Kaca:Bali-lontar-gaguritan-indra-bang-induraja-300ppi.pdf/64

[ ᭖᭓ 63B]
᭖᭓᭞
ᬦ᭄ᬤ᭄ᬭᬩᬗ᭄ᬲ᭄ᬯᬡᬵᬢᬸᬯᬶ᭞ᬳᭂᬦ᭄ᬢᭀᬧᬸᬢ᭄ᬭᬦ᭄ᬳᬶᬤ᭞ᬭᬶᬂᬇᬦ᭄ᬤ᭄ᬭᬩᬸᬗ᭄ᬲᬸᬦᬺᬧᬢᬶ᭞ᬭᬶᬭᬶᬄᬲᬚᬫᬓᬭᬸᬡᬵ᭟ᬫᭂᬮᬄᬚᬦᬶᬳᬤᬦ᭄ᬘᬳᬶᬦᬾᬕᭂᬦ᭄ᬢᬶᬦᬶᬦ᭄᭞ᬲᬸᬳᬸᬤ᭄ᬫᬤᬦ᭄ᬲᬶᬯᭀᬃᬢ᭄ᬢ
ᬦ᭄᭞ᬳᬶᬓᭂᬫ᭄ᬩᬃᬳᬤᬦᬾᬚᬦᬶ᭞ᬲᬸᬳᬸᬤ᭄ᬗᬯᬸᬓᬶᬦ᭄ᬲᬶᬯᭀᬃᬢ᭄ᬢᬦ᭄᭟ᬳᬶᬭᬦᬸᬦ᭄ᬤᬾᬦ᭄ᬗᭂᬢᭂᬧ᭄ᬮᬬᬳ᭄ᬦᬾᬚᬦᬶ᭞ᬳᬧᬂᬓᬦ᭄ᬢᬶᬧᭂᬕᬢ᭄᭞ᬳᬓᬾᬢᭀᬳᬶᬗᭂᬢᬂᬘᬳᬶ᭞ᬳᬶ
ᬓᭂᬫ᭄ᬩᬃᬫᬳᬢᬸᬃᬦᭂᬫ᭄ᬩᬄ.ᬲᬧᬭᬦᬶᬂᬮᬾᬤᬂᬧᬓᬬᬸᬦᬦ᭄ᬕᬸᬲ᭄ᬢᬶ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᭂᬧᬫᬶᬢ᭄᭞ᬦᬶᬗ᭄ᬕᬮᬶᬦ᭄ᬭᬕᬦ᭄ᬳᬶᬤᬾᬯ᭟ᬮᬦ᭄ᬢᬲ᭄ᬩᬸᬤᬮ᭄ᬳᬶᬓᭂᬫ᭄ᬩᬵᬃ
ᬚᬦᬶᬫᬗᬸᬗ᭄ᬲᬶ᭞ᬳᬸᬫᬳᬾᬲᬂᬬᬓ᭄ᬱ᭞ᬧᬘᬂᬗᬢᬸᬭᬂᬧᬶᬳᬸᬦᬶᬂ᭞ᬭᬶᬂᬧᭀᬮᬳᬾᬭᬵᬚᬚ᭄ᬯᬶᬢ᭟ᬳᬶᬤᬫᬗ᭄ᬕᬶᬄᬓᬓᭀᬩᭂᬢᬦ᭄ᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧᬶᬂᬚᬮᬦ᭄᭞᭠
[ ᭖᭔ 64A]
ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬳᬋᬧ᭄ᬦᬶᬦᬶᬦᬾᬜᬶᬗᬓ᭄᭟ᬲᬯᬲ᭄ᬧᬤᬲᬂᬬᬓ᭄ᬱᬶᬫᬜᬧᬕᭂᬮᬶᬲ᭄᭞ᬳᬸᬤᬸᬄᬘᬸᬘᬸᬦ᭄ᬢᬶᬢ᭄ᬬᬂ᭞ᬳᬶᬤᬾᬯᬫᬮᬶᬄᬫᬯᬮᬶ᭞ᬧᬸᬦᬧᬶᬚᬕᬦᬶ
ᬓᬬᬂ᭟ᬲᬧᬸᬦᬧᬶᬓᬵᬃᬱᬂᬳᬶᬤᬢᭂᬓᬾᬦ᭄ᬦᬶᬦᬶ᭞ᬳᬸᬮᬢ᭄ᬧ᭄ᬭᬦᬕᬢ᭞ᬫᬕᬾᬲᭀᬦ᭄ᬕᬾᬲᭀᬦ᭄ᬫᭂᬫᬃᬕ᭄ᬕᬶ᭞ᬭᬲᬵᬫᬶᬭᬶᬩ᭄ᬯᬢ᭄ᬧᬶᬲᬦ᭄᭟ᬭᬭᬶᬲ᭄ᬫᬢᬸᬃᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬕᭂᬮᬶᬲ᭄᭞ᬧᬢᬸ
ᬢ᭄ᬧᬗᬦ᭄ᬤᬶᬓᬵ᭞ᬓ᭄ᬭᬡᬢᬶᬢ᭄ᬬᬂᬭᬯᬸᬄᬫᬮᬶᬄ᭞ᬯᬾᬦ᭄ᬢᭂᬦ᭄ᬚᬕᬵᬳᬸᬦᬶᬗᬬᬂ᭟ᬳᬦ᭄ᬢᬸᬓ᭄ᬳᬶᬤᬭᬵᬚᬧᬸᬢ᭄ᬭᬶᬫᬮᬵᬯᬢᬶ᭞ᬫᬗ᭄ᬕᬶᬄᬓᬓᭀᬩᭂᬢᬦ᭄᭞ᬦᬾᬫᬗ᭄ᬓᬶᬦ᭄ᬧᬘᬂᬓᬳᬫ᭄ᬩᬶᬮ᭄᭞
ᬳᬦ᭄ᬢᬸᬓ᭄ᬳᬶᬓᬮᬩᬸᬭᬓ᭄ᬱ᭟ᬓᬮᬶᬄᬦᬶᬦᬶᬗᬦ᭄ᬤᬶᬓᬵᬭᬶᬂᬢᬶᬢ᭄ᬬᬂᬭᬶᬳᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬮᬸᬗ᭄ᬳ᭞ᬫᬦᬸᬮᬸᬂᬲᬂᬭᬵᬚᬧᬸᬢ᭄ᬭᬶ᭞ᬧᬸᬦᬶᬓᬵᬢᬸᬦᬲᬂᬢᬶᬢ᭄ᬬᬂ᭟ᬓᬤᬶᬫᬗ᭄ᬓᬶᬦ᭄ᬲᬧᬸᬦᬧᬶᬓ