Kaca:Bali-lontar-gaguritan-indra-bang-induraja-300ppi.pdf/47

Saking Wikisource
Kaca puniki sampun kauji-wacén

[ ᭔᭖ 46B]
᭔᭖᭞
ᬫᬗᬶᬢᬸᬦ᭄ᬗᬶᬦ᭄ᬰᬵᬲ᭄ᬢ᭄ᬭ᭞ᬲᬫ᭄ᬩᬶᬮ᭄ᬗᬦ᭄ᬢᬳᭀᬯᬂᬢᬓ᭄ᬱᬸᬦᬾ᭞ᬲᬂᬦᬵᬯᬗᬦ᭄ᬤᬶᬓᬵᬳᬮᬸᬲ᭄᭞ᬬᬦ᭄ᬧᬵᬲᬶᬗᬗᭂᬦᬄᬚᬦᬶ᭞ᬲ᭄ᬥᬳᬦᬾᬫᬗᬢᬸᬭᬂ᭟ᬬᬦ᭄ᬫᬸᬗ᭄ᬕᬄᬭᬶᬂᬢᭂᬦᬸᬂ᭞ᬢᬦ᭄ᬯᬾᬦ᭄ᬢᭂᬦ᭄ᬭᬢᬸ
ᬳᬯᬶᬦᬦ᭄᭞ᬚᬕᬭᬸᬲᬓ᭄᭞ᬧᭂᬗᬓ᭄ᬱᬶᬦ᭄ᬲᬂᬭᬵᬚᬧᬸᬢ᭄ᬭᬶ᭞ᬲᬫ᭄ᬧᬸᬦᬂᬭᬢᬸᬗᭀᬩᭂᬢᬂ᭟ᬬᬦᬶᬂᬯᬦ᭄ᬢᬄᬳᬶᬭᬢᬸᬧᭀᬮᬶᬄ᭞ᬫᬗᬺᬋᬳᬂ᭞ᬢᭀᬬᬦ᭄ᬲᬸᬲᬸᬦ᭄ᬫᬘᬦ᭄᭞ᬦᬾᬓᬭᬶᬗᬸᬤᬧᬦ
ᬓᬾ᭞ᬯᬦ᭄ᬢᬄᬦᬶᬓᬢᬫ᭄ᬩᬦᬶᬧᬸᬦ᭄᭞ᬳᬗ᭄ᬕᬾᬦ᭄ᬫᬺᬲᬶᬦ᭄ᬧᬗᬓ᭄ᬱᬶᬦᬾ᭞ᬚᬦ᭄ᬢᭂᬦ᭄ᬧᬶᬲᬦ᭄ᬓᬾᬦᬓ᭄᭞ᬧᬸᬢ᭄ᬭᬦ᭄ᬘᭀᬓᭀᬃᬭᬢᬸ᭞ᬲᬂᬦᬵᬣᬓᬮᬶᬦ᭄ᬢᬂᬮ᭄ᬬᬂ᭞ᬯᬯᬸᬫ᭄ᬬᬃᬱ᭞ᬭᬭᬶᬲ᭄ᬳᬶᬤᬫᬗᭂᬲᬾᬗᬶ
ᬦ᭄᭞ᬧᬭᬫᬦ᭄ᬢ᭄ᬭᬶᬦᬾᬳᬲ᭄ᬬ᭟ᬲᬫ᭄ᬧᬸᬦ᭄ᬭᬯᬸᬄᬧ᭄ᬭᬭᬢᬸᬦᬾᬲᬫᬶ᭞ᬭᬶᬂᬳᬬᬸᬦᬦ᭄᭞᭠ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫᬦᬶᬦᬲ᭄ᬳᬮᭀᬦ᭄ᬧᬗᬸᬲᬧᬾ᭞ᬳᬤᬸᬄᬧᬦᬓ᭄ᬩᬧᬩᬕᬸᬲ᭄᭞᭠
[ ᭔᭗ 47A]
ᬦᬾᬳᬶᬤᬾᬯᬫᬓᬲᬫᬶ᭞ᬩᬧᬫᬲᬓᬶᬢ᭄ᬳᬶᬤ᭞ᬦᬾᬚᬦᬶᬫᬗ᭄ᬭᬸᬭᬸᬄ᭞ᬬᬾᬄᬜᭀᬜᭀᬦ᭄ᬫᬘᬦᬾᬗᬸᬤ᭞ᬧ᭄ᬬᬦᬓ᭄ᬜᬦᬾ᭞ᬧᬘᬂᬳᬸᬩᬤ᭄ᬭᬳᬶᬦ᭄ᬕᬸᬲ᭄ᬢᬶ᭞ᬦᬦᬓ᭄ᬤᬾᬯᬲᬓᬶᬢ᭄ᬫᬢ᭟
ᬲᬗᭂᬢ᭄ᬧᬶᬲᬦ᭄ᬮᬶᬬᬸᬩᬮ᭄ᬬᬦᬾᬗᬸᬩᬤᬶᬦ᭄᭞ᬢ᭄ᬯᬭᬲᬶᬤ᭄ᬥ᭞ᬚᬦᬶᬳᬶᬲᭂᬥᬳᬦ᭄᭞ᬦᬸᬦ᭄ᬤᬾᬦᬂᬗᬮᬶᬄᬬᬾᬄᬜᭀᬜᭀᬦᬾ᭞ᬫᬘᬦ᭄ᬗᬸᬤᬧᬦᬓ᭄ᬳᬶᬧᬸᬦ᭄᭞ᬢᭀᬓᭀᬘᬧ᭄ᬳᬗ᭄ᬕᭀᬦ᭄ᬗᬸᬩᬤᬶ
ᬦ᭄᭞ᬲᬶᬤ᭄ᬥᬬᬤᬤᬶᬯᬭᬲ᭄᭞ᬲᬓᬶᬢ᭄ᬭᬳᬶᬦ᭄ᬩᬕᬸᬲ᭄᭞ᬬᬦ᭄ᬢ᭄ᬯᬭᬚᬜᬶᬤᬬᬂ᭞ᬩᬓᬢ᭄ᬳᭂᬦ᭄ᬢᭀ᭞ᬬᬾᬦ᭄ᬜᭀᬜᭀᬫᬘᬦᬾᬢᬸᬯᬶ᭞ᬲᬦᬾᬫᬦᬓ᭄‌ᬦᬾᬦᬾᬗᬸᬤ᭟ᬢ᭄ᬯᬭᬲᬶᬤ᭄ᬥᬓᬾᬦ
ᬓ᭄ᬭᬳᬶᬦ᭄ᬕᬸᬲ᭄ᬢᬶ᭞ᬩᬦ᭄ᬮᬾᬦ᭄ᬳᬸᬩᬤ᭄᭞ᬓᬾᬢᭀᬓᭀᬚᬭᬗ᭞ᬗᭂᬦᬄᬤᬶᬢᬸᬤᬶᬢᭂᬦᬸᬗᬾ᭞ᬢᭀᬫᬓ᭄ᬭᬡᬩᬧᬗᬸᬢᬸᬲ᭄᭞ᬦᬦᬓ᭄ᬮᬸᬯᬲ᭄ᬚᬦᬶᬗᬮᬶᬄ᭞ᬓᬵᬮᬶᬄᬩᬧᬫᬧ᭄ᬭᬢᬶᬚ᭄ᬜ᭞ᬫ