Kaca:Bali-lontar-gaguritan-indra-bang-induraja-300ppi.pdf/45

Saking Wikisource
Kaca puniki sampun kauji-wacén

[ ᭔᭔ 44B]
᭔᭔᭞
ᬦ᭄ᬢᬸᬲᬦ᭄ᬫᬗᬬᬸᬦᬂ᭞ᬲᬶᬯᭀᬃᬢ᭄ᬢᬦ᭄‌ᬢᭀᬦ᭄ᬤᬾᬦ᭄ᬫᬜᬭᬶᬓ᭄᭞ᬧᬋᬓᬦᬾᬫᭂᬗᬜᬸᬯᬶᬦ᭄᭞ᬲᬸᬳᬸᬤ᭄ᬲᬶᬯᭀᬃᬢ᭄ᬢᬦ᭄ᬫᬗ᭄ᬮᬸᬗ᭄ᬲᬸᬃ᭞ᬲᬧᬸᬢ᭄ᬭᬶᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬫᬗᭀᬚᭀᬕ᭄ᬓᬚᬶᬦᭂᬫ᭄ᬧᬸᬭᬶ᭞
ᬚᬕᬵᬫᭂᬋᬫ᭄᭞ᬲᬶᬯᭀᬃᬢ᭄ᬢᬦ᭄ᬮᬯᬸᬢ᭄ᬓᭂᬲᬾᬗᬦ᭄᭟ᬭᬯᬸᬄᬳᬶᬭᬶᬓᬵᬲᬶᬯᭀᬃᬢ᭄ᬢᬦ᭄᭞ᬭᬵᬚᬧᬸᬢ᭄ᬭᬶᬗᬦ᭄ᬤᬶᬓᬵᬭᬶᬲ᭄᭞ᬫᬳᬶᬫᭂᬗ᭄ᬮᬯᬸᬢ᭄ᬫᭂᬦᬾᬓᬦ᭄᭞ᬤᬶᬦᬶᬢᭂᬩᬾᬦᬦ᭄ᬢᭀᬗᭀᬲᬶᬦ᭄᭞ᬘᬳᬶᬫᭂ
ᬥᭂᬫ᭄ᬲᬳᬶᬲᬳᬶ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵᬫᬗ᭄ᬮᬯᬸᬢ᭄᭞ᬫᭂᬥᭂᬫ᭄ᬤᬶᬘᭀᬓᭀᬃᬲᬂᬤ᭄ᬬᬄ᭞ᬭᬵᬚᬧᬸᬢ᭄ᬭᬶᬮᬶᬦ᭄ᬢᬂᬳᬲᬶᬄ᭞ᬓᭂᬲᬬᬗᬂ᭞ᬲᬶᬯᭀᬃᬢ᭄ᬢᬦ᭄ᬭᬶᬂᬭᬵᬚᬚ᭄ᬯᬶᬢ᭟ᬓᬲᬸᬯᬾᬦ᭄ᬘᬭᬶᬢᬬᬂ᭞ᬲᬶᬯᭀᬃ
ᬢ᭄ᬢᬦ᭄ᬦᭀᬗᭀᬲ᭄ᬤᬶᬧᬸᬭᬶ᭞ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦ᭞ᬮᬶᬫᬦᬾᬫᬗᬗᭀᬦ᭄ᬓᬫ᭄ᬩᬶᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬳᬸᬦᬶᬗᬶᬦ᭄᭞ᬓᬫ᭄ᬩᬶᬗᬾᬲᬕᬾᬢᬦ᭄ᬮᬶᬬᬸ᭞ᬲᬸᬩᬫᬦᬓ᭄ᬳᬸᬫᬦᬓ᭄᭞ᬭᬵᬚᬧᬸᬢ᭄ᬭᬶᬢ᭄ᬯ
[ ᭔᭕ 45A]
ᬭᬳᬸᬦᬶ᭞ᬮᬶᬦ᭄ᬢᬂᬘᬸᬘᬸᬤ᭄᭞ᬲᬶᬯᭀᬃᬢ᭄ᬢᬦ᭄ᬤᬶᬢᬸᬫᬋᬓᬦ᭄᭟ᬢ᭄ᬯᬭᬢᬳᬾᬦ᭄ᬗᭂᬮᬄᬲᬮᬄ᭞ᬮᬶᬦ᭄ᬢᬂᬪᬓ᭄ᬢᬶᬢᭂᬓᬾᬦ᭄ᬕᬸᬲ᭄ᬢᬶ᭞ᬬ᭄ᬯᬤᬶᬦ᭄ᬢᬶᬓᬾᬦ᭄ᬧᬥᬢᬶᬫ᭄ᬧᬮ᭄᭞ᬢ᭄ᬯᬭᬢᬳᬾᬦ᭄ᬗᭂᬮᬄᬧᭂᬮᬶᬄ᭞ᬬᬤᬶᬦ᭄ᬢᬶᬗ᭄ᬓᬳᬾ
ᬤᬶᬧᬸᬭᬶ᭞ᬩᬶᬱᬵᬫᬗ᭄ᬮᬾᬤᬗᬶᬦ᭄ᬓᬬᬸᬦ᭄᭞ᬤᬶᬍᬫᬳᬾᬬᬓᬚᬕ᭞ᬓᬢᭂᬕᬮ᭄ᬮᭀᬃᬗᬗᭀᬦ᭄ᬓᬫ᭄ᬩᬶᬂ᭞ᬤᬶᬧᭂᬢᭂᬗᬾ᭞ᬫᭂᬥᭂᬫ᭄ᬤᬶᬘᭀᬓᭀᬃᬲᬂᬭᬢ᭄ᬦᬵ᭟ᬳᬫ᭄ᬩᬸᬮ᭄ᬢᭀᬚᬦᬶᬳᬸᬘᬧᬂ᭞ᬢᭂᬗ᭄ᬓᬄᬲᬶ
ᬯᭀᬃᬢ᭄ᬢᬦ᭄ᬤᬶᬧᬸᬭᬶ᭞ᬍᬕᬵᬢᬶᬫ᭄ᬧᬮ᭄ᬦᬾᬫᬓᭂᬚᬂ᭞ᬓᭀᬘᬧ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬓᬢᬶᬩᬾᬦ᭄ᬲᬸᬗ᭄ᬓᬦ᭄ᬧᬗᬓ᭄ᬱᬶ᭞ᬲᬓᬾᬂᬧᬦᬶᬢᬄᬬᬂᬢᬸᬤᬸᬄ᭞ᬧᬶᬦᬸᬗ᭄ᬓᬦᬾᬭᬳᬢ᭄ᬧᬶᬲᬦ᭄᭞ᬩᭂᬲᭂᬄᬩᬭᬓᬾᬫᬗᭂᬦ᭄ᬤᬶᬄ
᭞ᬧᬘᬗᬸᬮ᭄ᬗᬸᬮ᭄᭞ᬢ᭄ᬯᬭᬤᬤᬶᬫᬘᬶᬗᬓᬦ᭄᭟ᬓᬾᬯᭂᬄᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬓᬵᬤᬶᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬲᬳᬶᬫᬦ᭄ᬓᬬᬂᬩᬮ᭄ᬬᬦ᭄᭞ᬦᬫ᭄ᬩᬦᬶᬦ᭄ᬲᬂᬭᬚᬧᬸᬢ᭄ᬭᬶ᭞ᬫᬓᭂᬚᬂᬢ᭄ᬯᬭᬫᬶᬦ᭄ᬢᬸᬮᬶᬦ᭄᭞ᬲᬸᬗ᭄ᬓᬦᬾ