[ ᭗᭑ 71B]
᭗᭑᭞
ᬢᭀᬲᬢ᭄ᬯᬦ᭄ᬜᬦᬾᬚᬢᬶ᭞ᬢ᭄ᬯᬭᬤᬮᬾᬦᬦ᭄᭞ᬢ᭄ᬬᬂᬯᬄᬳᬮᬗᬾᬫᬫᬸᬜᬶ᭟ᬢ᭄ᬯᬄᬳᬫ᭄ᬩᬸᬮ᭄ᬢᬾ᭞ᬧᬗ᭄ᬭᬾᬫᭀᬦᬾᬭᬵᬚᬵᬳᬚ᭄ᬯᬶᬢ᭞ᬲᬂᬢ᭄ᬭᬸᬡᬫᬜᬯᬸᬭᬶᬦ᭄᭞ᬤᬸᬄᬭᬢᬸᬫᬵᬲ᭄ᬫᬶᬭᬄ
᭞ᬬᬾᬦ᭄ᬳᬗ᭄ᬤᬾᬫᬜᬶᬤᬬᬂ᭞ᬮᬶᬦ᭄ᬢᬂᬩᬬᬦᬾᬧᬸᬦᬶᬓᬶ᭞ᬭᬶᬂᬓᬮᬭᬵᬚ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬶᬦ᭄᭟ᬦᬧᬶᬚᬕᬵᬧᬗ᭄ᬯᬍᬲ᭄ᬳᬶᬤᬭᬶᬂᬢᬶᬢ᭄ᬬᬂ᭞ᬭᬵᬚᬧᬸᬢ᭄ᬭᬶᬲᬯᬸᬃᬳᬭᬶᬲ᭄᭞ᬤᬸᬄ
ᬭᬢᬸᬲᬂᬢᬭᬸᬡᬵ᭞ᬯᬾᬦ᭄ᬢᭂᬦ᭄ᬳᬸᬕᬶᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬫᬗ᭄ᬯᬍᬲ᭄ᬲ᭄ᬯᬾᬘᬫ᭄ᬳᬶᬕᬸᬲ᭄ᬢᬶ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬤᬸᬭᬸᬂᬗᬢᬸᬭᬂᬭᬶᬂᬕᬸᬲ᭄ᬢᬶ᭟ᬩᬾᬜ᭄ᬚᬂᬧᬸᬗ᭄ᬓᬸᬃᬦᬶᬂᬲᬫ᭄ᬧᬸᬦ᭄ᬲᬶᬤᬮᬶᬦ᭄ᬢᬂ᭞ᬩᬬ
ᬦ᭄ᬢᬶᬢ᭄ᬬᬂᬗᬾᬧᬸᬦᬶᬓᬶ᭞ᬢᬸᬃᬓᬭᬶᬫᬸᬭᬶᬧ᭞ᬭᬯᬸᬄᬳᬶᬭᬶᬓᬧᬘᬂ᭞ᬢᬶᬢ᭄ᬬᬂᬗᬢᬸᬭᬂᬧᬸᬦᬕᬶ᭞ᬓᬾᬢᭀᬳᬦ᭄ᬢᬸᬓ᭄ᬳᬶᬤ᭞ᬭᬵᬚᬧᬸᬢ᭄ᬭᬶᬫᭂᬜᬯᬸᬭᬶᬦ᭄᭟ᬤᬸᬭᬸᬂᬧᬸᬧᬸᬢ᭄ᬧᬗ᭄ᬭᬯᭀᬲᬾ
[ ᭗᭒ 72B]
ᬲᬂᬭᬵᬧᬸᬢ᭄ᬭᬵ᭞ᬲᬕᬾᬢᬦ᭄ᬢᭂᬓᬵᬚᬦᬶ᭞ᬲᬂᬓᬮᬩᬸᬭᬓ᭄ᬱ᭞ᬫᬚᬸᬚᬸᬓ᭄ᬤᬶᬲᬸᬓᬸᬦ᭄ᬳᭂᬚᬦ᭄᭞ᬫᬭᬾᬗᬂᬧᬢᬶᬮᬶᬬᬢᬶᬦ᭄᭞ᬘᬘᬶᬗᬓ᭄ᬢᭀᬬ᭞ᬤᬶᬢ᭄ᬗᬄᬩᬜ᭄ᬚᬦᬩᭂᬲᬶ᭟ᬫᬯᬤᬄ
ᬕᬸᬘᬶᬳᭂᬜᭂᬓ᭄ᬓᬦ᭄ᬢᬶᬫᬮ᭄ᬯᬩ᭄᭞ᬍᬕᬵᬲᬂᬓᬮᬚᬦᬶ᭞ᬧᬘᬂᬗᬶᬦᬸᬫ᭄ᬢᭀᬬ᭞ᬓᭀᬘᬧᬂᬲᬂᬭᬵᬚᬚ᭄ᬯᬶᬢ᭞ᬚᭂᬚᭂᬄᬓᬬᬸᬦᬾᬢᬦ᭄ᬲᬶᬧᬶ᭞ᬧᬦᭂᬓᭂᬧ᭄ᬫᬸᬯᬵ᭞ᬢ᭄ᬯᬭᬩᬦᬶᬜᬶ
ᬗᬓᬶᬦ᭄᭟ᬓᬪᬶᬦᬯᬵᬅᬳᬾᬂᬭᬸᬧᬦᬾᬲᬂᬓᬮ᭞ᬳᬯᬓ᭄ᬜᬦᬾᬢ᭄ᬯᬭᬳᬩᭂᬲᬶᬓ᭄᭞ᬫᬮᬶᬫᬢ᭄ᬯᬄᬯᬤ᭄ᬯ᭞ᬩᬢᬶᬲ᭄ᬜᬦᬾᬢ᭄ᬯᬄᬤᬤ᭄ᬯ᭞ᬲᬸᬗᬸᬳᬾᬧᬧᬶᬢᬸᬤᬤᬶ᭞ᬧᬧᬶᬢᬸᬫᬫ᭠
ᬢ᭞ᬤᬸᬳᬸᬭᬦ᭄ᬘᬸᬗᬸᬳᬾᬦᭂᬮᬶᬓ᭄᭟ᬤᬶᬢᬸᬮᬯᬸᬢ᭄ᬲᬂᬩᬸᬭᬓ᭄ᬱᬗᬶᬦᬸᬫ᭄ᬢᭀᬬ᭞ᬧᬜ᭄ᬬᬸᬧ᭄ᬦᬾᬩᬸᬓᬵᬳᬗᬶᬦ᭄᭞ᬤᬸᬫᬭᬳᬢᭂᬗ᭞ᬲᬂᬓᬮᬗᬶᬦᬸᬫ᭄ᬢᭀᬬ᭞ᬰᬶᬭᬄᬦᬾᬘᭂᬍᬧᬂᬭ
Kaca:Bali-lontar-gaguritan-indra-bang-induraja-300ppi.pdf/72
Kaca puniki sampun kauji-wacén
