Kaca:Bali-lontar-gaguritan-indra-bang-induraja-300ppi.pdf/38

[ ᭓᭗ 37B]
᭓᭗᭞
ᬓ᭄᭞ᬩᭀᬓᬾᬩᬭᬓ᭄ᬧᬢᭂᬮᬸᬦ᭄ᬢᬸᬂ᭞ᬩᭂᬭᬶᬢ᭄ᬫᬶᬭᬶᬩ᭄ᬢᭀᬜᬦ᭄ᬳᬮᬲ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬳᬭᬶᬲ᭄᭞ᬳᭂᬜᬦ᭄ᬳᭂᬦ᭄ᬢᭀ᭞ᬳᬦᬓᬾᬘᭂᬦᬶᬓ᭄ᬓᬳᬚᬓ᭄᭟ᬕᭀᬩᬦ᭄ᬜᬦᬾᬢᬯᬄᬧᬶᬲᬦ᭄᭞ᬢᭀ
ᬲᬶᬂᬳᭂᬭᬫᬦᭂᬧᬸᬓᬶᬦ᭄᭞ᬚᬢ᭄ᬫᬫᬕᭀᬩᬩᬩᬾᬤᬦ᭄᭞ᬤᬶᬚᬵᬢᭀᬩᬓᬢᬂᬘᬳᬶ᭞ᬲᬶᬦᬳᬾᬫᬦᬓ᭄ᬫᬫᭂᬤᬶ᭞ᬲᬗ᭄ᬓᬦ᭄ᬕᭀᬩᬦ᭄ᬜᬦᬾᬮᬸᬳᬸᬂ᭞ᬢ᭄ᬯᬭᬧᬢᬸᬄᬓᬾᬦᬾᬮᬾᬦᬦ᭄᭞ᬩᭀ
ᬓᬾᬩᬭᬓ᭄ᬓᬶᬘᭂᬚ᭄ᬭᬶᬂ᭞ᬓᬮᬶᬗᬦᬾ᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬧᭂᬮᬮ᭄ᬬᬦ᭄᭟ᬧᬋᬓᬦᬾᬫᬢᬸᬃᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬸᬦᬶᬗᬂ᭞ᬧᬸᬦᬶᬓᬶᬳᬦᬓᬾᬳᬮᬶᬢ᭄᭞ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ
ᬳᬶᬦᬸᬦᬶ᭞ᬭᬶᬂᬧᬶᬗ᭄ᬕᬃᬩᬜ᭄ᬘᬶᬗᬄᬭᬢᬸ᭞ᬳᬶᬧᬸᬦᬾᬯᬾᬓ᭄ᬫᭂᬫᬃᬕ᭄ᬕ᭞ᬢᬶᬢ᭄ᬬᬂᬭᬭᬶᬲ᭄ᬫᭂᬜ᭄ᬚᬕ᭄ᬚᬕᬶᬦ᭄᭞ᬢᬸᬃᬦᬓᬾᬦᬶᬦ᭄᭞ᬳᬶᬧᬸᬦ᭄ᬫᬶᬤᭂᬧ᭄ᬫᬲ᭄ᬯᬭ᭟ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓ᭞ᬳᭂᬦᬄᬮᬫᬸᬦ᭄ᬓᬾ
[ ᭓᭘ 38A]
ᬢᭀᬚᬦᬶ᭞ᬫᬦᬶᬭᬵᬚᬦᬶᬫᬜᬸᬯᬂ᭞ᬩᬓᬮ᭄ᬮᬮ᭄ᬬᬦ᭄ᬦᬦᬓ᭄ᬤᬾᬯᬶ᭞ᬲᬂᬦᬵᬣᬤᬶᬢᬸᬕᭂᬮᬶᬲ᭄᭞ᬗᬦ᭄ᬤᬶᬓᬳᬶᬦ᭄ᬧᬜ᭄ᬚᬓ᭄ᬮᬯᬸᬢ᭄᭞ᬗᬚᬓ᭄ᬚᬦᬶᬓᬚ᭄ᬭᭀᬯᬦ᭄᭞ᬗᬢᬸᬭᬂᬭᬶᬂᬭᬵᬚᬧᬸᬢ᭄ᬭᬶ᭞
ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬳᬚᭂᬂᬲᬂᬭᬵᬚᬚ᭄ᬯᬶᬢ᭟ᬧᬋᬓᬦᬾᬮᬯᬸᬢ᭄ᬦᭂᬕᬓ᭄᭞ᬫᬳᬢᬸᬃᬲᬃᬯ᭄ᬯᬶᬗᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬓᬦ᭄ᬤᬶᬓᬬᬂᬫ᭄ᬭᬶᬓᬶ᭞ᬫᬗᬢᬸᬭᬂᬳᬦᬓ᭄ᬘᭂᬦᬶᬓ᭄᭞ᬭᬶᬂᬳᬚᬶ
ᬦ᭄ᬘᭀᬓᭀᬃᬳᬶᬭᬢᬸ᭞ᬭᬵᬚᬧᬸᬢ᭄ᬭᬶᬓᬕ᭄ᬬᬢ᭄ᬫᬜᬶᬗᬓ᭄᭞ᬩᬦᬾᬢ᭄ᬯᬭᬢᬳᬾᬦᭂᬧᬸᬓᬶᬦ᭄᭞ᬳᬦᬓ᭄ᬘᭂᬦᬶᬓ᭄᭞ᬕᭀᬩᬦ᭄ᬜᬦᬾᬢᬯᬄᬧᬶᬲᬦ᭄᭟ᬤᬶᬢᬸᬳᬶᬤᬭᬵᬚᬚ᭄ᬯᬶᬢᬵ᭞ᬳᬶᬲᭂᬂᬳᬶᬦ᭄ᬤᬬᬂ
ᬗᬸᬲᬸᬤᬶᬦ᭄᭞ᬳᬶᬘᭂᬦᬶᬂᬳ᭄ᬬᬫᬗ᭄ᬮᬶᬬᭂᬭᬂ᭞ᬓᭂᬚᬢ᭄ᬓᭂᬚᬶᬢ᭄ᬫᬦᬸᬄᬫᬗᬶᬮ᭄᭞ᬮᬾᬤᬂᬓᬬᬸᬦ᭄ᬳᬶᬤᬗᬓ᭄ᬱᬶ᭞ᬩᭀᬓᭀᬫᬶᬭᬶᬩ᭄ᬳᬓᬄᬧᬓᬸᬕᭂᬮᬶᬦ᭄ᬢᬶᬂᬩᭂᬭᬶᬢ᭄ᬩᬭᬓ᭄᭞ᬧᬧᬶᬦᭂᬳᬾᬚ᭄ᬭᭀᬦᬶᬂᬳ