[ ᭓᭐ 30B]
᭓᭐᭞
ᬧᬸᬦᬧᬶᬯᬲ᭄ᬢᬜ᭞ᬫᬶᬯᬄᬦᬸᬯᬾᬦᬵᬳᬂᬧᬬᬭᬾ᭚ᬦᬵᬕᬭᬦᬧᬶᬯᬲ᭄ᬢᬜ᭞ᬤ᭄ᬯᬦᬶᬂᬢᬶᬢ᭄ᬬᬂᬢᬦ᭄ᬤ᭄ᬭᬸᬄᬧᬶᬲᬦ᭄᭞ᬘᬂᬬᬓ᭄ᬱᬶᬳᬮᭀᬦ᭄ᬲᬸᬫᬯᬸᬃ᭞ᬇᬗ᭄ᬕᬶᬄᬢᬶᬢ᭄ᬬᬂᬫᬗᬸᬦᬶᬗᬂ᭟ᬬᬦᬶᬂᬳᬶᬸ
ᬦᬶᬸᬳᬮᬲᬾᬧᬸᬦᬶᬓᬶ᭞ᬯᬦ᭄ᬢᬄᬢᬶᬢ᭄ᬬᬂᬫᬦᬸᬯᬾᬦᬂ᭞ᬅᬦ᭄ᬢᬩ᭄ᬭᬢᬵ᭄ᬯᬲ᭄ᬢᬦᬾ᭞᭠ᬢᬶᬢ᭄ᬬᬂᬫᬕ᭄ᬦᬄᬭᬶᬂᬢᭂᬗᬄ᭞ᬗ᭄ᬳᬶᬂᬯᬾᬦ᭄ᬢᭂᬦ᭄ᬩᬢᭂᬲ᭄ᬧᬸᬦᬶᬓᬵ᭞ᬤᭂᬮᭀᬤ᭄ᬳᬸᬫᬄᬢᬶᬢ᭄ᬬᬂᬭᬢᬸ᭞ᬧᬮᬵ
ᬲᬦ᭄ᬳᬦ᭄ᬢᬧ᭄ᬭᬫᬡᬵ᭞ᬤᬚᬦ᭄ᬯᬢᭂᬲ᭄ᬳᬦ᭄ᬢᬩ᭄ᬭᬳᬶ᭞ᬤᬸᬯᬾᬦᬂᬳᬮᬲ᭄ᬧᬸᬦᬶᬓ᭞ᬲᬂᬧ᭄ᬭᬪᬸᬆᬲᬶᬓ᭄ᬧᬭᬩᬾ᭞ᬦᬗ᭄ᬳᬶᬂᬳᬶᬤᬲᬫ᭄ᬧᬸᬦ᭄ᬮᬶᬡ᭞ᬭᬥᬶᬂᬧᬜ᭄ᬚᬓᬾᬫᬓᭂᬚᬂ᭞ᬓᬢᬤᬄᬭᬶᬂᬕ᭄ᬭᬸᬥᬳᬸ
ᬕᬸᬃ᭞ᬭᬤᬾᬦ᭄ᬧᬸᬢ᭄ᬭᬭᬭᬶᬲ᭄ᬦᬶᬫ᭄ᬩᬮ᭄᭟ᬓᬾᬗᬶᬦ᭄ᬳᬸᬚᬸᬢ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬓᬾᬲᬶᬬᬦᬵᬕᬭ᭞ᬢᬫ᭄ᬧᭂᬓ᭄ᬭᬶᬂᬦᬶᬓᬶᬳᬮᬲᬾ᭞ᬲᬂᬬᬓ᭄ᬱᬶᬭᬭᬶᬲ᭄ᬦᬃᬢ᭄ᬢᬬᬂ᭞ᬢᬦ᭄ᬯᬾᬦᬵᬢᭂᬦ᭄ᬲᬶᬬᭀᬲ᭄ᬦᬵᬕᬭ᭞ᬢ᭄ᬯᬄ
[ ᭓᭑ 31A]
ᬳᬦ᭄ᬢᬧ᭄ᬭᬡᬵᬳᬶᬓᬸ᭞ᬯᬦ᭄ᬢᬄᬲᬦᬾᬗᬯᭂᬗ᭄ᬓ᭄ᬯᬂ᭟ᬬᬦ᭄ᬧᭂᬲᬾᬗᬦᬾᬗᬕᬸᬗᬶᬦ᭄᭞ᬦᬵᬕᬭᬳᬦ᭄ᬢᬧ᭄ᬭᬫᬡᬵ᭞ᬧ᭄ᬭᬪᬸᬓᬩᬶᬧᬲᬾᬗᬦᬾ᭞ᬦᬗ᭄ᬳᬶᬂᬭᬢᬸᬦᬾᬳᬶᬭᬶᬓᬵ᭚ᬲᬫ᭄ᬧᬸᬦ᭄ᬓᬲᭀᬃᬢᬸᬃᬜᬸ
ᬯᬶᬢ᭞ᬢᭂᬓᬾᬦᬶᬂᬲᬂᬓᬮᬳᬕᬸᬂ᭞ᬫᬧᬭᬩ᭄ᬓᬮᬩᬸᬭᬲ᭟ᬗ᭄ᬳᬶᬂᬳᬶᬤᬦᬯᬸᬃᬳᬸᬧ᭄ᬢᬶ᭞ᬲᬯᬸᬭᬾᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬓᬧᬶᬫᬗ᭄ᬕᬾᬦ᭄ᬳᬸᬧᭂᬢᬶᬦᬾ᭞ᬳᬦ᭄ᬢᬸᬓ᭄ᬧ᭄ᬭᬪᬸᬓᬩᬶᬭᬵᬚ᭞ᬲᬂᬬᬓ᭄ᬱᬶᬫᬮᬶᬄᬦᬃ᭠
ᬢ᭄ᬢᬬᬂ᭞ᬬᬦ᭄ᬧᭂᬢᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬢᬦ᭄ᬮ᭄ᬬᬦ᭄ᬳᬦ᭄ᬢᬸᬓ᭄ᬭᬵᬚᬧᬸᬢ᭄ᬭ᭟ᬮᬦᬂᬬᬤᬶᬦ᭄ᬢᭀᬳᬶᬲ᭄ᬢ᭄ᬭᬶ᭞ᬧᬸᬦᬶᬓᬦᬾᬓᬢᬕᬶᬳᬶᬳᬂ᭞ᬬᬦ᭄ᬲ᭄ᬬᭀᬲ᭄ᬢᬦ᭄ᬯᬾᬦ᭄ᬢᭂᬦ᭄ᬓᬗ᭄ᬕᬾ᭞ᬤᬾᬦᬶᬂᬦᬵᬕᬭᬦᬾᬓᬮᬄ᭞ᬢᬸᬃᬲᬫ᭄ᬧᬸᬦ᭄
ᬧᬸᬧᬸᬢ᭄ᬳᬸᬪᬬ᭞ᬬᬤᬶᬦ᭄ᬢ᭄ᬯᬭᬳᬶᬤᬓᬬᬸᬦ᭄᭞ᬫᬗᬢᬸᬭᬂᬧᬸᬢ᭄ᬭᬦ᭄ᬳᬶᬤ᭟ᬓ᭄ᬭᭀᬥᬲᬂᬦᬸᬭᬓ᭄ᬱᬭᬭᬶᬲ᭄᭞ᬓᬮᬾᬩᬗᬶᬦ᭄ᬧᬦᬄᬉᬧᬲ᭄᭞ᬤᬤᬶᬕ᭄ᬭᬶᬂᬦᬵᬕ᭄ᬭᬦᬾ᭞ᬉᬧᬲ᭄ᬫᬶᬚᬶᬮ᭄ᬲᬓᬶᬂᬓᬮ᭞ᬅᬗ᭄ᬓ᭄ᬬ
Kaca:Bali-lontar-gaguritan-indra-bang-induraja-300ppi.pdf/31
Kaca puniki sampun kauji-wacén
