[ ᭒᭒ 22B]
ᬫ᭄ᬭᬶᬓᬶᬫᬓ᭄ᬢᬢᬫ᭄ᬩᬵ᭞ᬗᬸᬭᬶᬧ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬢᬶ᭞ᬲᬋᬂᬲᬶᬦᬫ᭄ᬬᬦ᭄᭞ᬳᬯᬦᬦ᭄ᬓᬭᬶᬫᬳᬸᬭᬶᬧ᭄᭟ᬓᬭᬶᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬦᬯᬸᬭᬦ᭄᭞ᬫᬳᬵᬪᬭᬫᬳᬸᬢ
ᬗᬸᬭᬶᬧ᭄᭞ᬢᬦ᭄ᬓᭂᬦᬯᬶᬦᬶᬮᬂ᭞ᬬᬦ᭄ᬢᬦ᭄ᬘᭀᬓᭀᬃᬳᬶᬤᬾᬯᬵ᭞ᬭᬯᬸᬄᬫᬭᬶᬓᬶᬦᬸᬮᬸᬗᬶᬦ᭄᭞ᬚᬦ᭄ᬢᭂᬦ᭄ᬓᭀᬢᬶᬢ᭄ᬬᬂ᭞ᬤᬤᭀᬲ᭄ᬢᬢᬥᬳᬦ᭄ᬧᬓ᭄ᬱᬶ᭟ᬲᬦᬾᬫᬗ᭄ᬓᬶᬦ᭄ᬮ᭄ᬬ
ᬓ᭄ᬢᬶ᭞ᬫᬗ᭄ᬤᬾᬩᭂᬮᬶᬗᬗ᭄ᬕᬾᬦ᭄ᬢᬶᬢ᭄ᬬᬂᬲᬤ᭄ᬲᬤ᭄ᬧᬤ᭞ᬫᬓᬤᬶᬧᬜ᭄ᬚᬓᬾᬲᬫᬶ᭞ᬮᬾᬤᬂᬧᬓᬬᬸᬦᬦ᭄᭞ᬧᬘᬂᬗᬢᬸᬕ᭄ᬦᬳᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬢᬶᬯᬮᬶᬦ᭄᭞ᬲᬂᬭᬵ
[ ᭒᭓ 23A]
᭒᭓᭞
ᬚᬧᬸᬢ᭄ᬭ᭞ᬫᬦᬶᬫ᭄ᬩᬮ᭄ᬲᬯᬸᬃᬓᭂᬜᬶᬂ᭟ᬳᬤᬸᬄᬭᬢᬸᬫᬲ᭄ᬫᬶᬭᬄᬳᬢ᭄ᬫᬵᬚᬶᬯᬶᬢᬵ᭞ᬲᬂᬓᬤᬶᬲᬂᬳ᭄ᬬᬂᬭᬢᬶᬄ᭞ᬭᬶᬗ?ᬰᬸᬓ᭄ᬮᬵᬓᬃᬢ᭄ᬢᬶᬓᬵ᭞ᬳᬬᬸᬦᬾᬫᬗᬬᬗᬬᬂ᭞ᬯᬦ᭄ᬢᬄᬫᬺᬢ
ᬲᬜ᭄ᬚᬶᬯᬦᬶ᭞ᬫ᭄ᬭᬕᬵᬳᬶᬤᬾᬯᬵ᭞ᬦᬶᬲ᭄ᬢᬶᬲ᭄ᬕ᭄ᬭᬶᬂᬓᬲᬶᬳᬲᬶᬄ᭟ᬮᬶᬦ᭄ᬢᬂᬫᬦᬶᬲ᭄ᬫᬘᬡᬵᬫᬹᬃᬦᬬᬂᬮᬭᬵ᭞ᬬᬦᬶᬂᬚᬢᬵᬢᬸᬮᬸᬲ᭄ᬕᬸᬲ᭄ᬢᬶ᭞ᬓᬤᬶᬧᬯᬘᬦ᭞ᬢᬶᬢ᭄ᬬᬂᬲᬸᬓ᭄ᬱ᭄ᬫᬵᬦᬭᬶ
ᬫ᭞ᬓ᭄ᬭᬡᬢᬶᬢ᭄ᬬᬂᬭᬯᬸᬄᬫᬭᬶᬓᬶ᭞ᬯᬦ᭄ᬢᬄᬫᬶᬲᬥ᭄ᬬ᭞ᬚᬕᬵᬗᬢᬸᬭᬂᬳᬸᬭᬶᬧ᭄᭟ᬫᬗ᭄ᬤᬵᬲ᭄ᬯᬾᬘᬭᬢᬸᬫᬸᬧᬸᬚᬤ᭄ᬫᬮᬭ᭞ᬲᬗ᭄ᬲᬭᬓᬲᬶᬳᬲᬶᬄ᭞ᬫᬸᬭᬂᬫᬸᬭᬂᬮᬫ᭄ᬧᬄ᭞ᬯ
ᬦ᭄ᬢᬄᬯᬶᬥᬶᬫᬢᭂᬫ᭄ᬯᬂ᭞ᬭᬯᬸᬄᬢᬶᬢ᭄ᬬᬗᬾᬫᬭᬶᬓᬶ᭞ᬓᭂᬢᬸᬕᭂᬦᬬᬂ᭞ᬫᬗ᭄ᬤᬓᬧᬗ᭄ᬕᬶᬄᬭᬶᬂᬕᬸᬲ᭄ᬢᬶ᭟ᬲᬦᬾᬫᬗ᭄ᬓᬶᬦ᭄ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬭᬶᬂᬳᬶᬤ᭞ᬕ᭄ᬦᬄᬢᬶᬢ᭄ᬬᬂᬧᬘᬂᬗ᭄ᬮᬦ᭄ᬢᬶᬂ᭞ᬮᬾᬤᬂᬧ
Kaca:Bali-lontar-gaguritan-indra-bang-induraja-300ppi.pdf/23
Kaca puniki sampun kauji-wacén
