[ ᭕᭓ 53B]
᭕᭓᭞
ᬧᬭᬧᬸᬢ᭄ᬭ᭟ᬇᬗ᭄ᬕᬶᬄᬭᬢᬸᬳᬦ᭄ᬢᬸᬓ᭄ᬫᬘᬦᬾᬚᬢᬶ᭞ᬳᬶᬧᬸᬦ᭄ᬕᬮᬓ᭄᭞ᬦᬗ᭄ᬳᬶᬂᬳᬧᬶᬮᬶᬳ᭞ᬬᬦ᭄ᬭᬶᬕ᭄ᬲᬜᬫᬦ᭄ᬢᬶᬢ᭄ᬬᬗᬾ᭞ᬳᬶᬧᬸᬦ᭄ᬳᭂᬩᭀᬄᬫᬮᬄᬫᬦᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬓᭀᬳᬶᬧᬸᬦ᭄ᬕᬸᬤᬶ
ᬧ᭄᭞ᬓᬾᬢᭀᬳᬢᬸᬃᬲᬂᬧ᭄ᬭᬧᬸᬢ᭄ᬭ᭞ᬲᬂᬦᬵᬣᬫᬗ᭄ᬭᬸᬗᬸ᭞ᬳᬢᬸᬭᬾᬲᬂᬧᬭᬧᬸᬢ᭄ᬭ᭞ᬤᬤᬶᬳᬶᬘᬵ᭞ᬲᬂᬧ᭄ᬭᬪᬸᬮᬯᬸᬢ᭄ᬜᬯᬸᬭᬶᬦ᭄᭞ᬧᬋᬓᬦᬾᬫᬗ᭄ᬤᬫᬓ᭄ᬢ᭟ᬲᬸᬲᬸᬦ᭄ᬫᬘᬦ᭄ᬭᬶᬂᬩᬸᬂᬩᬸᬗᬾᬕᭂᬮᬶ᭠
ᬲ᭄᭞ᬗᬫᬸᬭᬶᬬᬂ᭞ᬚᬕᬵᬓᬢᬶᬦᬗᬂ᭞ᬢᭂᬓᬾᬦ᭄ᬩᬮ᭄ᬬᬦ᭄ᬲᭂᬥᬳᬦᬾ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬸᬭᬶᬓᬾᬤᬾᬗᬂᬕ᭄ᬮᬶᬲ᭄᭞ᬲᭂᬥᬳᬦᬾᬳᬶᬚᬸᬦᬗ᭄ᬕᬧ᭄᭞ᬓᬮᬶᬬᬢᬶᬦ᭄ᬮᬯᬸᬢ᭄
᭞ᬧᭂᬥᬲ᭄ᬩᬜᬫᬺᬤᬃᬢ᭄ᬢᬬᬂ᭞ᬓᬜᬾᬬᬦᬶᬦ᭄᭞ᬮᬯᬸᬢ᭄ᬫᬢᬸᬃᬭᬶᬂᬲᬗᬚᬶ᭞ᬧᬸᬦᬶᬓᬶᬢᬦ᭄ᬯᬾᬦ᭄ᬢᭂᬦ᭄ᬳ᭄ᬬ᭟ᬲᬸᬲᬸᬦ᭄ᬫᬘᬦ᭄ᬧᬦᬓ᭄ᬳᬶᬧᬸᬦ᭄ᬳᬮᬶᬢ᭄᭞ᬯᬦ᭄ᬢᬄᬲᬶᬬᭀᬲ᭄᭞ᬓᬫ᭄ᬩᬶᬂᬫᬦᬸᬯᬾᬦᬂ᭞᭠
[ ᭕᭔ 54A]
ᬧᬸᬦᬶᬓᬶᬢᭀᬬᬦ᭄ᬲᬸᬲᬸᬦᬾ᭞ᬓᬾᬢᭀᬓᬳᬢᬸᬭᬂᬤᬶᬢᬸ᭞ᬲᬂᬦᬵᬣᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬧ᭄ᬭᬧᬸᬢ᭄ᬭᬦᬾ ᬳᬲ᭄ᬬ᭞ᬳᬸᬤᬸᬄᬦᬦᬓ᭄ᬩᬕᬸᬲ᭄᭞ᬳᭂᬦᬾᬓᭀᬘᬧ᭄ᬢ᭄ᬯᬭᬲᬚ᭞ᬲᬸᬲᬸ
ᬦ᭄ᬫᬘᬦ᭄᭞ᬧᬦᬓ᭄ᬜᬦᬾᬳ᭄ᬦᬸᬘᭂᬦᬶᬓ᭄᭞ᬲᬸᬲᬸᬦ᭄ᬓᬫ᭄ᬩᬶᬂᬳᭂᬭᬳᬗ᭟ᬭᬭᬶᬲ᭄ᬫᬢᬸᬃᬧ᭄ᬭᬫᬦ᭄ᬢ᭄ᬭᬶᬦᬾᬲᬫᬶ᭞ᬇᬗ᭄ᬕᬶᬄᬭᬢᬸ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬸᬫ᭄ᬩᬲ᭄᭞ᬧᬸᬦᬶᬓᬵᬢᭀᬬᬲᬸᬲᬸᬦᬾ᭞ᬬᬦ᭄ᬭᬯᭀᬲ᭄ᬳᬶ
ᬧᬸᬦᬾᬭᬢᬸ᭞ᬯᬦ᭄ᬢᬄᬧᭂᬳᬦ᭄ᬫᬘᬦ᭄ᬢᬸᬯᬶ᭞ᬧ᭄ᬬᬦᬓ᭄ᬳᬶᬧᬸᬦ᭄ᬓᬭᬶᬗᬸᬤ᭞ᬫᭂᬦᭂᬂᬤᬵᬲᬂᬧ᭄ᬭᬪᬸ᭞ᬩᭂᬗᭀᬂᬳᭂᬗ᭄ᬲᭂᬓ᭄ᬫᭂᬗ᭄ᬕᬄᬧᬶᬲᬦ᭄᭞ᬤᬶᬢᬸᬮᬯᬸᬢ᭄᭞ᬧ᭄ᬭᬭᬢᬸᬦᬾᬩᬸᬤᬮ᭄ᬲᬫᬶ᭞ᬳᭂᬦᭂ
ᬗᬂᬤᬸᬫᬸᬦ᭄ᬧᬸᬦᬶᬓᬵ᭟ᬲᬩᬸᬤᬮᬾᬧ᭄ᬭᬭᬢᬸᬦᬾᬲᬫᬶ᭞ᬘᬭᬶᬢᬬᬂ᭞ᬭᬤᬾᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬓᭂᬥᬾᬓ᭄ᬗᭂᬮ᭄ᬓᭂᬮ᭄ᬭᬶᬂᬓᬬᬸᬦᬾ᭞ᬳᬦ᭄ᬢᬸᬓ᭄ᬧᭀᬮᬶᬄᬗᬸᬮᬸᬓ᭄ᬳᬸᬮᬸᬓ᭄᭞ᬧ᭄ᬭᬭ
Kaca:Bali-lontar-gaguritan-indra-bang-induraja-300ppi.pdf/54
Kaca puniki sampun kauji-wacén
