Kaca:Bali-lontar-gaguritan-indra-bang-induraja-300ppi.pdf/5

Saking Wikisource
Kaca puniki sampun kauji-wacén

[ ᭔ 4B]
᭔᭞
ᬳᬾᬢᬾᬳᬾᬢᬾᬳᬶᬦ᭄᭞ᬢᬶᬗ᭄ᬓᬄᬭᬢᬸ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬧ᭄ᬭᬢᬾᬓ᭟᭐᭟ᬲᬫ᭄ᬧᬸᬦ᭄ᬤᬸᬳᬸᬃᬘᬭᬶᬢᬬᬂ᭞ᬭᬵᬚᬧᬸᬢ᭄ᬭᬫᬓᬵᬮᬵᬮᬶᬄ᭞ᬲᬳ᭄ᬬᬦᬾᬫᬯᬸᬯᬸᬄᬢᬭᬂ᭞ᬘᬘᬶᬗᬓᬾᬜᬶᬜᬶ
ᬫᬦᬶᬲ᭄᭞ᬓᭂᬜᬸᬗᬾᬮ᭄ᬯᬶᬃᬫᬥᬸᬕᭂᬦ᭄ᬥᬶᬲ᭄᭞ᬩᬸᬫᬬᬸᬱᬵᬧᬶᬢᬸᬂᬢᬳᬸᬦ᭄᭞ᬤᬶᬢᬸᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬡ᭄ᬥᬶᬓᬭᬶᬂᬧᬸᬢ᭄ᬭᬓᬵᬮᬶᬄ᭞ᬫᬗ᭄ᬤᬾᬮᬸᬗ᭄ᬳᬵ᭞ᬫᬸᬭᬸᬓ᭄ᬗᬚᬶᬭᬶᬂᬧᬡ᭄ᬥᬶᬢ᭟᭐᭟ᬢᬦ᭄ᬢᬸᬮ
ᬓ᭄ᬲᬂᬭᬵᬚᬧᬸᬢ᭄ᬭ᭞ᬫᬧᬫᬶᬢ᭄ᬭᬶᬂᬳᬚᬶᬭᬭᬶᬲ᭄᭞ᬫᬫᬃᬕ᭄ᬕᬶᬗᬸᬗ᭄ᬲᬶᬫᬸᬢᬮ᭄ᬬᬵ᭞ᬢᬦ᭄ᬤᬸᬫᬥᬾᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬕ᭄ᬭᬶᬬᬵᬲᬂᬫᬸᬢᬮᬶ᭞ᬲᬂᬭᬚᬧᬸᬢ᭄ᬭᬵᬫᬗ᭄ᬮᬯᬸᬢ᭄᭞ᬓᬕ᭄ᬬᬢ᭄ᬤᬸᬢᬮ᭄ᬬᬫᬵ
ᬜᬶᬗᬓ᭄‌᭞ᬭᬵᬚᬧᬸᬢ᭄ᬭᬦᬾᬓᭂᬓᬵᬮᬶᬄ᭞ᬲᬤᬵᬳᬶᬲᬸ᭞ᬭᬯᬸᬳᬾᬭᬭᬶᬲ᭄ᬓᬲᬧᬵ᭟᭐᭟ᬇᬗ᭄ᬕᬶᬄᬭᬢᬸᬭᬵᬚᬧᬸᬢ᭄ᬭᬵ᭞ᬢᭂᬫ᭄ᬩᬾᬲᬦ᭄ᬭᬯᬸᬄᬫᬭᬶᬓᬶ᭞ᬧᬸᬦᬧᬶᬯᬾᬦ᭄ᬢᭂᬦ᭄ᬤᬶᬓᬬᬂ᭞ᬧᬫᬃ
[ ᭕ 5A]
ᬕ᭄ᬕ᭄ᬮᬶᬦᬾᬳᬸᬮᬢ᭄ᬕᬢᬶ᭞ᬩᭂᬘᬶᬓ᭄ᬤᬶᬓᬬᬂᬫᬗ᭄ᬓᬶᬦ᭄᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬳᬸᬦᬶᬂᬭᬢᬸ᭞ᬭᬵᬚᬧᬸᬢ᭄ᬭᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬯᬾᬦ᭄ᬢᭂᬦ᭄ᬲᬤ᭄ᬬᬦ᭄ᬢᬶᬢ᭄ᬬᬂᬫ᭄ᬭᬶᬓᬶ᭞ᬲᬓᬾᬂᬳᬶᬤ᭞ᬕᬸᬭᬸᬳ
ᬚᬶᬗᬦ᭄ᬤᬶᬓᬬᬂ᭟᭐᭟ᬢᬶᬢ᭄ᬬᬂᬧᬘᬂᬫᬧᬕᬸᬭ᭄ᬯᬦ᭄᭞ᬤ᭄ᬭᬶᬓᬶᬫᬮᬚᬄᬫᬗᬚᬶ᭞ᬫᬸᬢᬮ᭄ᬬᬵᬭᬭᬶᬲ᭄ᬫᬢᬸᬭᬵ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂ᭞ᬭᬭᬶᬲ᭄ᬳᬶᬤᬓᬳᬚᬳᬶᬦ᭄᭞
ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸᬦ᭄᭞ᬲᬸᬯᬾᬳᬶᬤᬵᬳᬶᬭᬶᬓᬵ᭞ᬓᭀᬘᬧ᭄ᬳᬶᬤᬲᬫ᭄ᬧᬸᬦ᭄ᬭᬶᬭᬶᬄ᭞ᬲᬶᬂᬓᬘᬶᬧ᭄ᬢᬵ᭞ᬓᬚᬢᬶᬦ᭄ᬲᬫ᭄ᬧᬸᬦ᭄ᬓᬲᬶᬤ᭄ᬥᬦ᭄᭟᭐᭟ᬲᬾᬩᭂᬢ᭄ᬭᬶᬂᬓᭂᬘᬧ᭄ᬳᬓ᭄ᬱᬭ
ᬲᭀᬭᭀᬄᬰᬵᬲ᭄ᬢ᭄ᬭᬫᬦ᭄ᬢ᭄ᬭᬵᬧᬶᬗᬶᬢ᭄᭞ᬲᬫᬶᬢᬢᬲ᭄ᬳᬦ᭄ᬢᬸᬓ᭄ᬳᬶᬤ᭞ᬫᭂᬓᬤᬶᬢᬶᬗ᭄ᬓᬳᬶᬂᬚᬸᬭᬶᬢ᭄᭞ᬢᭂᬮᬲ᭄ᬲᬫ᭄ᬧᬸᬦ᭄ᬓᬳᬸᬦᬶᬗᬶᬦ᭄᭞ᬤᬬᬵᬉᬧᬬᬭᬶᬂᬰᬢ᭄ᬭᬸ᭞ᬬᬤᬶ