[ ᭕᭙ 59B]
᭕᭙᭞
ᬢᬦ᭄᭟ᬳᬤᬸᬄᬭᬢᬸᬚᬶᬯᬵᬢ᭄ᬫᬦ᭄ᬫᬾᬫᬾᬳᬶᬫᬦᬶᬓ᭄᭞ᬢᬗ᭄ᬕᬾᬦ᭄ᬩᬸᬗᬦ?ᬫᬢᬵ᭞ᬳᬗ᭄ᬕᬾᬦ᭄ᬧᭂᬗᬦ᭄ᬢᬸᬗᬦᬸᬭᬶᬧ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬳᬶᬫᬶᬭᬄ᭟ᬬᬾᬦᬾᬚᬦᬶᬓᬶᬚᬓᬮ᭄ᬳᬚᬓᬕᬸᬲ᭄ᬢᬶ᭞
ᬢᭂᬓᬾᬦ᭄ᬳᬶᬩᬸᬭᬵᬓ᭄ᬱ᭞ᬧᬸᬢ᭄ᬭᬦᬾᬕᭂᬮᬸᬢ᭄ᬢᬗᬶᬲᬶᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬓᬳᬚᬧ᭄᭟᭠ᬤᬸᬄᬤᬸᬫᬤᬓ᭄ᬳᬶᬤᬭᬯᬸᬄᬕᭂᬮᬶᬲ᭄ᬕᭂᬮᬶᬲ᭄᭞ᬢᬢᬕᭀᬦ᭄ᬳᬶᬤᬾᬯᬵ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬳᬶ
᭞ᬧᬸᬢ᭄ᬭᬦ᭄ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭟ᬇᬦ᭄ᬤ᭄ᬭᬩᬲᬸᬧᬸᬢᬸᬦᬾᬓᭀᬫ᭄ᬩᬮᬵᬲᬭᬶ᭞ᬕᭂᬮᬶᬲ᭄ᬕᭂᬮᬶᬲ᭄ᬤᬾᬯ᭞ᬭᬯᬸᬄᬫᬜᬕ᭄ᬚᬕᬶᬦ᭄ᬫ᭄ᬭᬶᬓᬶ᭞ᬦᬸᬮᬸᬗᬶᬦ᭄ᬫᬾᬫᬾᬓᭂᬮᬭᬦ᭄᭟ᬬᬦ᭄ᬓᬲᬾᬧᬦ᭄ᬳᬶᬭᬢᬸᬢᭂᬓ
ᬜᬕ᭄ᬚᬕᬶᬦ᭄᭞ᬢᬦ᭄ᬧ᭄ᬭᬶᬯᬗ᭄ᬤᬾᬭᬸᬲᬓ᭄᭞ᬦᬵᬕᬭᬦ᭄ᬕᬸᬲ᭄ᬢᬶᬦᬾᬤᬶᬦᬶ᭞ᬤᬤᬶᬳᬮᬲ᭄ᬬᬫᬓᭂᬚᬂ᭟ᬤᬾᬦᬶᬂᬳᬶᬤᬦᬾᬳᭀᬕ᭄ᬬᬧᬘᬂᬗᭂᬫ᭄ᬩᬭᬶᬦ᭄᭞ᬳᬶᬓᬮᬩᬸᬭᬵᬓ᭄ᬱ᭞ᬳᬢ᭄ᬫᬦᬾᬤᬶ
[ ᭖᭐ 60A]
ᬢᬗᬦ᭄ᬕᬸᬲ᭄ᬢᬶ᭞ᬓᬾᬢᭀᬲᬲᬫ᭄ᬩᬢᬦ᭄ᬳᬶᬤ᭟ᬧ᭄ᬭᬫᬶᬰ᭄ᬯᬭᬶᬲᬂᬦᬵᬣᬓᬗᭂᬦ᭄ᬫᬶᬬᬃᬱᬶ᭞ᬢᬗᬶᬲ᭄ᬧ᭄ᬭᬫᬶᬦ᭄ᬳᬶᬤ᭞ᬲᭂᬲᬫ᭄ᬩᬢᬾᬗᬲᬶᬳᬲᬶᬄ᭞ᬤᬶᬢᬸᬫᬗ᭄ᬮᬢᬸᬢ᭄ᬲᬂᬦᬵᬣ᭟ᬫᬗᬦ᭄ᬤᬶᬓᬵᬳᬤᬸᬄᬩ᭠
ᬧᬦᬦᬓ᭄ᬤᬾᬯᬶ᭞ᬲᬫ᭄ᬧᬸᬦᬂᬚᬤᬾᬯ᭞ᬩᬲ᭄ᬩᬗᭂᬢ᭄ᬳᬶᬭᬢᬸᬦᬗᬶᬲ᭄᭞ᬮᬶᬮᬬᬂᬤᬸᬫᬸᬦ᭄ᬫᬵᬲ᭄ᬫᬶᬭᬄ᭟ᬢᬦ᭄ᬮ᭄ᬬᬦ᭄ᬚᬦᬶᬢᬸᬯᬄᬢᭂᬓᬾᬦ᭄ᬲᬂᬳ᭄ᬬᬂᬯᬶᬥᬶ᭞ᬢᭀᬗᭀᬲ᭄ᬫᬗᬶᬗ᭄ᬲᬦᬂ᭞ᬫᬓᬤᬶᬮᬸ
ᬗ᭄ᬲᬸᬃᬭᬶᬂᬳᬸᬭᬶᬧ᭄᭞ᬬᬦᬶᬂᬳᬶᬤᬢᬸᬮᬸᬲ᭄ᬲ᭄ᬯᬾᬘ᭟ᬫᬲᬵᬩᬸᬳᬸᬂᬳᬶᬓᬮᬩᬸᬭᬓ᭄ᬱᬫᬢᬶ᭞ᬦᬶᬓᬶᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄᭞ᬳᬲ᭄ᬬᬧᬸᬢ᭄ᬭᬦᬺᬧᬢᬶ᭞ᬧᬘᬂᬦᬸᬮᬸᬂᬚᬦᬶᬳᬶᬤ᭟ᬳᭂᬦ᭄ᬢᭀᬧᬘᬂᬗᬺ
ᬩᬸᬢ᭄ᬳᬶᬓᬮᬩᬸᬭᬓ᭄ᬲᬤᬶᬦᬶ᭞ᬫᬲᬵᬩᬸᬳᬸᬭᬸᬲᬓ᭄᭞ᬤᬾᬦᬶᬂᬧ᭄ᬭᬚᬸᬭᬶᬢ᭄ᬭᬶᬭᬶᬄ᭞ᬢᬢᬲ᭄ᬢᬶᬗ᭄ᬓᬄᬤᬶᬧᬲ᭄ᬬᬢᬦ᭄᭟ᬤᬤᬶᬮᬶᬧᬸᬃᬲᬸᬗ᭄ᬲᬸᬢᬾᬰ᭄ᬭᬷᬧ᭄ᬭᬫᬶᬰ᭄ᬯᬭᬷ᭞ᬯᬯᬸᬳᬶᬤᬫ᭄ᬬᬵᬃᬱ᭞ᬧᬗᬦ᭄ᬤᬶᬓ
Kaca:Bali-lontar-gaguritan-indra-bang-induraja-300ppi.pdf/60
Kaca puniki sampun kauji-wacén
