Kaca:Bali-lontar-gaguritan-indra-bang-induraja-300ppi.pdf/65

Saking Wikisource
Kaca puniki sampun kauji-wacén

[ ᭖᭔ 64B]
᭖᭔᭞
ᬬᬸᬦ᭄ᬦᬶᬦᬶ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬢᬸᬦᬫᬦᬄᬓᬶᬭᬂᬓᬾᬃᬢ᭄ᬢᬶ᭞ᬳᬶᬘᬾᬦᬶᬦ᭄ᬢᬶᬢ᭄ᬬᬂᬯᬲᬦ᭟ᬤᬶᬢᬸᬮᬯᬸᬢ᭄ᬲᬂᬬᬓ᭄ᬱᬶᬫᬲᬯᬸᬃᬳᬭᬶᬲ᭄᭞ᬳᬸᬤᬸᬄᬘᬸᬘᬸᬦ᭄ᬢᬶᬢ᭄ᬬᬂ᭞ᬢᬶᬲ᭄ᬓᬸ
ᬧᬶᬂᬦᬶᬦᬶᬦᬾᬫᬗ᭄ᬓᬶᬦ᭄᭞ᬫᬦᭂᬲ᭄ᬋᬫ᭄ᬧᬸᬳᬶᬂᬯᬲᬦ᭟ᬬ᭄ᬯᬤᬶᬦ᭄ᬓᬾᬢᭀᬲᬫ᭄ᬧᬸᬦ᭄‌ᬓᭀᬩᭂᬢ᭄ᬕᬸᬲ᭄ᬢᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦ᭄ᬤᬩ᭄ᬤᬩᬂ᭞ᬫᬗ᭄ᬤᬾᬦ᭄ᬯᬾᬦ᭄ᬢᭂᬦ᭄ᬳᬗ᭄ᬕᬾᬦ᭄ᬕᬸᬲ᭄ᬢᬶ᭞ᬫᬮᬶᬗ᭄ᬕᬶᬳᬦ᭄ᬓᬦᬵ
ᬓᬸᬤᬫᬪᬸᬱᬡ᭞ᬫᬲᬲᭀᬘᬦ᭄ᬫᬶᬭᬄᬍᬯᬶᬄ᭞ᬫᬓᬓᭂᬧᬸᬄᬫᬮᬸᬗ᭄ᬓᬮᬸᬗ᭄ᬓ᭟ᬧᬦ᭄ᬢᭂᬲ᭄ᬜᬦ᭄ᬤᬂᬧ᭄ᬮᬶᬗ᭄ᬕᬶᬬᬦ᭄ᬧ᭄ᬭᬧᬸᬢ᭄ᬭᬳᭂᬚᬶᬫ᭄᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬕᬯᭀᬓ᭄ᬧᬶᬲᬦ᭄ᬫᬜᬶᬗᬓᬶᬦ᭄᭞ᬧᬧᬶᬦᭂ
[ ᭖᭕ 65A]
ᬳᬾᬚ᭄ᬭᭀᬦᬶᬂᬤ᭄ᬭ᭄ᬬ᭞ᬓᬮᬶᬗᬦᬾᬢᬸᬯᬄᬳᬶᬤᬲᬂᬳ᭄ᬬᬂᬤᬾᬯᬵᬤᬶ᭞ᬲ᭄ᬯᬾᬘᬦᬾᬓᬮᬶᬢᬂ᭞ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭞ᬳᬤᬚᬭᬦ᭄ᬓᬪᬶᬦᬯᬵ᭞ᬕᭀᬩᬦ᭄ᬜᬦᬾᬩᬸᬮᬸᬕᬤᬂᬜᭂᬍ
ᬧ᭄ᬫᬍᬗᬶᬲ᭄᭞ᬩᬶᬱᬵᬫᬸᬜᬶᬚᬤ᭄ᬫ᭞ᬤᬶᬢᬸᬬᬫᬳᬢᬸᬃᬕᭂᬮᬶᬲ᭄᭞ᬓᬸᬫᬦᭂᬓᬾᬦᬵᬲᬂᬬᬓ᭄ᬱ᭟ᬳᬦ᭄ᬢᬸᬓ᭄ᬦᬧᬶᬳᬶᬕᬸᬲ᭄ᬢᬶᬫᬗ᭄ᬓᬶᬦ᭄ᬗᭂᬲᬾᬗᬶᬦ᭄᭞ᬲᬂᬬᬓ᭄ᬱᬶᬳᬗᬸᬘᬧ᭄᭞ᬢᭂᬓᬾᬦ᭄ᬓᬸᬤᬦᬾ
ᬳᬭᬶᬲ᭄᭞ᬓ᭄ᬭᬸᬡᬳᬶᬭᬵᬫᬦᭂᬓᬬᬂ᭟ᬘᬳᬶᬫᬳᬶᬳᬶᬭᬧᬘᬂᬜ᭄ᬭᬳᬗᬳᬶ᭞ᬢᭂᬓᬾᬦ᭄ᬘᬸᬘᬸᬦ᭄ᬳᬶᬭ᭞ᬭᬶᬂᬧᬸᬢ᭄ᬭᬦ᭄ᬳᬶᬤᬲᬗᬚᬶ᭞ᬭᬢᬸᬧ᭄ᬭᬶᬳᬮᬦᬵᬕᬭ᭟ᬫᬧᬲᬾᬗᬦ᭄ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯ
ᬡᬵᬢᬸᬯᬶ᭞ᬤᬶᬢᬸᬘᬳᬶᬫᬋᬓᬦ᭄᭞ᬓᬸᬤᬦᬾᬫᬜᭀᬗ᭄ᬓᭀᬓ᭄ᬕᭂᬮᬶᬲ᭄᭞ᬫᬢᬾᬕ᭄ᬢᭀᬕ᭄ᬘᬭᬫᬗᬸᬲ᭟ᬭᬭᬶᬲ᭄ᬜᭂᬫ᭄ᬩᬄᬳᬢᬸᬭᬾᬢᬶᬢ᭄ᬬᬂᬫᬗᬶᬭᬶᬂ᭞ᬲᬂᬬᬓ᭄ᬱᬶᬫᬗᬸᬘᬧ᭄᭞ᬭᬶᬂᬧᬸᬢᬸᬦᬾ