[ ᭖᭑ 61B]
᭖᭑᭞
ᬤᬶᬭᬶ᭞ᬧᬥᬫᬲᬳᬢᬦ᭄᭞ᬧᬘᬂᬦᬸᬮᬸᬂᬭᬵᬚᬧᬸᬢ᭄ᬭᬶ᭞ᬧ᭄ᬭᬬᬢ᭄ᬦᬤᬶᬢᬸᬫᬜᬕ᭟ᬚᬕᬵᬗᬦ᭄ᬢᭀᬲᬂᬓᬮᬗᬸᬭᬵᬓ᭄ᬱᬚᬦᬶ᭞ᬭᬶᬲᬂᬧᬭᬧᬸᬢ᭄ᬭ᭞ᬩᬮᬾᬦᬾᬓᬓᬶ
ᬢᭂᬃᬭᬭᬶᬲ᭄᭞ᬲᬫᬶᬫᬗᬕᭂᬫ᭄ᬲᬜ᭄ᬚᬢ᭟ᬧᬦᬄᬳᬗ᭄ᬓᬸᬲ᭄ᬓᬤᬫ᭄ᬧᬶᬂᬲᬫᬶᬫᬲᬶᬓᬶᬧᬥᬦᬤ᭄ᬢᬤ᭄ᬓ᭄ᬮᬾᬯᬂ᭞ᬧᬜ᭄ᬚᬓ᭄ᬮᬶᬬᬸᬫᬜᬋᬗᬶᬦ᭄᭞ᬗ᭄ᬳᬶᬂᬲᬓᬶᬂᬳᬤᬾᬄᬫᬚᬕᬵ᭟ᬲ
ᬯᬢᬭᬯᬾᬦ᭄ᬢᭂᬦ᭄ᬳᬧᬦ᭄ᬤᭂᬍᬂᬧᬲ᭄ᬢᬶ᭞ᬲᬓᬶᬂᬩᬮᬾᬩᬮᬓ᭄᭞ᬫᬚᬸᬚᬸᬓ᭄ᬧᬥᬫᬗᬦ᭄ᬢᬶ᭞ᬢᬢᬲ᭄ᬩᬳᬦ᭄ᬜᬵᬲᬶᬯᭀᬃᬢ᭄ᬢᬦ᭄᭟ᬫᬗ᭄ᬮᬶᬬᬢᬶᬦ᭄ᬢᬶᬗ᭄ᬓᬄᬧ᭄ᬭᬫᬦ᭄ᬢ᭄ᬭᬶᬦᬾᬚᬦᬶ᭞ᬫᬵ
ᬚᬕᬵᬳᬶᬭᬶᬓᬵ᭞ᬲᬶᬯᭀᬃᬢ᭄ᬢᬦ᭄ᬮᬯᬸᬢ᭄ᬫᬫᬃᬕ᭄ᬕᬶ᭞ᬓᬳᭀᬚᭀᬕ᭄ᬲᬂᬭᬵᬚᬚ᭄ᬯᬶ᭠ᬢ᭟ᬓᭂᬢᬫ᭄ᬧᭂᬓᬶᬦ᭄ᬤᬾᬦᬶᬂᬓᭂᬦᭂᬳᬾᬲᬸᬪᬓ᭄ᬢᬶ᭞ᬓᭂᬲᬳᬢᬂᬧᬶᬲᬦ᭄᭞ᬫᬗ᭄ᬤᬾᬦᬾ
[ ᭖᭒ 62A]
ᬜᬶᬤᬬᬂᬫᬗ᭄ᬕᬶᬳᬶᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬳᬶᬭᬶᬓ᭟ᬓᬘᬶᬗᬓᬶᬦ᭄ᬲᬶᬯᭀᬃᬢ᭄ᬢᬦ᭄ᬭᬶᬂᬭᬵᬚᬧᬸᬢ᭄ᬭᬶ᭞ᬩᬯᬸᬫᬭᬢᭂᬓᬵ᭞ᬲᬂᬤᬾᬯᬶᬫᬜᬧᬕᭂᬮᬶᬲ᭄᭞ᬇᬄᬲᬶᬯᭀᬃᬢ᭄ᬢᬦ᭄
ᬓᭀᬬᬢᭂᬓ᭟ᬳᬧᬳᬮᬶᬄᬘᬳᬶᬘᬳᬶᬚᬦᬶᬢᭂᬓᬫᬳᬶ᭞ᬓᭂᬫᭀᬘᬳᬶᬫᬵᬢᬸᬮᬓ᭄᭞ᬳᭂᬤᬵᬫᬶᬮᬸᬩᬋᬂᬤᬶᬦᬶ᭞ᬲᬶᬜᬢᭂᬓᬳᬶᬩᬸᬭᬵᬓ᭄ᬱ᭟ᬳᬧᬂᬳᭂᬥᬵᬘᬳᬶ᭠
ᬩᬋᬂᬫᬗᭂᬫᬲᬶᬦ᭄᭞ᬫᬳᬢᬸᬃᬲᬶᬯᭀᬃᬢ᭄ᬢᬦ᭄᭞ᬳᬯᬶᬦᬦ᭄ᬭᬯᬸᬄᬫᬭᬶᬓᬶ᭞ᬫᬶᬲᬤ᭄ᬬᬦᬸᬮᬸᬂᬳᬶᬤᬾᬯᬵ᭟ᬫᬗ᭄ᬤᬾᬧᭀᬮᬶᬄᬢᬶᬢ᭄ᬬᬂᬗᬢᬸᬭᬂᬲᬸᬪᬓ᭄ᬢᬶ᭞ᬦᬧᬶᬓᬃᬬ᭄ᬬᬦ᭄ᬳᬶᬤ᭞ᬲ᭄ᬯᬾ
ᬘᬦᬾᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬚᬕᬗᬬᬄ᭟ᬲᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬢᬸᬭᬂᬲᬸᬪᬓ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬲᬶᬬᭀᬲᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬯᬸᬃᬫᬗ᭄ᬓᬶᬦ᭄᭞ᬯᬦ᭄ᬢᬄᬚᬶ
Kaca:Bali-lontar-gaguritan-indra-bang-induraja-300ppi.pdf/62
Kaca puniki sampun kauji-wacén
