[ ᭒᭑ 21B]
᭒᭑᭞
᭞ᬤᬾᬦᬶᬂᬲᬸᬩᬓᬢᬶᬢᬄ᭞ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬳᬶᬕ᭄ᬭᬸᬥᬭᬵᬚ᭞ᬭᬵᬚᬧᬸᬢ᭄ᬭᬗᭂᬫᬢᬾᬦᬶᬦ᭄᭟ᬘᬭᬶᬢᬬᬂᬲᬫᬢᬶᬦ᭄ᬳᬶᬕ᭄ᬭᬸᬥᬭᬵᬚ᭞ᬧᬦᬳᬾᬩ᭄ᬯᬶᬦ᭄ᬫᬯᬮᬶ᭟
ᬩᬸᬓᬵᬦᬾᬦᬾᬲᬸᬩ᭞ᬫᬗ᭄ᬭᬜ᭄ᬚᬶᬂᬭᬶᬂᬢᬗ᭄ᬓᬸᬮᬓ᭄᭞ᬤᬾᬦᬶᬂᬧᬦᬄᬮᬶᬦ᭄ᬢᬂᬍᬯᬶᬄ᭞᭠ᬫᬸᬮᬩᬩᬓ᭄ᬢᬦ᭄᭞ᬲᬓᬶᬂᬚ᭄ᬭᭀᬯᭂᬢᭂᬂᬫᬶᬚᬶᬮ᭄᭟ᬳ᭄ᬦᭂᬗᬓ᭄ᬦᬵᬫᬢᬶᬦᬾᬳᬶᬕᬭᬸᬥᬭᬵᬚ
᭞ᬢ᭄ᬯᬭᬫᬳᬦ᭄ᬗᬸᬦ᭄ᬤᬶᬮᬶ᭞ᬲᬂᬇᬦ᭄ᬤ᭄ᬭᬲᬄᬧ᭄ᬭ᭄ᬬᬡᬵ᭞ᬧᬸᬦᬶᬓᬵᬫᬗ᭄ᬓᬶᬦ᭄ᬳᬸᬘᬧᬂ᭞ᬮ᭄ᬬᬂᬓᬬᬸᬦᬾᬢᬦ᭄ᬲᬶᬧᬶ᭞ᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬭᬶᬂᬩᬮᬾᬮᭀᬚᬶᬫᬮᬶᬗ᭄ᬕᬶᬄ᭟ᬤᬶᬢᬸᬳᬶᬤᬚᬦᬶ
ᬫᬦᭂᬕ᭄ᬢᭂᬕᬂᬭᬕ᭞ᬍᬲᬸᬓᬬᬸᬦᬾᬢᬦ᭄ᬲᬶᬧᬶ᭞ᬯᬳᬸᬲᬦ᭄ᬫᬬᬸᬥᬵ᭞ᬭᬵᬚᬧᬸᬢ᭄ᬭᬶᬘᬭᬶᬢᬬᬂ᭞ᬫᬶᬚᬶᬮ᭄ᬲᬓᬶᬂᬢᬫ᭄ᬩᬸᬃᬫᬗ᭄ᬓᬶᬦ᭄᭞ᬲᬋᬂᬲᬶᬦᬫ᭄ᬬᬦ᭄᭞ᬓᬾᬦᬓ᭄ᬓᬬᬸᬦᬾᬢᬦ᭄ᬲᬶ
[ ᭒᭒ 22A]
ᬧᬶ᭟ᬫᬜᬶᬗᬓᬶᬦ᭄ᬲᬂᬕᬭᬸᬥᬲᬫ᭄ᬧᬸᬦ᭄ᬧᭂᬚᬄ᭞ᬫᬢᬶᬦᬾᬢ᭄ᬯᬭᬗᬸᬦ᭄ᬤᬶᬮᬶ᭞ᬳᬦ᭄ᬢᬸᬓ᭄ᬭᬚᬧᬸᬢ᭄ᬭ᭞ᬓᬧᬦᬄᬢ᭄ᬯᬄᬳᬧᬶᬲᬦ᭄᭞ᬓ᭄ᬦᬵᬢᬗ᭄ᬓᬄᬮᬯᬸᬢ᭄ᬜᬸᬫ᭄ᬧ᭄ᬭᬶᬢ᭄᭞ᬫᬗ᭄ᬭᬭᬶᬲ᭄ᬧᭂᬚᬄ᭞
ᬮᬶᬦ᭄ᬢᬂᬕᬯᭀᬓ᭄ᬭᬚᬧᬸᬢ᭄ᬭᬶ᭟ᬫᬜᬶᬗᬓᬶᬦ᭄ᬓᬰᬓ᭄ᬢ᭄ᬬᬦᬾᬭᬵᬚᬧᬸᬢ᭄ᬭ᭞ᬫᬗ᭄ᬭᬯᭀᬲ᭄ᬳᬶᬤᬭᬶᬂᬳᬢᬶ᭞ᬓᬮᬶᬗᬦ᭄ᬢ᭄ᬯᬄᬜᬦ᭄ᬤᬂ᭞ᬤᬶᬦᬶᬦᭀᬗᭀᬲ᭄ᬫᬋᬓᬦ᭄᭞ᬤᬾᬦᬶᬂᬳᬶᬤᬮᬶ
ᬦ᭄ᬢᬂᬍᬯᬶᬄ᭞ᬲᬂᬭᬵᬚᬧᬸᬢ᭄ᬭᬵ᭞ᬘᬶᬭᬶᬦ᭄ᬧ᭄ᬭᬭᬢᬸᬍᬯᬶᬄ᭟ᬳ᭄ᬦᬾᬘᬶᬭᬶᬦ᭄ᬳᬶᬤᬜᬬᬳᬶᬕᬭᬸᬥᬵ᭞ᬬᬦᬶᬂᬢ᭄ᬯᬭᬭᬢᬸᬍᬯᬶᬄ᭞ᬫᬲᬵᬫᬜᬶᬤᬬᬂ᭞ᬫᬢᬶᬳᬶᬕᬭᬸᬥᬭᬵᬚ᭞ᬓᬾ
ᬢᭀᬭᬯᭀᬲᬾᬤᬶᬳᬢᬶ᭞ᬲᬂᬭᬵᬚᬚ᭄ᬯᬶᬢᬵ᭞ᬮᬯᬸᬢ᭄ᬫᬢᬸᬃᬲᬳᬪᬓ᭄ᬢᬶ᭟ᬳᬢᬸᬃᬳᬶᬤᬲᬂᬤᬾᬯᬶᬭᬶᬂᬭᬵᬚᬧᬸᬢ᭄ᬭ᭞ᬇᬗ᭄ᬕᬶᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬩᭂᬮᬶ᭞ᬲ᭄ᬯᬾᬘᬦᬾᬓᬮᬶᬦ᭄ᬢᬂ᭞ᬭᬯᬸ
Kaca:Bali-lontar-gaguritan-indra-bang-induraja-300ppi.pdf/22
Kaca puniki sampun kauji-wacén
