Kaca:Bali-lontar-gaguritan-indra-bang-induraja-300ppi.pdf/33

Saking Wikisource
Kaca puniki sampun kauji-wacén

[ ᭓᭒ 32B]
᭓᭒᭞
ᬯᬸᬄ᭞ᬧᬘᬂᬫᬗᬺᬩᬸᬢ᭄ᬲᬂᬦᬵᬣ᭟ᬲᬬᬕᬧᬜ᭄ᬚᬓᬾᬲᬫᬶ᭞ᬧ᭄ᬭᬬᬢ᭄ᬦᬗᬯᬲᬜ᭄ᬚᬢ᭞ᬗᬶᬢᭂᬤᬶᬢᬸᬦᬕᬭᬦᬾ᭞ᬫᬕᭂᬩᬕᬦ᭄ᬧᭂᬢᭂᬂᬍᬫᬄ᭞ᬫᬶᬍᬳᬦ᭄ᬧᬥᬵᬫᬲᬫ᭄ᬩᬂ᭞ᬓᬾ
ᬢᭀᬢᬶᬗ᭄ᬓᬄᬤᬦᬾᬤᬶᬢᬸ᭞ᬗᭂᬫᬶᬢ᭄ᬲᬂᬓᭀᬫᬮᬯᬢ᭄ᬬ᭟ᬓᬾᬢᭀᬳᬢᬸᬭᬾᬲᬂᬬᬓ᭄ᬱᬶ᭞ᬫᬶᬤᬃᬢ᭄ᬢᬲᬧᬭᬶᬓᬡ᭄ᬥ᭞ᬭᬶᬂᬢ᭄ᬯᬦ᭄ᬫᬦ᭄ᬢ᭄ᬭᬶᬧᬸᬢᬸᬦᬾ᭞ᬩᭂᬗᭀᬂᬳᬶᬤᬭᬵᬚᬧᬸᬢ᭄ᬭ᭞ᬫᬶ
ᬋᬂᬢᬸᬢᬸᬭᬦᬾᬲᬂᬬᬓ᭄ᬱ᭞ᬓᬧᬶᬦᭂᬄᬧᬶᬦᭂᬄᬤᬶᬓᬬᬸᬦ᭄᭞ᬲᬂᬬᬓ᭄ᬱᬵᬫᬮᬶᬄᬳᬗᬸᬘᬧ᭄᭟ᬬᬦᬶᬂᬯᬾᬦ᭄ᬢᭂᬦ᭄ᬓᬬᬸᬦ᭄ᬕᬸᬲ᭄ᬢᬶ᭞ᬧᬘᬂᬮᬸᬗ᭄ᬳᬵᬫᬲᭂᬲᬜ᭄ᬚᬦ᭄᭞ᬫᬘᬶᬗᬓ᭄ᬭᬶᬂᬓᬬᬗᬦᬾ᭞ᬭ
ᬭᬶᬲᬂᬕᬸᬲ᭄ᬢᬶᬫᬫᬃᬕ᭄ᬕ᭞ᬲᬫ᭄ᬧᬸᬦᬂᬚᬵᬲᬸᬫᬗ᭄ᬲᬬ᭞ᬧᬸᬦᬶᬓᬶᬳᬮᬲᬾᬭᬢᬸ᭞ᬲᬯᬯᭂᬗᬦ᭄ᬳᬦ᭄ᬢᬩ᭄ᬭᬢ᭞ᬢᬶᬬᬂᬫᬗᭀᬤᬕᬂᬲᬫᬶ᭞ᬫᬲᬯᬸᬃᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬇᬗ᭄ᬕᬶᬄᬢᬶᬢ᭄ᬬᬵᬂ
[ ᭓᭓ 33A]
᭓᭓᭞
ᬮᬶᬦ᭄ᬢᬂᬕᬯᭀᬓ᭄᭞ᬫᬶᬭᬕ᭄ᬬᬂᬲᬧᬸᬦᬶᬓᬵ᭞ᬦᬶᬦᬶᬫᬗᭀᬃᬢ᭄ᬢᬳᬶᬦ᭄ᬢᬶᬢ᭄ᬬᬂ᭞ᬓᬾᬗᬶᬦ᭄ᬢᬶᬢ᭄ᬬᬂᬓᬤᬶᬚᬸᬚᬸᬢ᭄᭞ᬯᬶᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬗ᭟ᬫᬮᬶᬄᬦᬶᬓᬬᬂᬫᬗ᭄ᬓᬶᬦ᭄᭞ᬬᬦ᭄ᬭᬸᬧᬦᬾ
ᬦᬾᬲᬂᬓᬮ᭞ᬓᬤᬶᬧᬸᬦᬧᬶᬚᭂᬦᭂᬗᬾ᭞ᬫᬓᬫᬶᬯᬄᬧᬯᬓᬦ᭄ᬬ᭞ᬫᬓᬵᬤᬶᬧᬗᬤᭂᬕᬦ᭄ᬬ᭞ᬳᬦ᭄ᬢᬸᬓᬾᬮᬶᬦ᭄ᬢᬂᬓᬯᬸᬯᬸᬲ᭄᭞ᬰᬓ᭄ᬢᬶᬦᬾᬫᬗᬫᬄᬚᬤ᭄ᬫ᭟ᬲᬂᬬᬓ᭄ᬱᬶᬫᬜᬯᬸ
ᬭᬶᬦ᭄᭞ᬇᬗ᭄ᬕᬶᬄᬦᬶᬦᬶᬫᬗᬸᬦᬶᬗᬂ᭞ᬬᬦ᭄ᬧᬭᬸᬧᬦ᭄ᬳᬶᬧᬸᬦᬾ᭞ᬧᬯᬓᬦ᭄ᬳᬶᬧᬸᬦ᭄ᬲᬦᬸᬗ᭄ᬕᬮ᭄᭞ᬧᬧᬶᬢᬸᬳᬶᬧᬸᬦ᭄ᬫᬫᬢ᭞ᬧᬧᬶᬢᬸᬳᬶᬧᬸᬦ᭄ᬫᬘᬸᬗᬸᬄ᭞ᬩᬤᭂᬂᬤᭂᬗᭂᬲ᭄ᬩ᭄‌ᬕᬶᬕᬶᬜᬸᬗ᭄ᬕᬃ᭟ᬳᭂᬩᭀ
ᬓᬾᬕᬾᬫ᭄ᬩᬮ᭄ᬧᬕ᭄ᬮᬦ᭄ᬢᬶᬂ᭞ᬳᬯᬦᬦ᭄ᬳᬶᬤᬲᬂᬦᬵᬣ᭞ᬓᬮᬶᬦ᭄ᬢᬂᬩᬶᬗᬸᬂᬓᬬᬸᬦᬾ᭞ᬤᬤᬶᬭᬸᬦ᭄ᬢᬸᬄᬧᬗᬦ᭄ᬤᬶᬓᬵ᭞ᬭᬶᬂᬧᬭᬢᬸᬦᬾᬲᬫ᭄ᬬᬦ᭄᭞ᬳᬲᬶᬂᬫᬜᬶᬤᬬᬂᬜᬸᬤᬸᬓ᭄᭞ᬫᬗ᭄ᬭᬸᬲᬓ᭄ᬲᬂᬓᬮᬵᬭᬓ᭄ᬱ