Kaca:Bali-lontar-gaguritan-indra-bang-induraja-300ppi.pdf/36

Saking Wikisource
Kaca puniki sampun kauji-wacén

[ ᭓᭕ 35B]
᭓᭕᭞
ᬦ᭄ᬢᭀᬲ᭄ᬭᬸᬧ᭟ᬧᬧᬶᬦᭂᬳᬾᬚ᭄ᬭᭀᬦᬶᬂᬳᬢᬶ᭞ᬓᬮᬶᬗᬦᬾ ᬬᬂᬯᬶᬦᭂᬓᬲ᭄᭞ᬓᬮᬶᬦ᭄ᬢᬂᬳᬕᬸᬂᬲ᭄ᬯᬾᬘᬦᬾ᭞ᬫᬦ᭄ᬤᬸᬮᬸᬭᬶᬦ᭄ᬭᬕᬦ᭄ᬳᬶᬤ᭞ᬫᬗ᭄ᬕᬶᬳᬂᬭᬶᬂᬦᬶᬦᬶᬬᬓ᭄ᬱ᭞ᬓᬾᬢᭀᬧᬧᬶ
ᬦᭂᬳᬾᬤᬶᬢᬸ᭞ᬮᬶᬦ᭄ᬢᬂᬳᬾᬕᬃᬓᬬᬸᬦ᭄ᬳᬶᬤ᭟ᬢᬦ᭄ᬢᭂᬮᬕ᭄ᬳᬲ᭄ᬢᬶᬢᬶᬯᬶᬥᬶ᭞ᬧᬗᬘᭂᬧᬾᬚ᭄ᬭᭀᬦᬶᬂᬘᬶᬢ᭄ᬢ᭞ᬫᬗ᭄ᬤᬾᬦ᭄ᬜᬤᬬᬂᬓᬃᬬ᭄ᬬᬦᬾ᭞ᬢᬸᬃᬲᬶᬤ᭄ᬥᬵᬫᬗ᭄ᬕᬶᬳᬶᬦ᭄ᬜᬫ᭞ᬬ᭄ᬯᬤᬶᬦ᭄ᬲᬫ᭄ᬧᬸᬦ᭄ᬳᬶ
ᬤᬮᬶᬡ᭞ᬮᬄᬬᬦᬾᬫᬗ᭄ᬤᬓᬢᭂᬫᬸ᭞ᬳᬫ᭄ᬩᬸᬮ᭄ᬢᭀᬧᬗᬘᭂᬧ᭄ᬳᬶᬤ᭟ᬇᬭᬶᬓᬵᬲᬂᬬᬓ᭄ᬱᬶᬕᭂᬮᬶᬲ᭄᭞ᬗᬕᬳᬶᬦ᭄ᬲᬭᬸᬂᬓᬰᬓ᭄ᬢ᭄ᬬᬦ᭄᭞ᬳᬚᬳᬦ᭄ᬫᬮᬶᬄᬯᬃᬡ᭄ᬦᬦᬾ᭞ᬫᬮᬶᬄᬫᬭᬸᬧᬓᬤᬶ
ᬓᬸᬦ᭞ᬲᬂᬬᬓ᭄ᬱᬶᬭᬭᬶᬲ᭄ᬳᬗᬸᬘᬧ᭄᭞ᬳᬤᬸᬄᬤᬾᬯᬦ᭄ᬢᬶᬢ᭄ᬬᬂᬩᬕᬸᬲ᭄᭞ᬫ᭄ᬭᬶᬓᬵᬫᬗ᭄ᬓᬶᬦ᭄ᬳᬶᬤᬮᬸᬗ᭄ᬳᬵ᭟ᬬᬦ᭄ᬯᬾᬦ᭄ᬢᭂᬦ᭄ᬓᭀᬩᭂᬢᬂᬕᬸᬲ᭄ᬢᬶ᭞ᬕᭂᬮᬶᬲᬂᬫ᭄ᬭᬶᬓᬶᬦ᭄ᬤᬶᬓᬬᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬲ
[ ᭓᭖ 36A]
ᬯᬸᬭᬾ᭞ᬇᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬫᬲᬧᬘᬂᬯᬗ᭄ᬤᬾᬜ᭞ᬬᬦ᭄ᬢᬶᬢ᭄ᬬᬂᬫᬗ᭄ᬕᬶᬄᬧᬓᬾᬬᬸᬄ᭞ᬚᬦ᭄ᬢᭂᬦ᭄ᬭᬯᬸᬄᬫᬜᬶᬦᭀᬫᬂ᭟᭐᭟ᬧᬸᬄᬲᬶ᭟᭐᭟ᬇᬭᬶᬓᬵᬫᬮᬶᬄᬲᬂᬬᬓ᭄ᬱ᭞ᬭᬵᬚ
ᬧᬸᬢ᭄ᬭᬓᬯᬶᬲᬶᬓᬶᬦ᭄᭞ᬧᬸᬦᬶᬓᬶᬭᬢᬸᬳᬾᬮᬶᬗᬂ᭞ᬓᭂᬚᬢ᭄ᬫᬶᬓᬦᬾᬳᬓᬶᬓᬶᬢ᭄᭞ᬭᬶᬂᬢᬢ᭄ᬓᬵᬮᬬᬸᬦ᭄ᬕᬸᬲ᭄ᬢᬶ᭞ᬮᬸᬗ᭄ᬳᬵᬲᬧᬭᬦᬮᬓᬸ᭞ᬧᬸᬦᬶᬓᬶᬳᬗ᭄ᬕᬾᬦ᭄ᬳᬶᬭᬶᬗᬦ᭄᭞ᬧᬩᭂᬲᭂᬦ᭄ᬢᬶᬢ᭄ᬬᬵ
ᬗᬾᬕᬸᬲ᭄ᬢᬶ᭞ᬤᬶᬢᬸᬢᬸᬮᬯᬸᬢ᭄᭞ᬲᬂᬬᬓ᭄ᬱᬶᬫᬯᬭᬄᬯᬭᬄ᭟ᬲᭀᬭᭀᬄᬫᬦ᭄ᬢ᭄ᬭᬓᬯᬶᬰᬾᬱᬦ᭄᭞ᬢᭂᬮᬲ᭄ᬲᬫᬶᬓᬯᬶᬰᬶᬓᬶᬦ᭄᭞ᬳᬦ᭄ᬢᬸᬲᬂᬬᬓ᭄ᬱᬶᬳᬶᬭᬶᬓᬵ᭞ᬇᬦ᭄ᬤ᭄ᬭᬩᬗ᭄ᬲ᭄ᬫᬡᬵᬫᬗ᭄ᬭᬭᬶᬲ᭄᭞
ᬇᬚᬸᬫᬜᬮᬸᬓ᭄ᬓᬸᬮᬫ᭄ᬩᬶ᭞ᬓᬯᭀᬲ᭄ᬓᬰᬓ᭄ᬢ᭄ᬬᬦᬾ ᬲᬫ᭄ᬧᬸᬦ᭄᭞ᬳᬸᬲᬦᬾᬲᬂᬭᬵᬚᬧᬸᬢ᭄ᬭ᭞ᬫᬜᬮᬸᬓ᭄ᬓᬯᭀᬲᬾᬤᬤᬶ᭞ᬳᬦᬓ᭄ᬘᭂᬦᬶᬓ᭄᭞ᬕᭀᬩᬦ᭄ᬜᬦᬾᬢᬯᬄᬧᬶᬲᬦ᭄᭟ᬲᬂᬬ