[ ᭒᭙ 29B]
᭒᭙᭞
ᬦᬾᬤᬩ᭄ᬤᬩᬂ᭞ᬧᬋᬓᬦᬾᬤᬶᬢᬸᬗ᭄ᬮᬯᬸᬢ᭄᭞ᬫᬚᬮᬦ᭄ᬬᬫᬓᬵᬧᬢ᭄ᬧᬢ᭄᭟ᬫᬓ᭄ᬢᬵᬩᭀᬓᭀᬃᬫᬵᬲ᭄ᬳᬲᬶᬓᬶ᭞ᬧᭂᬧᭂᬓ᭄ᬫᬤᬕᬶᬂᬳᬶᬭᬶᬓᬵ᭞ᬲᬭᬯᬸᬳᬾᬤᬶᬢᬸᬳᬕᬾ᭞ᬫ
ᬗᭀᬲᭀᬓᬶᬦ᭄ᬭᬚᬧᬸᬢ᭄ᬭ᭞ᬳᬤᬮᬾᬦ᭄ᬜᬩᬸᬦᬶᬦ᭄ᬭᬕ᭞ᬳᬤᬮᬾᬦ᭄ᬗᬫ᭄ᬩᬸᬳᬶᬦ᭄ᬭᬫ᭄ᬩᬸᬢ᭄᭞ᬳᬤᬮᬾᬦ᭄ᬦᬫ᭄ᬧᬩᭀᬓᭀᬃᬫᬵᬲ᭄᭞ᬲᬋᬂᬧᬢ᭄ᬧᬢ᭄ᬫᬗᬬᬳᬶᬦ᭄᭞ᬳᬸᬲᬦ᭄ᬳᬶ
ᬤᬦᬾᬫᬲᬶᬭᬫ᭄᭞ᬫᬕᭂᬦ᭄ᬢᭀᬲ᭄ᬯᬲ᭄ᬢ᭄ᬭᬦᬾ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬳᬜᬃ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬪᬸᬱᬡᬵ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬮᬸᬗ᭄ᬕᬸ᭞ᬤᬬᬗᬾᬫᬦ᭄ᬤᬸᬢᬂᬧᭂᬥᬂ᭟ᬓᬧᬸᬦ᭄ᬤᬸ
ᬢ᭄ᬲᬫ᭄ᬧᬶᬗᬾᬫ᭄ᬮᬶᬗ᭄ᬕᬶᬄ᭞ᬧᬋᬓᬦᬾᬫᬓᬵᬧᬢ᭄ᬧᬢ᭄᭞ᬮᬶᬦ᭄ᬢᬂᬧ᭄ᬭᬦᬫ᭄ᬬᬢᬶᬦ᭄ᬓᬳᬾ᭞ᬦᬗ᭄ᬓᬶᬮᬶᬦ᭄ᬲᬂᬭᬵᬚᬧᬸᬢ᭄ᬭ᭞ᬲᬂᬬᬓ᭄ᬱᬶᬭᬭᬶᬲ᭄ᬳᬗᬸᬘᬧ᭄᭞ᬳᬸᬤᬸᬄᬘᬸᬘᬸᬭᬤᬾ
[ ᭓᭐ 30A]
ᬦ᭄ᬩᬕᬸᬲ᭄᭞ᬫ᭄ᬭᬶᬓᬓᬾᬫᬗ᭄ᬓᬶᬦ᭄ᬗᬬᬸᬦᬂ᭟ᬲᬫ᭄ᬧᬸᬦᬂᬓᬶᬫᬸᬤ᭄ᬳᬶᬭᬶᬓᬶ᭞ᬯᬦ᭄ᬢᬄᬳᬶᬭᬢᬸ᭠ᬦᬸᬯᬾᬦᬂ᭞ᬲᬫᬶᬲᬯᬾᬦ᭄ᬢᭂᬦ᭄ᬳᬶᬧᬸᬦᬾ᭞ᬫᬲᬯᬸᬃᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬫᬸ
ᬤ᭄ᬢᬶᬢ᭄ᬬᬂ᭞ᬤᬾᬦᬶᬂᬲ᭄ᬯᬾᬘᬦᬶᬓᬮᬗ᭄ᬓᬸᬂ᭞ᬦᬶᬦᬶᬫᬧᬸᬢᬸᬭᬶᬂᬢᬶᬢ᭄ᬬᬂ᭟ᬓᬵᬮᬶᬄᬲ᭄ᬯᬾᬘᬦ᭄ᬦᬶᬦᬶᬫᬗ᭄ᬓᬶᬦ᭄᭞ᬫᬗᬶᬘᬾᬦᬶᬦ᭄ᬢᬶᬢ᭄ᬬᬂᬪᭀᬕ᭞ᬯᬶᬭᬾᬄᬲᭂᬥᬸᬓ᭄ᬲᬓᬶᬂᬲᬸᬯᬾ᭞ᬲᬗ᭄ᬲ
ᬭ᭞ᬭᬶᬗᬄᬳᬮᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬦᬸᬦᬲ᭄᭞ᬢᬸᬫᬸᬮᬶᬭᬭᬶᬲ᭄ᬫᬜᭂᬓᬸᬮ᭄᭞ᬓᬾᬦᬓ᭄ᬓᬬᬸᬦᬾᬗᬬᬸᬦᬂ᭟ᬳᬸᬲᬦᬾ ᬫᬜᭂᬓᬸᬮ᭄ᬭᬭᬶᬲ᭄᭞ᬫᬗᬶᬦᬂᬭᬶᬂᬢᬾᬧᬓ᭄ᬫᬵᬲ᭄᭞ᬓ
ᬮᬶᬦ᭄ᬢᬂᬮ᭄ᬬᬂᬓᬬᬸᬦᬾ᭞ᬳᬶᬭᬶᬓᬵᬲᬂᬭᬵᬚᬧᬸᬢ᭄ᬭᬵ᭞ᬭᬭᬶᬲ᭄ᬫᬢᬓᬾᬦ᭄ᬦᬢᬲᬂ᭞ᬧᭂᬢᬓᬾᬦᬾᬫᬦᬶᬲ᭄ᬳᬭᬸᬫ᭄᭞ᬤᬸᬄᬦᬶᬦᬶᬢᬶᬢ᭄ᬬᬂᬦᬸᬦᬲᬂ᭟ᬬᬦᬶᬂᬳᬮᬲᬾᬧᬸᬦᬶᬓᬶ᭞ᬯᬃᬡ᭄ᬦ
