Kaca:Bali-lontar-gaguritan-indra-bang-induraja-300ppi.pdf/44

Saking Wikisource
Kaca puniki sampun kauji-wacén

[ ᭔᭓ 43B]
᭔᭓᭞
ᬢᭀᬫᬸᬜᬶᬦᬾᬗᬭᬾᬫᬵᬦ᭄᭞ᬫᬶᬭᬶᬩ᭄ᬩᬸᬓᬵᬫᬲᬲᬶᬫ᭄ᬩᬶᬂ᭞ᬢᬢᬲ᭄ᬓᬧᬶᬋᬗᬂᬲᬫᬶ᭞ᬧᬗ᭄ᬭᬾᬫᭀᬦᬾᬗᭂᬢᬸᬲ᭄ᬓᬬᬸᬦ᭄᭞ᬬᬤ᭄ᬬᬦ᭄ᬜᬤᬶᬢᬸᬲᬗ᭄ᬭᬢ᭄ᬦᬵ᭞ᬳᬾᬮᬶᬂᬢᭂᬓᬾ
ᬦ᭄ᬭᬕᬫᬗ᭄ᬓᬶᬦ᭄᭞ᬤᬤᬶᬫᬶᬚᬶᬮ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬦᬾᬫᬜᬧ᭄ᬘᬧ᭄᭟ᬢᬦ᭄ᬯᬾᬦ᭄ᬢᭂᬦ᭄ᬓᬭᬲᬬᬂ᭞ᬤᭂᬓ᭄ᬤᭂᬓ᭄ᬓᬬᬸᬦᬾᬧ᭄ᬭᬚᬦᬶ᭞ᬫᬶᬋᬂᬲᬲᬶᬫ᭄ᬩᬶᬂᬲᬶᬯᭀᬃᬣᬦ᭄᭞ᬭᬲᬦᭂᬕᬳᬸᬮᬸᬦ᭄ᬳ
ᬢᬶ᭞ᬲᬶᬯᭀᬃᬣᬦ᭄ᬯᬦ᭄ᬢᬄᬯ᭄ᬬᬓ᭄ᬢᬶ᭞ᬲᬲᬶᬫ᭄ᬩᬶᬂᬳᬗ᭄ᬕᬾᬦᬫᬢᬸᬃ᭞ᬲᬫ᭄ᬧᬸᬦ᭄ᬓᬧᬶᬦᭂᬄᬧᬶᬲᬦ᭄᭞ᬭᬶᬂᬲᬂᬧᬸᬢ᭄ᬭᬶᬫᬮᬯᬢᬶ᭞ᬲᬯᬂᬓᭂᬜᭂᬫ᭄᭞ᬲᬤᬾᬯᬶᬗᭂᬲᬾᬗᬶᬦ᭄‌ᬯᬶᬸᬧᬜ᭄ᬚᬓ᭄᭟ᬫ
ᬋᬓᬦᬾᬧᬥᬜ᭄ᬚᬕ᭄ᬚᬕ᭄᭞ᬫᬩ᭄ᬭᬶᬬᬸᬓ᭄ᬚᭂᬓᬗᬪᬓ᭄ᬢᬶ᭞ᬭᬵᬚᬧᬢᬶᬳᬮᬾᬦ᭄ᬩᬸᬓ᭄᭞ᬳᬯᭀᬓ᭄‌ᬲᬦᬶᬭᬫᬭᬕᬶ᭞ᬲᬶᬯᭀᬃᬢ᭄ᬢᬦ᭄ᬫᬲᬲᬶᬫ᭄ᬩᬶᬂ᭞ᬫᬸᬜᬶᬦ᭄ᬜᬦᬾᬦᬾᬳᬮᬸᬲ᭄ᬜᬫ᭄ᬧᬸᬄ᭞
[ ᭔᭔ 44A]
ᬍᬍᬄᬗᭂᬜᬕᬂᬘᬶᬢ᭄ᬢᬵ᭞ᬧᬋᬓᬦᬾᬓᭂᬥᬾᬓ᭄ᬲᬫᬶ᭞ᬤᬤᬶᬳᬸᬫᬸᬂ᭞ᬤᬶᬧᬕᬮ᭄ᬯᬦ᭄ᬫᬩ᭄ᬭᬶᬬᬓᬦ᭄᭟ᬭᬫᬾᬤᬶᬚ᭄ᬭᭀᬫᬕᬸᬕᬸᬬ᭄ᬯᬦ᭄᭞ᬦᭂᬥᬾᬓᬾᬲᬮᬾᬂᬢᬫ᭄ᬩᬸᬗᬶᬦ᭄᭞ᬤᬶᬢᬸᬫᬗ᭄ᬮᬯᬸᬢ᭄ᬲᬶ
ᬯᭀᬃᬢ᭄ᬣᬦ᭄᭞ᬫᬳᬢᬸᬭᬶᬂᬭᬵᬚᬧᬸᬢ᭄ᬭᬶ᭞ᬇᬗ᭄ᬕᬶᬄᬢᬶᬢ᭄ᬬᬂᬮᬸᬗ᭄ᬳᬵᬫᬗ᭄ᬓᬶᬦ᭄᭞ᬗᬗᭀᬦᬂᬓᬫ᭄ᬩᬶᬂᬳᬶᬭᬢᬸ᭞ᬭᬭᬶᬲ᭄ᬫᬚᬮᬦ᭄ᬲᬶᬯᭀᬃᬢ᭄ᬢᬦ᭄᭞ᬓᭂᬚᬩᬫᭂᬦ᭄ᬤᬦ᭄ᬤᬦ᭄ᬓᬫ᭄ᬩᬶᬂ᭞ᬤᬤᬶᬕᬶᬲᬸ᭞ᬲᬫ᭄ᬧᬸᬦ᭄ᬭ
ᬯᬸᬄᬭᬶᬂᬧᬜ᭄ᬬᬦᬦ᭄᭟ᬓᬫ᭄ᬩᬶᬗᬾᬭᬭᬶᬲ᭄ᬓᬗᭀᬦᬂ᭞ᬢᭂᬧᬸᬓ᭄ᬳᭂᬩᭂᬢ᭄ᬮᬯᬸᬢ᭄‌ᬮᬾᬩᬶᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬫᬦᭂᬤᬸᬳᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵᬫᬗ᭄ᬭᬭᬶᬲ᭄᭞ᬗᬮᬶᬄᬳᬫᬳᬦ᭄ᬓᬫ᭄ᬩᬶᬂ᭞ᬲᬦᬾᬧᬘᬂᬳ
ᬩᬫᬦ᭄ᬢᬸᬓ᭄᭞ᬲᬫ᭄ᬧᬸᬦ᭄ᬧᭀᬮᬶᬄᬳᬢᬶᬓᬸᬮᬦ᭄᭞ᬓᬫ᭄ᬩᬶᬗᬾᬭᬭᬶᬲ᭄ᬓᬳᬫ᭄ᬩᬶᬮ᭄᭞ᬓᬚᬓ᭄ᬫᬦ᭄ᬢᬸᬓ᭄᭞ᬢᭂᬓᭂᬤ᭄ᬤᬶᬚ᭄ᬭᭀᬲᬸᬩᬲᬜ᭄ᬚ᭟ᬧᭂᬢᭂᬂᬚᬦᬶᬘᬭᬶᬢᬬᬂ᭞ᬭᬵᬚᬧᬸᬢ᭄ᬭᬫᬮᬵᬯᬢᬶ᭞ᬲᬫ᭄ᬧᬸ