Kaca:Bali-lontar-gaguritan-indra-bang-induraja-300ppi.pdf/37

Saking Wikisource
Kaca puniki sampun kauji-wacén

[ ᭓᭖ 36B]
᭓᭖᭞
ᬓ᭄ᬱᬶᬫᬮᬶᬄᬗᬲ᭄ᬢᬯᬵ᭞ᬭᬚᬧᬸᬢ᭄ᬭᬓᭂᬳᬋᬧᬶᬦ᭄᭞ᬓᭂᬯᬲ᭄ᬢᬸᬫᬗ᭄ᬤᬾᬓᬲᬤ᭄ᬬᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵᬗᬬᬩᬶᬦ᭄᭞ᬳᭂᬦᭂᬗᬤᬸᬫᬸᬦ᭄ᬲᬂᬬᬓ᭄ᬱᬶ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬓᬯᬸᬯᬸᬲ᭄᭞ᬫᬦᬤᬶ
ᬬᬳᬦᬓ᭄ᬘᭂᬭᬶᬓ᭄᭞ᬩᭀᬓ᭄ᬦᬾᬩᬭᬓ᭄᭞ᬩᭂᬭᬶᬢ᭄ᬫᬶᬭᬶᬩ᭄ᬓᬸᬢᬸᬦ᭄ᬳᬮᬲ᭄᭟ᬫᬧᬫᬶᬢ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬕᭂᬕᬜ᭄ᬘᬗᬦ᭄᭞ᬳᬦ᭄ᬢᬧ᭄ᬭᬫᬡᬦᬾ
ᬳᬸᬗ᭄ᬲᬶ᭞ᬢᬦ᭄ᬓᭀᬘᬧᬭᬶᬂᬫᬃᬕ᭄ᬕᬶ᭞ᬳᬦ᭄ᬢᬄᬩ᭄ᬭᬦᬯᬸᬲ᭄ᬓᬮᬗ᭄ᬓᬸᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬦᬵᬕᬭ᭞ᬗᭂᬮᬶᬲᬂᬭᬭᬶᬲ᭄ᬫᬗ᭄ᬭᬜ᭄ᬚᬶᬂ᭞ᬓᭂᬩᬜ᭄ᬘᬶᬗᬄ᭞ᬧᭂᬚᬮᬦᬾᬫᬘ᭄ᬮᬶᬜ᭄ᬘᬗᬦ᭄᭟ᬲᬭᬯᬸᬳᬾᬭᬶᬂᬚ᭄ᬭᭀᬓᭀ
ᬣᬵ᭞ᬯᬾᬦ᭄ᬢᭂᬦ᭄ᬧᬋᬓᬦ᭄ᬲᬗᬚᬶ᭞ᬳᬲᬶᬓᬶᬲᭂᬥᭂᬓᭂᬚᬮᬦ᭄᭞ᬧᬸᬦᬶᬓᬵᬫᬗ᭄ᬓᬶᬦ᭄ᬫᬗ᭄ᬕᬶᬳᬶᬦ᭄᭞ᬳᬦᬓᬾᬘᭂᬦᬶᬓ᭄ᬫᬫᬃᬕ᭄ᬕᬶ᭞ᬤᬤᬶᬓᬕ᭄ᬬᬢ᭄ᬳ᭄ᬬᬫᬦᬸᬮᬸ᭞ᬚᬢ᭄ᬫᬘᭂᬦᬶᬓ᭄‌ᬕᭀᬩᬢᬯᬄ᭞
[ ᭓᭗ 37A]
ᬩᭀᬓᬾᬩᬭᬓ᭄ᬩᭂᬭᬶᬢ᭄ᬓᬸᬦᬶᬂ᭞ᬬᬦ᭄ᬳᬶᬭᬶᬗᬂ᭞ᬦᬾᬦᬾᬧᬦ᭄ᬢᭂᬲ᭄ᬓᬸᬢᬸᬦ᭄ᬳᬮᬲ᭄᭟ᬧᬋᬓᬦᬾᬳᬾᬜ᭄ᬘᭀᬂᬫᬜ᭄ᬚᬕ᭄ᬚᬕ᭄᭞ᬦᭂᬲᭂᬓᬶᬦ᭄ᬫ᭄‌ᬮᬯᬸᬢ᭄ᬫᬦᬓᭀᬦᬶᬦ᭄᭞ᬇᬄᬦᬾᬢᬾᬘᬳᬶᬯ᭄ᬯᬭᬧ᭞ᬳᬯᬓ᭄ᬘᭂᬦᬶ
ᬓ᭄ᬢᭂᬓᬵᬫᬳᬶ᭞ᬩᭀᬓ᭄ᬩᬭᬓ᭄ᬩᭂᬭᬶᬢ᭄ᬧᬕ᭄ᬮᬦ᭄ᬢᬶᬂ᭞ᬮᬶᬫᬦᬾᬓᬚᭂᬫᬓ᭄ᬮᬯᬸᬢ᭄᭞ᬓᬳᬸᬲᬸᬯᬶᬦ᭄‌ᬗ᭄ᬮᬶᬬᭂᬭᬂ᭞ᬗ᭄ᬳᬶᬂᬢ᭄ᬯᬭᬬᬧᭂᬲᬸᬫᬸᬜᬶ᭞ᬓᬶᬘᭂᬃᬓᬶᬘᭂᬃ᭞ᬫᭀᬮᭀᬕ᭄ᬫᬶᬭᬶᬩ᭄ᬫᬦᬸᬄᬧᬶᬲᬦ᭄᭟ᬯᬶᬢᬸᬮᬯᬸᬢ᭄
ᬬᬓᬚᭂᬫᬓ᭄᭞ᬓᭂᬤᬡ᭄ᬥᬦ᭄ᬓᬚᬓ᭄ᬓᭂᬧᬸᬭᬶ᭞ᬧᬘᬂᬓᬢᬸᬃᬭᬶᬂᬲᬂᬦᬵᬣ᭞ᬳᬶᬘᭂᬦᬶᬂᬚᬦᬶᬦᬸᬢᬸᬢᬶᬦ᭄᭞ᬢᬦ᭄ᬓᭀᬘᬧᬭᬶᬂᬫᬃᬕ᭄ᬕ᭞ᬘᬭᬶᬢᬬᬂᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬗᬬᬸᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬧ᭄ᬭᬫᬦ᭄ᬢ᭄ᬭᬶᬮᬶᬬᬸᬫᬦᬗ᭄ᬓᬶ
ᬮ᭄᭞ᬲᬕᬾᬢ᭄ᬭᬯᬸᬄ᭞ᬧᬋᬓᬦᬾᬮᬯᬸᬢ᭄ᬦᭂᬕᬓ᭄᭟ᬳᬦᬓᬾᬘᭂᬦᬶᬓ᭄ᬓᬳᬚᬓ᭄᭞ᬲᬋᬂᬫᬦᭂᬕᬓ᭄ᬭᬶᬗᬸᬭᬶ᭞ᬓᬘᬶᬗᬓ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬧᬋᬓᬦᬾᬢᭂᬓᬵᬦᬗ᭄ᬓᬶᬮ᭄᭞ᬫᬗᬚᬓ᭄ᬳᬦᬓ᭄ᬘᭂᬦᬶ