[ ᭒᭐ 20B]
᭒᭐᭞
ᬓ᭄ᬢᬶ᭞ᬭᬵᬚᬧᬸᬢ᭄ᬭᬦᬶᬫ᭄ᬩᬮ᭄᭞ᬧᬲᬯᬸᬭᬾᬤᬸᬄᬫᬵᬲ᭄ᬫᬶᬭᬄ᭞ᬢᬦ᭄ᬯᬾᬦ᭄ᬢᭂᬦ᭄ᬓᬾᬢᬶᬢ᭄ᬬᬂᬩ᭄ᬭᬦ᭄ᬢᬶ᭞ᬢᭂᬓᬾᬦ᭄ᬳᬶᬤᬾᬯ᭞ᬲᬫ᭄ᬧᬸᬦᬂᬳᬶᬯᬂᬢᬫ᭄ᬧᬶ᭟ᬢᬶᬢ᭄ᬬᬂᬯᬦ᭄ᬢᬄᬕᭂᬥᭂᬕ᭄ᬢᭂᬓᬾᬦ᭄ᬳᬶᬕᬭᬸᬥ᭞
ᬢᬸᬫᬸᬮᬶᬢᭂᬥᬸᬦ᭄ᬕᭂᬮᬶᬲ᭄᭞ᬭᬶᬂᬦᬢᬃᬭᬶᬂᬢᬫᬦ᭄᭞ᬇᬭᬶᬓᬵᬓᬳᬦ᭄ᬢᭀᬲᬂ᭞ᬓᭀᬘᬧᬂᬳᬶᬕ᭄ᬭᬸᬥᬫᬗ᭄ᬓᬶᬦ᭄᭞ᬫᬳᬫ᭄ᬩᬸᬚᬤ᭄ᬫ᭞ᬳᬾᬦᬓ᭄ᬧᬘᬂᬫᬫᬸᬓ᭄ᬢᬶ᭞ᬤᬾᬦᬶᬂᬮᬧᬵᬫᬗᬸ᭠
ᬗᬲ᭄ᬳᬩᬸᬦᬶᬂᬚᬤ᭄ᬫ᭞ᬫᬗᬶᬫ᭄ᬩᬂᬫᬗᬶᬩᭂᬭᬶᬦ᭄᭞ᬲᬫ᭄ᬩᬶᬮ᭄ᬫᬫᭂᬤᬲᬂ᭞ᬓᬢᭀᬦ᭄ᬲᬂᬭᬵᬚᬧᬸᬢ᭄ᬭ᭞ᬇᬭᬶᬓᬵᬓᬲᬦ᭄ᬤᭂᬃᬕᭂᬮᬶᬲ᭄᭞ᬲᬂᬭᬵᬚᬧᬸᬢ᭄ᬭ᭞ᬲᬾᬩᭂᬢ᭄ᬕᬜ᭄ᬘᬂᬫᬓᭂᬮᬶᬤ᭄᭟ᬤᬤᬶᬮᬶᬯᬢ᭄
ᬧᬜᬦ᭄ᬤᭂᬃᬳᬶᬕ᭄ᬭᬸᬥᬵᬭᬵᬚ᭞ᬩᬸᬯᬶᬦ᭄ᬫᬦᬤᬳᬂᬓᬫ᭄ᬧᬶᬤ᭄᭞ᬘᬸᬓᬸᬧ᭄ᬓᬢᬶᬗ᭄ᬓᬲᬂ᭞ᬤᬾᬦᬶᬂᬲᬸᬓ᭄ᬱᬸᬓᬾᬫᬮᬾᬮᬵ᭞ᬓᬫ᭄ᬧᬶᬤᬾᬓ᭄ᬮᬾᬯᬂᬢᬳᬶᬗᬶᬤ᭄᭞ᬭᬭᬶᬲ᭄ᬫᭂᬓᬩ᭄ᬓᬩᬦ᭄᭞
[ ᭒᭑ 21A]
ᬳᬲᬦ᭄ᬩᬸᬮᬸᬫᬜᭂᬧᭀᬮᬶᬦ᭄᭟ᬩᬸᬓᬵᬳᬸᬚᬦ᭄ᬦᬶᬩᬾᬦᬶᬦ᭄ᬲᬂᬭᬵᬚᬧᬸᬢ᭄ᬭᬵ᭞ᬭᬤᬾᬦ᭄ᬲᬧ᭄ᬭ᭄ᬬᬡᬢᬦ᭄ᬕᬶᬗ᭄ᬲᬶᬃ᭞ᬧᬕᭂᬄᬫᬦ᭄ᬤᭂᬲᭂᬓᬂ᭞ᬮᬯᬸᬢ᭄ᬫᬫᭂᬦ᭄ᬢᬂᬧᬦᬦᬄ᭞ᬮᬗ᭄ᬓᬧᭀᬳᬗ᭄ᬕᬾ
ᬫᬦᬗ᭄ᬓᬶᬲ᭄᭞ᬢᬸᬃᬫᬢᬶᬢᬶᬲᬂ᭞ᬢᬗ᭄ᬓᬄᬲᬂᬕᬭᬸᬥᬚᬦᬶ᭟ᬮᬶᬦ᭄ᬢᬂᬓ᭄ᬭᭀᬥᬵᬲᭂᬗᬶᬢ᭄ᬫᬦᬳᬾᬲᬂᬕᬭᬸᬥᬵ᭞ᬳᬦ᭄ᬢᬸᬓᬾᬮᬸᬧᬸᬢ᭄ᬢᬦ᭄ᬓᭂᬦᬶ᭞ᬤᬶᬢᬸᬩ᭄ᬯᬶᬦ᭄ᬦᬶᬗ᭄ᬓᬳᬂ᭞ᬲᬂᬕᬭᬸᬥᬵᬮᬯᬸ
ᬢ᭄ᬜᬦ᭄ᬤᭂᬭᬶᬦ᭄᭞ᬲᬂᬭᬵᬚᬧᬸᬢ᭄ᬭ᭞ᬫᬗᬼᬧᬲ᭄ᬧᬦᬳᬾᬰᬓ᭄ᬢᬶ᭟ᬤᬤᬶᬓ᭄ᬦᬵᬢᬗ᭄ᬓᬄᬜᬦᬾᬲᬂᬕᬭᬸᬥ᭞ᬭᬳᬾᬲᬸᬫᬶᬭᬢ᭄ᬫᬶᬚᬶᬮ᭄᭞ᬧᭂᬚᬄᬲᬂᬕᬭᬸᬥ᭞ᬮᬩᬸᬄᬦᭂᬧᬾᬦ᭄ᬢᬦᬄ
᭞ᬕ᭄ᬭᬸᬕᬦᬾᬗᭂᬚᭂᬭᬂᬕᬸᬫᬶ᭞ᬫᬧᬸᬮᬶᬲᬳᬦ᭄᭞ᬤᬶᬕᬸᬫᬶᬦᬾᬗᬸᬮᬶᬦ᭄ᬢᬶᬓ᭄᭟ᬭᬶᬲᬫ᭄ᬧᬸᬦᬾᬧᭂᬚᬄᬲᬂᬕᬭᬸᬥᬭᬵᬚ᭞ᬲᬹᬃᬬ᭄ᬬᬦᬾᬕᬮᬂᬧ᭄ᬭᬚᬦᬶ᭞ᬫᬶᬭᬶᬩ᭄ᬦᬸᬲᭂᬫᭂᬗᬦ᭄
Kaca:Bali-lontar-gaguritan-indra-bang-induraja-300ppi.pdf/21
Kaca puniki sampun kauji-wacén
