[ ᭔᭗ 47B]
᭔᭗᭞
ᬰᬓ᭄ᬢᬶᬬᬂᬢᬸᬤᬸᬄ᭞ᬳᭂᬜᬾᬦ᭄ᬲᬦᬾᬫᬜᬶᬤᬬᬂ᭞ᬫᬗ᭄ᬭᬸᬭᬸᬳᬂ᭞ᬬᬾᬄᬜᭀᬜᭀᬦ᭄ᬫᬘᬦᬾᬚᬦᬶ᭞ᬳᭂᬦ᭄ᬢᭀᬢᬸᬯᬄᬩᬳᬂᬩᬧ᭟ᬭᬳᬶᬦ᭄ᬕᬸᬲ᭄ᬢᬶᬦᬦᬓ᭄ᬫᬮᬯᬢᬶ᭞ᬲᬧᬸᬦᬶᬓ᭄᭞
ᬯᬘᬦᬦ᭄ᬲᬂᬦᬵᬣ᭞ᬢᭂᬓᬾᬦ᭄ᬧ᭄ᬭᬭᬢᬸᬦᬾᬓᬩᬾᬄ᭞ᬢᬢᬲ᭄ᬳᬦ᭄ᬢᬸᬓ᭄ᬳᬶᬤᬦ᭄ᬗ᭄ᬭᬸᬗᬸ᭞ᬧᬦ᭄ᬤᬶᬓᬦ᭄ᬳᬶᬤᬲᬗᬚᬶ᭞ᬳᬶᬚᬸᬮᬯᬸᬢ᭄ᬧᬶᬯᭀᬃᬢ᭄ᬢᬦ᭄᭞ᬦᬦ᭄ᬤᬦ᭄ᬓᬫ᭄ᬩᬶᬂᬧᭂᬲᬸ᭞ᬓᬚᬩᬫᬗᭀᬚᭀ᭠
ᬕ᭄ᬢᭂᬕᬮ᭄᭞ᬓᭂᬳᬗᭀᬦᬂ᭞ᬤᬤᬶᬧᭂᬲᬸᬤᬬᬲᬶᬮᬶᬩ᭄᭞ᬧᬘᬂᬫᭂᬗᬯᬾᬉᬧᬬ᭟ᬭᬭᬶᬲ᭄ᬓᬧᬺᬲ᭄ᬜᭀᬜᭀᬦ᭄ᬓᬫ᭄ᬩᬶᬗᬾᬕᭂᬮᬶᬲ᭄᭞ᬢᬸᬃᬓ᭄ᬯᬤᬳᬶᬦ᭄᭞ᬩᬸᬩᬸᬢᬶᬳᬶᬂᬢᬫ᭄ᬩᬂ᭞ᬳᬮᬯᬲ᭄ᬋᬓᬾᬧ
ᬜ᭄ᬚᬗᬾ᭞ᬭᬭᬶᬲ᭄ᬓᭂᬕᬦ᭄ᬢᬸᬂᬤᬶᬢᬸ᭞ᬭᬶᬂᬘᬭᬂᬓᬬᬸᬦᬾᬗ᭄ᬮᬦ᭄ᬢᬶᬂ᭞ᬫᬗ᭄ᬤᬾᬜᬢᬶᬗ᭄ᬕᬃᬗᭂᬦᬄ᭞ᬓᬢᭀᬗᭀᬲᬶᬦ᭄ᬤᬶᬢᬸ᭞ᬭᬶᬂᬓᬬᬸᬧᬸᬦᬶᬓᬵ᭞ᬳᬶᬤᬗᬦ᭄ᬢᭀᬲ᭄᭞ᬳᬶᬚᬸᬭᬭᬶᬲ᭄ᬗᬮᬄᬓ᭄ᬮᬫ᭄ᬩᬶ᭞ᬓ
[ ᭔᭘ 48A]
ᬯᭀᬲᬾᬦᬾᬧᬸᬦᬶᬓᬵ᭟ᬭᬶᬂᬲᬫ᭄ᬧᬸᬦᬾᬓᬓᭂᬮᬾᬲᬶᬦ᭄᭞ᬫᬮᬶᬄᬫ᭄ᬯᬮᬶ᭞ᬯᬃᬡ᭄ᬦᬵᬓᬤᬶᬓᬸᬦ᭞ᬓᭂᬮᬶᬦ᭄ᬢᬂᬧ᭄ᬓᬶᬓ᭄ᬯᬃᬡ᭄ᬦᬦᬾ᭞ᬢᬦ᭄ᬓᭀᬘᬧᬳᬶᬤᬤᬶᬢᬸ᭞ᬧ᭄ᬭᬭᬢᬸᬦᬾᬓᭀᬘᬧᬫ᭄ᬫ
ᬮᬶᬄ᭞ᬲᬋᬂᬳᬶᬤᬳᬲ᭄ᬬ᭞ᬓᬸᬢᬸᬲ᭄ᬭᬶᬂᬲᬂᬧ᭄ᬭᬪᬸ᭞ᬳᬩ᭄ᬭᬶᬬᬸᬓᬦ᭄ᬤᬦᬾᬫᬫᬃᬕ᭄ᬕ᭞ᬮᬸᬗ᭄ᬳᬵᬗᬮᬶᬄ᭞ᬳᭂᬫ᭄ᬧᭂᬳᬦ᭄ᬫᬘᬦᬾᬫᬗ᭄ᬓᬶᬦ᭄᭟ᬲᬦᬾᬧᬦᬓ᭄ᬜᬦᬾᬗᬸᬤ᭟ᬕᭂᬕᬜ᭄ᬘᬗᬦᬾᬫᬫᬃ
ᬕ᭄ᬕᬶ᭞ᬲᬋᬂᬳᬲ᭄ᬬ᭞ᬢ᭄ᬯᬭᬤᬭᬵᬃᬬ᭄ᬬᬦᬦ᭄᭞ᬫᬦ᭄ᬤᬭᬸᬂᬋᬓᬾᬮᬫ᭄ᬧᬳᬾ᭞ᬮᬶᬦ᭄ᬢᬂᬦᬵᬕᬭᬦᬾᬲᬫ᭄ᬧᬸᬦ᭄᭞ᬳᬮᬲᬾᬫᬗ᭄ᬓᬶᬦ᭄ᬓᬳᬸᬗ᭄ᬲᬶ᭞ᬧᬗ᭄ᬓᬸᬂᬭᬾᬚᬾᬂᬓᬮᬶᬦ᭄ᬢᬗᬶᬦ᭄᭞ᬫᬸᬗ᭄ᬕᬄᬢᭂ
ᬥᬸᬦ᭄ᬕᬸᬦᬸᬂ᭞ᬲᬯᬢᬭᬮᬶᬫᬂᬤᬶᬦ᭞ᬲᬸᬯᬾᬦ᭄ᬤᬦᬾ᭞ᬢᬦ᭄ᬓᭀᬘᬧᬵᬫᬭᬶᬂᬫᬃᬕ᭄ᬕᬶ᭞ᬤᬸᬭᬸᬂᬫᬗ᭄ᬕᬶᬳᬶᬦ᭄ᬳᬶᬫᬘᬦ᭄᭟ᬫᬯᬸᬤᭂᬭᬦ᭄ᬢᭂᬗᬄᬳᬮᬲᬾᬲ᭄ᬭᬶᬧᬶᬢ᭄᭞ᬲᬋᬂᬲᬫ᭄ᬬᬦ᭄᭞ᬫ
Kaca:Bali-lontar-gaguritan-indra-bang-induraja-300ppi.pdf/48
Kaca puniki sampun kauji-wacén
