Kaca:Bali-lontar-gaguritan-indra-bang-induraja-300ppi.pdf/52

[ ᭕᭑ 51B]
᭕᭑᭞
ᬓᬾ᭞ᬓᬾᬢᭀᬧᬶᬦᭂᬳᬾᬤᬶᬓᬬᬸᬦ᭄᭞ᬫᬗ᭄ᬭᬭᬶᬲ᭄ᬳᬶᬤᬦᭂᬲᭂᬓᬶᬦ᭄᭞ᬧ᭄ᬭᬭᬢᬸᬦᬾᬫᬓᭂᬚᬂ᭞ᬭᬭᬶᬲ᭄ᬗᬸᬘᬧ᭄ᬳᬮᬸᬲ᭄᭞ᬇᬗ᭄ᬕᬶᬄᬭᬢᬸᬧᬭᬦᬵᬣ᭞ᬲᬋᬂᬲᬫᬶ᭞ᬓᬾᬦᬓᬂᬓᬬᬸ
ᬦᬾᬫᬗ᭄ᬓᬶᬦ᭄᭞ᬧᬘᬂᬫᬓᬳᭂᬦᬶᬂᬧᬶᬦᬸᬗ᭄ᬓᬦ᭄᭟ᬦᬶᬦᬲ᭄ᬕᬸᬲ᭄ᬢᬶᬧᬶᬗ᭄ᬓᬗᬾᬲᬸᬍᬤᬶᬦ᭄᭞ᬲᬋᬂᬲᬫ᭄ᬬᬦ᭄᭞ᬫᬗ᭄ᬤᬧᭀᬮᬶᬄᬫᭂᬘᬧ᭄᭞ᬫᬗ᭄ᬤᬲᬶᬭᬶᬦ᭄ᬧᭀᬮᬶᬄᬋᬓᬾ᭞ᬳᬦ᭄ᬢᬸᬓ᭄ᬩᭂᬲᬶᬦᬾᬓᭂᬩᬸᬲ᭄᭞ᬢᬳ
ᬦᬂᬕᬸᬲ᭄ᬢᬶᬦᬾᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬗᬺᬋᬄᬲᬸᬲᬸᬦ᭄ᬫᬘᬦ᭄᭞ᬗᬸᬤᬧᬦᬓ᭄ᬳᬶᬧᬸᬦ᭄᭞ᬓᭂᬜᭂᬫ᭄ᬳᬶᬤᬫᬗᬩᭂᬢᬂ᭞ᬩᭂᬲᬶᬩᬭᬓ᭄᭞ᬤᬶᬢᬸᬧ᭄ᬭᬧᬸᬢ᭄ᬭᬦᬾᬕᭂᬮᬶᬲ᭄᭞ᬫᭂᬍᬕᬶᬂᬦᬶᬗ᭄ᬢᬶᬗᬂᬯᬲ᭄ᬢ᭄ᬭ᭟ᬭᬵᬚᬧᬸᬢ᭄ᬭᬭ
ᬭᬶᬲ᭄ᬜᬸᬍᬤ᭄ᬕᭂᬮᬶᬲ᭄᭞ᬲᬂᬧ᭄ᬭᬦᬵᬣ᭞ᬳᬲᬶᬓᬶᬲᬧᬶᬲᬦ᭄᭞ᬲᬫᬶᬭᬶᬧᬶᬓᬂᬗᬾᬋᬓᬾ᭞ᬓᭀᬘᬧᬂᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬓᬲᬫᬶᬓᬲᬸᬍᬤᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬭᬳᬤ᭄ᬬᬦ᭄᭞ᬭᬭᬶᬲ᭄ᬗᬫ᭄ᬩᬸᬮ᭄ᬲᬸᬲᬸ
[ ᭕᭒ 52A]
᭞ᬦᬾᬫ᭄ᬯᬤᬄᬩᬸᬂᬩᬸᬂᬢᬫ᭄ᬮᬂ᭞ᬓᬢᬫ᭄ᬧᬶᬬᬂ᭞ᬭᬶᬂᬧ᭄ᬭᬫᬦ᭄ᬢ᭄ᬭᬶᬲ᭄ᬬᬤᬶᬭᬶ᭞ᬲᬫ᭄ᬧᬸᬦ᭄ᬳᬶᬤᬫᬦᭂᬭᬶᬫ᭟᭠ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭞ᬗ᭄ᬭᬲᬧᬶᬓᬂᬲᬸᬗ᭄ᬓᬦ᭄᭞ᬗᬸᬤᬢᭀᬂᬤᬤᬶᬚᬮᬦᬂᬋᬓᭀ᭞
ᬫᬗ᭄ᬭᬯᭀᬲ᭄ᬧᬥᬤᬶᬢᬸ᭞ᬓᬸᬤᬦᬾᬘᬂᬮᬶᬗ᭄ᬕᬶᬳᬶᬦ᭄᭞ᬢᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬫᬗ᭄ᬤᬕᭂᬮᬶᬲ᭄ᬭᬯᬸᬄ᭞ᬬᬦᬶᬂᬧᬘᬂᬚᬮᬦᬂ᭞ᬲᬓᬶᬢ᭄ᬧᬶᬲᬦ᭄᭞ᬧᬶᬓᬂᬧᭂᬘᬓ᭄ᬫᬲᬸᬍᬤᬶᬦ᭄᭞ᬓᭂᬫ᭄ᬩᬸᬂᬳᬦ᭄ᬢᬸᬓ᭄ᬩᭂᬲᬶᬩ
ᬭᬓ᭄᭟ᬢᬦ᭄ᬓᭀᬘᬧᬭᬶᬂᬫᬃᬕ᭄ᬕᬶᬦᬸᬗ᭄ᬕᬂᬓᬸᬤ᭞ᬫᬗ᭄ᬭᬭᬶᬲ᭄ᬫᬫᬃᬕ᭄ᬕ᭞ᬳᬗ᭄ᬲᬃᬧᬮᬳᬶᬩ᭄ᬓᬸᬤᬦᬾ᭞ᬫᬫ᭄ᬩᬭᬫ᭄ᬩᬭᬦ᭄ᬮᬸᬫᬓᬸᬄ᭞ᬭᬯᬸᬄᬭᬶᬂᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬢᭂᬥᬸᬦ᭄ᬲᬓᬶᬂᬮᬳᬸᬃᬓᬸᬤ᭞ᬲᬫ᭄ᬧᬸᬲᬫᬶᬢᭂ᭠
ᬥᬸᬦ᭄᭞ᬫᬓ᭄ᬢᬬᬾᬄᬲᬸᬲᬸᬦ᭄ᬫᬘᬦ᭄᭞ᬭᬭᬶᬲ᭄ᬗ᭄ᬭᬜ᭄ᬚᬶᬂᬧᬘᬂᬓᬢᬸᬃᬲᬦᬾᬫᬗ᭄ᬓᬶᬦ᭄᭞ᬧᬫᬃᬕ᭄ᬕᬶᬦᬾᬫᬲ᭄ᬭᬾᬗ᭄ᬓᬗᬦ᭄᭟ᬲᬫ᭄ᬧᬸᬦ᭄ᬭᬯᬸᬄᬳᬶᬤᬫᬭᬶᬂᬧᬸᬭᬶ᭞ᬲᬶᬦᬫᬶᬬᬦ᭄᭞ᬧᬋᬓ᭄ᬭᬶᬂᬲᬦᬵᬣ᭞ᬫ