[ ᭓᭓ 33B]
᭓᭓᭞
᭟ᬬᬦᬶᬂᬲᬫ᭄ᬧᬸᬦ᭄ᬲᬶᬤ᭄ᬥᬵᬫᬢᬶ᭞ᬧᬸᬦᬶᬓᬵ ᬓᬮᬩᬸᬭᬓ᭄ᬱ᭞ᬫᬗ᭄ᬤᬾᬯᬾᬦ᭄ᬢᭂᬦ᭄ᬩ᭄ᬯᬢᬦ᭄ᬤᬦᬾ᭞ᬓᬢᬸᬭᬶᬂᬲᬂᬦᬵᬣ᭞ᬧᬸᬦᬶᬓᬵᬦᬾᬓᬩ᭄ᬯᬢᬂ᭞ᬫᬢᬵᬲᬋᬂᬘᬸᬗᬸᬄᬳᬶᬧᬸᬦ᭄᭞ᬬᬦ᭄ᬫᬓ᭄ᬢᬘᬶᬭᬶ
ᬦᬾᬚᬬ᭟ᬳᭂᬜᬾᬦ᭄ᬚᬜᬶᬤᬬᬂᬗᬮᬶᬄ᭞ᬘᬸᬗᬸᬄᬫᬢᬇᬲᬩᬸᬭᬓ᭄ᬱ᭞ᬗᬢᬸᬭᬂᬓᬾᬦ᭄ᬲᬂᬓᬢᭀᬂ᭞ᬧᬸᬦᬶᬓᬧᬘᬂᬓᬳᬶᬘᬦ᭄᭞ᬧᬸᬢ᭄ᬭᬶᬳᬶᬤᬦᬾᬲᬂᬦᬵᬣ᭞ᬬᬦ᭄ᬢᬦ᭄ᬫᬜᬶᬤ
ᬬᬂᬓᬢᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬧᬘᬂᬓᬳᬶᬘᬦ᭄᭟ᬓᬾᬢᭀᬧᬗᬦ᭄ᬤᬶᬓᬵᬦᬺᬧᬢᬶ᭞ᬭᬶᬂᬧᬭᬭᬢᬸᬦᬾᬫᬓᭂᬚᬂ᭞ᬢᬢᬲ᭄ᬓᬧᬶᬋᬗᬂᬋᬓᭀ᭞ᬲᬂᬓ᭄ᬱᬶᬫᬶᬤᬃᬢ᭄ᬢᬬᬂ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᬦᬶᬫ᭄ᬩᬮ᭄
᭞ᬧᬗᬸᬘᬧᬾᬫᬦᬶᬲ᭄ᬜᬸᬜᬸᬃ᭞ᬯᬦᬶᬦᬶᬢᬶᬢ᭄ᬬᬂᬧᬫᬶᬢ᭄ᬮᬸᬗ᭄ᬳ᭟ᬦᬾᬫᬗ᭄ᬓᬶᬦ᭄ᬧᬘᬂᬗᬸᬮᬢᬶ᭞ᬧᬗᬃᬱᬦ᭄ᬳᬶᬤᬳᬶᬩᬧᬵ᭞ᬧᬸᬦᬶᬓᬵ ᬩᬸᬮᬸᬄᬩ᭄ᬭᬶᬦ᭄ᬤᬸᬦᬾ᭞ᬬᬦ᭄ᬤᬶᬚᬵ ᬓᬧᭀᬬᬳᬤ᭞ᬲᬂᬬᬓ᭄ᬱ
[ ᭓᭔ 34A]
᭓᭔᭞
ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬤᬸᬄᬘᬸᬘᬸᬦ᭄ᬢᬶᬢ᭄ᬬᬗᬾᬩᬕᬸᬲ᭄᭞ᬤᬵᬚᬵᬳᬶᬤᬾᬯᬗᭀᬩᭂᬢᬂ᭟ᬩᬗ᭄ᬕᬬᬂᬢᬶᬢ᭄ᬬᬂᬫᬗᬮᬶᬄ᭞ᬩᬸᬮᬸᬄᬩ᭄ᬭᬶᬡ᭄ᬥᬸᬦᬾᬧᬸᬦᬶᬓᬵ᭞ᬬᬦᬶᬗᭂᬢ᭄ᬫᬦᬄᬢᬶᬢ᭄ᬬᬗᬾ᭞ᬩᭂ
ᬘᬶᬓᬦ᭄ᬳᬭᬢᬸᬮᬸᬗ᭄ᬳᬵ᭞ᬫ᭄ᬭᬶᬓᬫᬗ᭄ᬓᬶᬦ᭄ᬓᬦᬵᬕᬭ᭞ᬓᬦ᭄ᬢᬶᬦᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬓᬾᬦ᭄ᬳᬯᬶᬦᬦ᭄ᬲᬧᬸᬦᬶᬓᬵ᭟ᬤᬾᬦᬶᬂᬓᬮᬦᬾᬧᬸᬦᬶᬓᬶ᭞ᬧᬢᬶᬦᬾᬭᬶᬢᬗᬦ᭄ᬳᬶᬤ᭞ᬢᬦ᭄ᬯᬾᬦ᭄ᬢᭂᬦ᭄ᬓᬾ
ᬗᬶᬦ᭄ᬯᭀᬂᬲᬶᬬᭀᬲ᭄᭞ᬲᬦᬾᬳᭀᬕ᭄ᬬᬗᭂᬫᬤᭂᬫᬂ᭞ᬢᬸᬯᬄᬳᬶᬤᬾᬯᬵᬦᬾᬯᭂᬦᬂ᭞ᬓ᭄ᬭᬡᬦᬶᬦᬶᬦᬸᬦ᭄ᬤᬾᬦ᭄ᬦᬸᬮᬸᬂ᭞ᬫᬗ᭄ᬤᬾᬫᬢᬶᬳᬶᬩᬸᬭᬓ᭄ᬱ᭟ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬜᬯᬸᬭᬶᬦ᭄᭞ᬦᬶ
ᬦᬶᬗᬾᬦ᭄ᬓᬾᬦ᭄ᬢᬶᬢ᭄ᬬᬂᬫ᭄ᬭᬶᬓᬵ᭞ᬧᬘᬂᬫᬦᬸᬮᬸᬂᬲᬂᬓᬢᭀᬂ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬬᬦᬶᬂᬲᬫ᭄ᬧᬸᬦ᭄ᬭᬯᬸᬄᬳᬶᬭᬶᬓᬵ᭞ᬬᬦᬶᬂᬧᬥᬾᬢ᭄ᬯᬭᬓᬬᬸᬦ᭄᭞ᬲᬂᬧ᭄ᬭᬪᬸᬧᬘᬂᬦᬭᬶᬫ᭟ᬫᬾᬭᬂᬧᬶᬲ
Kaca:Bali-lontar-gaguritan-indra-bang-induraja-300ppi.pdf/34
Kaca puniki sampun kauji-wacén
