[ ᭒᭖ 26B]
᭒᭖᭞
ᬓ᭄ᬫᬲᬶᬄᬢᬳᬦᬂ᭞ᬤᬤᬶᬗ᭄ᬮᬜ᭄ᬚᬸᬢ᭄ᬧᬫᬃᬕ᭄ᬕᬶᬦᬾ᭞ᬓᬘᬶᬗᬓ᭄ᬢᭂᬕᬮ᭄ᬫᭂᬮᬓᬂ᭞ᬕ᭠ᬮᬗᬸᬗᬂᬫᬗᬮᬸᬦ᭄ᬢᬂᬢ᭄ᬯᬭᬳᬤᬧᬸᬜᬦ᭄ᬓᬬᬸ᭞ᬲᭀᬓ᭄ᬳᬤᬫᬗᭂᬦᬄᬕᬸᬯᬵ᭟ᬧᬶᬗ᭄ᬕᬶᬃ
ᬕ᭄ᬯᬦᬾᬫᭂᬤᬕᬶᬂ᭞ᬧᬧᬶᬭᬶᬗᬦ᭄ᬳᬦ᭄ᬢᬸᬓ᭄ᬧᬭᬲ᭄᭞ᬫᬳᬸᬓᬶᬃᬳᬾᬦ᭄ᬤᬄᬭᬸᬧᬦᬾ᭟ᬢᭀᬕᭀᬕ᭄ᬩᬢᬸᬗᬧᬶᬢ᭄ᬕᬸᬯᬵ᭞ᬫᬧᬶᬡ᭄ᬥᬵᬧᬢ᭄ᬭᬬᬸᬤ᭄ᬥ᭞ᬓᬤᬶᬢᬶᬗ᭄ᬓᬄᬓᭀᬭᬶᬳᬕᬸᬂ᭞ᬳᬓᬾ
ᬯᭀᬤᬶᬢᬸᬓᬘᬶᬗᬓ᭄᭟ᬧᬸᬦᬶᬓᬵᬦᬾᬦᬾᬓᬳᬸᬗ᭄ᬲᬶ᭞ᬭᬯᬸᬄᬭᬶᬂᬧᬶᬗ᭄ᬕᬶᬭᬶᬂᬕᬸᬯ᭞ᬫᬗ᭄ᬭᬯᭀᬲ᭄ᬚ᭄ᬭᭀᬦᬶᬂᬳᬢᬶᬦᬾ᭞ᬇᬄᬦᬾᬢᬾᬕᬸᬯᬵᬳᬧ᭞ᬫᬦ᭄ᬢᭂᬲ᭄ᬦᬾᬤᬶᬦᬶᬢ᭄ᬯᬄ
ᬳᬤ᭞ᬦᬾᬫᬳᬤᬦ᭄ᬩᬸᬮᬸᬄᬗ᭄ᬭᬶᬡ᭄ᬥᬸ᭞ᬳᬓᬾᬢᭀᬧᬧᬶᬦᭂᬄᬳᬶᬤ᭟ᬭᬭᬶᬲ᭄ᬫᬪᬓ᭄ᬢᬶᬗᬲ᭄ᬢᬸᬢᬶ᭞ᬳᬶᬤᬲᬂᬳ᭄ᬬᬂᬯᬶᬥᬶᬯᬱᬵ᭞ᬫᬗ᭄ᬤᬾᬫᬗ᭄ᬕᬶᬄᬭᬳᬬᬸᬦᬾ᭞ᬓᬲᬶᬤ᭄ᬥᬦᬾᬧᬘᬂᬩ᭄ᬯᬢᬂ
[ ᭒᭗ 27A]
ᬓᬾᬢᭀᬧᬶᬦᬸᬦᬲ᭄ᬳᬶᬤ᭞ᬳᬸᬲᬦᬾᬫᬪᬓ᭄ᬢᬶᬮᬯᬸᬢ᭄᭞ᬫᬫᬃᬕᬶᬳᬶᬤᬩᬗ᭄ᬲ᭄ᬯᬡ᭟ᬫᬗ᭄ᬮᬯᬸᬢ᭄ᬳᬶᬤᬫᬗ᭄ᬭᬜ᭄ᬚᬶᬂ᭞ᬧᭂᬢᭂᬂᬤᭂᬤᭂᬢ᭄ᬚ᭄ᬭᭀᬦᬶᬂᬕᬸᬯ᭞ᬫᬲᬶᬄᬓᬘᭂᬮᬸᬧᬶᬦ᭄ᬋᬓᭀ᭞
ᬘᭀᬓᭀᬭᬾᬳᬸᬲᬸᬤ᭄ᬳᬸᬲᬸᬤᬂ᭞ᬢᬗᬦᬾᬧᬢᬶᬕᬫ᭄ᬕᬫ᭄᭞ᬬᬦ᭄ᬳᬓᬸᬤᬂᬤᭂᬧᬲᬫ᭄ᬧᬸᬦ᭄᭞ᬤᬤᬶᬧᭂᬢᭂᬗᬾᬢᬦ᭄ᬳᬶᬮᬂ᭞ᬫᬮᬶᬄᬕᬮᬂᬓᬘᬶᬗᬓᬶᬦ᭄᭞ᬫᬶᬭᬶᬩ᭄ᬓᬲᬸᬦ᭄ᬤ
ᬭᬦ᭄ᬲᬹᬃᬬ᭄ᬬ᭞ᬳᬯᬦᬦ᭄ᬯ᭄ᬭᬸᬲ᭄ᬧᬫᬃᬕ᭄ᬕᬶᬦᬾ᭞ᬢ᭄ᬯᬭᬲᬦ᭄ᬢᬸᬮ᭄ᬳᬶᬤᬫᬫᬃᬕ᭄ᬕ᭞ᬲᬕᬾᬢᬦ᭄ᬳᬤᬗᭂᬦᬄ᭞ᬢᬢᬫᬦᬦ᭄ᬳᬶᬤᬮᬸᬳᬸᬂ᭞ᬧᬗ᭄ᬕᬶᬳᬶᬦ᭄ᬳᬶᬤᬳᬶᬭᬶᬓ᭟ᬢᬢᬲ᭄ᬳᬦ᭄ᬢᬸᬓ᭄ᬳᬶᬤᬗᬓ᭄ᬱᬶ᭞
ᬢᬢᬫᬦᬦ᭄ᬚ᭄ᬭᭀᬦᬶᬂᬕᬸᬯ᭞ᬢᬸᬃᬤᬶᬢᬸᬫᬳᬶᬲᬶᬩᬮᬾ᭞ᬤᬤ᭄ᬬᬜᬲᬶᬭᬚᬧᬸᬢ᭄ᬭᬵ᭞ᬮᬚᬸᬫᬗ᭄ᬭᬜ᭄ᬚᬶᬂᬫᬸᬗ᭄ᬕᬳᬂ᭞ᬩᬮᬾᬦᬾᬫᬗ᭄ᬓᬶᬦ᭄ᬓᭂᬚᬸᬚᬸᬃ᭞ᬫᬮᬶᬗ᭄ᬕᬶᬄᬳᬶᬤᬳᬶ
Kaca:Bali-lontar-gaguritan-indra-bang-induraja-300ppi.pdf/27
Kaca puniki sampun kauji-wacén
