[ ᭖᭖ 66B]
᭖᭖᭞
ᬦ᭄ᬜᬯᬸᬭᬶᬦ᭄᭞ᬬᬦᬶᬂᬧᬸᬦᬶᬓᬵ᭞ᬓᬸᬤᬦᬾᬢᬓᬾᬦᬂᬕᬸᬲ᭄ᬢᬶ᭟ᬯᬦ᭄ᬢᬄᬚᬗ᭄ᬕᬶᬳᬶᬚᬾᬭᬢᬃᬚᬶᬦ᭄ᬳ᭄ᬬᬦ᭄ᬯᬲ᭄ᬢᬜ᭞ᬤᬾᬦᬶᬂᬓᬸᬤᬮᬶᬦ᭄ᬢᬂᬍᬯᬶᬄ᭞ᬲᬦᬾᬫᬦᬸᬯᬾᬦᬂ᭞ᬓᬯᬶᬢ᭄ᬓᬸᬤ
ᬦᬾᬧᬸᬦᬶᬓᬵ᭞ᬧᬭᬧᬸᬢ᭄ᬭᬦ᭄ᬭᬢᬸᬳᭂᬚᬸᬫ᭄᭞ᬲᬫ᭄ᬧᬸᬦ᭄ᬓᬢ᭄ᬬᬓ᭄ᬱ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬧᬫᬶᬢ᭄᭟ᬓᬤᬶᬲᭂᬓᬶᬦ᭄ᬓᬸᬤᬦᬾᬲᬳᬗᬦ᭄ᬤᬶᬓᬵ᭞ᬛᬘᬳᬶᬚᬗ᭄ᬕᬶᬚᬶᬫ᭄᭞ᬚᬦᬶᬳᬚᬓ᭄ᬦᬶ
ᬭ᭞ᬩᬋᬂᬦᭂᬫᬚᭂᬮᬾᬫᭂᬮᬄ᭞ᬓᬸᬤᬦᬾᬓᬳᬫ᭄ᬩᬶᬮ᭄ᬭᬭᬶᬲ᭄᭞ᬳᬦ᭄ᬢᬸᬓ᭄ᬭᬳᬤ᭄ᬬᬦ᭄᭞ᬫᬗ᭄ᬭᬭᬶᬲ᭄ᬓᬮᬶᬗ᭄ᬕᬶᬳᬶᬦ᭄᭟ᬢᭀᬧ᭄ᬥᬗᬾᬤᬶᬢᬸᬚᬦᬶᬓᬕ᭄ᬮᬦ᭄ᬢᬶᬗᬂ᭞ᬧᬧ᭄ᬓᭂᬓ᭄ᬳᬗ᭄ᬕᬾᬦ᭄ᬦᬮᬶᬦᬶᬦ᭄᭞
ᬭᬶᬂᬓᬶᬯᬵᬫᬕᭂᬦᬄ᭞ᬬᬦᬶᬂᬧᭂᬘᬸᬢᬾᬧᬸᬦᬶᬓᬵ᭞ᬭᬶᬂᬢᭂᬗᭂᬦ᭄ᬕᭂᬦᬳᬂᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬢᬭᬕ᭄ᬬ᭞ᬓᬤᬦᬾᬓᬕᭂᬧ᭄ᬮᬓ᭄ᬭᬭᬶᬲ᭄᭟ᬮᬯᬸᬢ᭄ᬫᬮᬳᬶᬩ᭄ᬓᬸᬤᬦᬾᬫᬫᭂᬤᬮ᭄᭞ᬢ
[ ᭖᭗ 67A]
ᬦ᭄ᬓᭀᬘᬧᬵᬤᬶᬫᬃᬕ᭄ᬕᬶ᭞ᬕᭂᬮᬶᬲᬶᬂᬘᬭᬶᬢ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬳᬶᬭᬶᬓᬵ᭚ᬭᬶᬂᬕᭂᬦᬄᬲᬂᬭᬵᬚᬧᬸᬢ᭄ᬭᬶ᭞ᬭᬶᬂᬳᬋᬧᬦ᭄ᬬ᭞ᬢ᭄ᬯᬭᬵᬤᬫᬂᬮᬢᬦ᭄ᬯᭂᬗᬶ᭟ᬤᬶᬢᬸᬮᬯᬸᬢ᭄ᬭᬤᬾᬦ᭄ᬳᬶᬦ᭄ᬤ᭄ᬭ
ᬩᬗ᭄ᬲ᭄ᬯᬡᬵ᭞ᬜᭀᬮᬳᬂᬓᬸᬤᬦᬾᬕᭂᬮᬶᬲ᭄᭞ᬲᬶᬸᬭᬶᬂᬳᬬᬸᬦ᭄ᬲᬂᬚ᭄ᬯᬶᬢ᭞ᬩᬢᬦ᭄ᬩᬮᬾᬦᬾᬫᬚᬮᬦ᭄᭞ᬤᬶᬢᬸᬭᬵᬚᬧᬸᬢ᭄ᬭᬶᬗᬓ᭄ᬱᬶ᭞ᬚᬮ᭄ᬫᬮᬦᬂ᭞ᬩᬚᬂᬘᭂᬦᬶᬓ᭄ᬭᬸᬧᬧᭂᬓᬶᬓ᭄᭟᭠
ᬫᬗ᭄ᬮᬶᬗ᭄ᬕᬶᬳᬶᬦ᭄ᬚᬭᬦ᭄ᬳᬶᬚᭀᬓᬪᬶᬦᬯᬵ᭞ᬭᬕᬦ᭄ᬤᬦᬾᬩᬕᬸᬲ᭄ᬕᭂᬜ᭄ᬚᬶᬂ᭞ᬫᬦᬸᬢ᭄ᬭᬶᬂᬢᭂᬕᬓᬦ᭄᭞ᬤᬤ᭄ᬬᬜᬲᬂᬭᬵᬚᬚ᭄ᬯᬶᬢ᭞ᬓᬬᬸᬦ᭄ᬧᬘᬂᬫᬦᬓᭀᬦᬶᬦ᭄᭞ᬭᬭᬶᬲ᭄ᬫᬜᬸᬘᬧ᭄᭞ᬇᬗ᭄ᬕᬶᬄᬕᬸᬲ᭄ᬢᬶ
ᬲᬗᬧᭂᬓᬶᬓ᭄᭟ᬲᬧᬵᬲᬶᬭᬤᬦᬾᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬭᬯᬸᬄᬦᬶᬜ᭄ᬚᭀᬯᬂᬓᬲ᭄ᬬᬲᬶᬄ᭞ᬚᭀᬕ᭄ᬢᬦ᭄ᬧᬭᬭᬧᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬯᬲ᭄ᬢᬢ᭄ᬭ᭞ᬭᬲᬜᬳᬫ᭄ᬩᬸᬮ᭄ᬫᬗᬶᬧᬶ᭞ᬢᬶᬢ᭄ᬬᬵᬂ
Kaca:Bali-lontar-gaguritan-indra-bang-induraja-300ppi.pdf/67
Kaca puniki sampun kauji-wacén
