Kaca:Bali-lontar-gaguritan-indra-bang-induraja-300ppi.pdf/32

Saking Wikisource
Kaca puniki sampun kauji-wacén

[ ᭓᭑ 31B]
᭓᭑᭞
ᬦᬾᬗᬫ᭄ᬧᭂᬳᬉᬧᬲ᭄᭞ᬦᬶᬩᬾᬦᬵᬳᬶᬦ᭄ᬚᬦ᭄ᬫᬦᬾᬤᬶᬢᬸ᭞ᬳᬲᬶᬂᬓᬲᬓᬶᬢ᭄ᬩᬲᬂ᭟ᬕ᭄ᬭᬶᬂᬢᬸᬫ᭄ᬧᬸᬃᬮᬶᬬᬸᬫᬢᬶ᭞ᬳᬤᬲᬓᬶᬢ᭄ᬳᭂᬗ᭄ᬓᬓᭂᬗ᭄ᬓᬓ᭄᭞ᬳᬤᬗ᭄ᬮᬶᬂᬧᬢᬶᬤᬸᬫ᭄ᬮᬫᬾ᭞ᬳᬤᬫ᭄ᬮᬳᬶᬩ᭄ᬗᭂᬮᬶᬤᬂᬳᬯᬓ᭄᭞
ᬳᬸᬫᬄᬜᬦᬾᬲᬸᬯᬸᬗᬗ᭞ᬳᬤᬮᬾᬦ᭄ᬬᬢᬓᬸᬢ᭄ᬧᭂᬲᬸ᭞ᬤᭂᬗᭀᬓ᭄ᬧᭂᬢᭂᬂᬓᬂᬦᬵᬕᬭ᭟ᬓᬾᬢᭀᬓᬾᬚᬭᬾᬗᬸᬦᬶ᭞ᬳᬯᬦᬦ᭄ᬳᬶᬤᬲᬂᬦᬣ᭞ᬓᭂᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬓᬬᬸᬦᬾ᭞ᬭᬾᬄ
ᬳᬶᬤᬫᬤ᭄ᬭᬸᬯᬾᬧᬸᬢ᭄ᬭ᭞ᬳᬲᬶᬓᬶᬯᬯᬸᬫᬗ᭄ᬕᬄ᭞ᬢ᭄ᬭᬸᬡᬶᬮᬶᬦ᭄ᬢᬂᬳᬬᬸ᭞ᬚᭂᬕᬾᬕᬾᬫᬗᬬᬸᬗᬬᬂ᭟ᬘᬬᬦᬾᬕᬸᬫᬶᬮᬂᬳᭂᬦᬶᬂ᭞ᬓᬤᬶᬢᬾᬚᬦ᭄ᬲᬂᬳ᭄ᬬᬂᬘᬦ᭄ᬤ᭄ᬭ᭞ᬳᬸᬮᬧ᭄ᬚᬤ᭄ᬫᬦᬾᬫᬗᭂᬢᭀᬦ᭄᭞ᬘᬘᬶ
ᬗᬓᬾᬫᬗᬸᬮᬾᬮᬫ᭄᭞ᬧᬫᬸᬮᬸᬦᬾᬕᬥᬶᬂᬜᬮᬂ᭞ᬓᬤᬶᬳᭂᬫᬲᬾᬫᬲᭂᬧᬸᬄ᭞ᬮᬶᬬᬸᬧ᭄ᬭᬭᬢᬸᬓᬾᬤᬦᬦ᭄᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬭᬫᬦ᭄ᬢ᭄ᬭᬶ᭞ᬳᬲ᭄ᬬᬓᬭᬶᬩᬚᬂᬩᬚᬂ᭞ᬗᭂᬩᬕᬶᬦ᭄ᬦ

[ ᭓᭒ 32A]
ᬕᬭᬦᬾ᭞ᬲᬦᬾᬫᬧᬤᬶᬓ᭄ᬲᬂᬭᬵᬢ᭄ᬦ᭞ᬧᬥᬗᬓᬸᬯᬶᬦ᭄ᬕᬕᬾᬮᬦ᭄᭞ᬘᬾᬢᬶᬦᬾᬲ᭄ᬮᬂᬕᭂᬦ᭄ᬢᬶᬭᬯᬸᬄ᭞ᬫᬗᬼᬫᭂᬲᬶᬦ᭄ᬭᬚᬚ᭄ᬯᬶᬢ᭟ᬳᬤᬮᬾᬦ᭄ᬫᬓ᭄ᬢᬵᬧᬓᬶᬭᬶᬫ᭄᭞ᬲᬂᬤᬾᬯᬶᬢ᭄ᬯᬭ
ᬗᬺᬲᭂᬧᬂ᭞ᬲᬸᬫᬗ᭄ᬓᬶᬦ᭄ᬓᭀᬩᭂᬢ᭄ᬓᬬᬸᬦᬾ᭞ᬫᬗ᭄ᬮᬫᬭᬾᬩᬸᬲᬦ᭄ᬩᬸᬲᬦ᭄᭞ᬦᬗ᭄ᬳᬶᬂᬤᬸᬭᬸᬂᬓᬤᬕᬶᬗᬦ᭄᭞ᬧᬫᭂᬤᭂᬓᬾᬭᬶᬂᬲᬂᬧ᭄ᬭᬪᬸ᭞ᬳᬶᬤᬓᬭᬶᬫᬜᬦ᭄ᬢᭀᬲᬂ᭟ᬬᬦ᭄ᬧᬗᬦ᭄ᬤᬶᬓᬦ᭄ᬲᬗᬚᬶ᭞
ᬭᬶᬂᬧᬭᬫᬦ᭄ᬢ᭄ᬭᬶᬦᬾᬳᬲ᭄ᬬ᭞ᬳᭂᬜᬦ᭄ᬚᬜᬶᬤᬬᬂᬋᬓᭀ᭞ᬫᬗ᭄ᬭᬸᬲᬓ᭄ᬲᬂᬓᬮᬭᬵᬓ᭄ᬱ᭞ᬧᬸᬦᬶᬓᬧᬘᬂᬓᬳᬶᬘᬾᬦ᭄᭞ᬧᬸᬢ᭄ᬭᬦ᭄ᬳᬶᬤᬤᬾᬦ᭄ᬕᬮᬸᬄ᭞ᬓᬗ᭄ᬕᬾᬦ᭄ᬫᬦ᭄ᬢᬸᬭᬶᬂᬲᬂᬦᬵᬣ
᭟ᬓᬾᬢᭀᬧᬗᬦ᭄ᬤᬶᬓᬵᬦᬺᬧᬢᬶ᭞ᬭᬶᬂᬧᬭᬭᬢᬸᬦᬾᬫᬗ᭄ᬮᬫᬃ᭞ᬳᬤᬦᬦ᭄ᬦᬸᬤᬶᬢᬸᬦᭀᬗᭀᬲ᭄᭞ᬧᬭᬫᬦ᭄ᬢ᭄ᬭᬶᬦᬾᬳᬲ᭄ᬬ᭞ᬜᬳᬢᬂᬦᬫ᭄ᬧᬶᬄᬦᬵᬣ᭞ᬲᬳᬩᬮᬦ᭄ᬤᬦᬾᬭ