬢᬸᬳᬶᬧᬸᬦ᭄ᬫᬫᬢ᭞ᬧᬧᬶᬢᬸᬘᬸᬗᬸᬄᬦᬾ
ᬲᬫᬶ᭞ᬲᬫ᭄ᬧᬸᬦ᭄ᬓᬢ᭄ᬮᬲᬂ᭞ᬓᬤᬾᬭᭀᬲ᭄ᬓᬓᭀᬮᬓᬶᬦ᭄᭟ᬭᬶᬂᬲᬫ᭄ᬧᬸᬦᬾᬯᬸᬲᬦ᭄ᬗᬫ᭄ᬩᬶᬮ᭄ᬘᬸᬗᬸᬄᬫᬢ᭞ᬓᬲᬸᬮᬸᬄᬓᭂᬢᬮᬶᬦᬶᬦ᭄᭞ᬭᬶᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬤᬾᬦᬵᬳᬶᬂᬧᬸᬦᬶᬓᬵ
Kaca:Bali-lontar-gaguritan-indra-bang-induraja-300ppi.pdf/73
Kaca puniki sampun kauji-wacén
