[ ᭒᭐᭗ 207B]
᭒᭐᭗᭞
ᬧᬸᬢᬶᬄᬲ᭄ᬬᬸᬂᬭᬾᬗ᭄ᬕᬄ᭞ᬭᭀᬫᬧᬲᬓ᭄ᬧᬕᬮᬸᬮᬸᬓ᭄᭞ᬩᬭᬓ᭄ᬕᬾᬫ᭄ᬩᬮ᭄ᬫᬕᬫ᭄ᬩᬳᬦ᭄᭟ᬳᬦᬭᭀᬫᬵᬳᬩᬂᬳᬚ᭄ᬭᬶᬂ᭞ᬓᬬᬵᬢᬚᬶᬯᬸᬲ᭄ᬕᬶᬦᬶᬮᬧ᭄᭞ᬳᬗ᭄ᬮᬾᬜ᭄ᬘᭀᬓ᭄ᬗᭂᬦ᭄ᬤᬶᬄᬘᬬ
ᬦᬾ᭞ᬓᬤᬶᬤᬮᬦᬲᬶᬂᬓᭂᬫ᭄ᬩᬃ᭞ᬳᬦᬘᬗ᭄ᬓᭂᬫ᭄ᬓᬤᬶᬕ᭄ᬯ᭞ᬢᬦ᭄ᬧᬳᬸᬦ᭄ᬢᬸᬳᬦᬕᬸᬦ᭄ᬤᬸᬮ᭄᭞ᬍᬗᬃᬩᬗ᭄ᬮᬄᬫᬓᬮᬗᬦ᭄᭟ᬳᬦᬳᬸᬮᬸᬓᬤᬶᬢᬶᬗ᭄ᬓᬶᬄ᭞ᬰᬭᬷᬭᬳᬕᬸᬂᬮ᭄ᬯᬶᬃᬢᭂᬧᬲ᭄
ᬳᬦᬳᬶᬭᬸᬂᬮ᭄ᬯᬶᬃᬓᬭᬭᭀ᭞ᬳᬦᬫᬦᬾᬢ᭄ᬭᬭᬶᬂᬕᬶᬤᬢ᭄᭞ᬳᬦᬫᬦᬾᬢ᭄ᬭᬭᬶᬂᬥᬥ᭞ᬳᬦᬫᬦᬾ ᬢ᭄ᬭᬭᬶᬂᬢᬸᬦ᭄ᬤᬸᬦ᭄᭞ᬳᬦᬭᬶᬂᬧᬸᬧᬸᬫᬫᬢ᭟ᬳᬦᬫᬦᬾᬢ᭄ᬭᬭᬶᬂᬯᭂ
ᬢᬶᬲ᭄᭞ᬳᬦᬫᬦᬾᬢ᭄ᬭᬲᬦᬸᬗ᭄ᬕᬮ᭄᭞ᬭᬶᬂᬧᬸᬲᭂᬭᬾᬫᬗᭂᬜ᭄ᬘᭀᬭᭀᬢ᭄᭞ᬓᬤᬶᬲᬹᬃᬬ᭄ᬬᬩᬯᬸᬫᭂᬥᬮ᭄᭞ᬳᬦᬳᬸᬮᬸᬢᬦ᭄ᬧᬰᬭᬶᬭ᭞ᬳᬦᬳᬸᬦ᭄ᬢᬸᬢᬦ᭄ᬧᬩᬸᬗᬸᬢ᭄᭞ᬳᬦ
[ ᭒᭐᭘ 208A]
ᬰᬭᬶᬭᬢᬦ᭄ᬧᬢᭂᬦ᭄ᬤᬲ᭄᭟ᬳᬦᬲᬦᬸᬗ᭄ᬕᬮ᭄ᬫᬕᬶᬕᬶᬃ᭞ᬳᬦᬢᬗᬦ᭄ᬢᬦ᭄ᬧᬭᬕ᭞ᬳᬦᬫᬜᬸᬗ᭄ᬲᬸᬂᬳᬸᬮᬸᬦᬾ᭞ᬳᬦᬲᬸᬓᬸᬢᬦ᭄ᬧᬳᬸᬮ᭄ᬯ᭞ᬳᬦᬢᭂᬡ᭄ᬥᬲ᭄ᬢᬦ᭄ᬤ᭄ᬭᬯᬾᬳᬯᬓ᭄᭞
ᬳᬦᬓᬢ᭄ᬭᬶᬡᬶᬗᬲᬸᬓᬸ᭞ᬳᬦᬫᬲᬸᬓᬸᬲᬦᬸᬗ᭄ᬕᬮ᭄᭟ᬲᬫᬗ᭄ᬓᬦᬓᬂᬓᬯᬃᬡ᭄ᬦᬶ᭞ᬩᬮᬦᬶᬭᬲᬂᬳ᭄ᬬᬂᬓᬮ᭞ᬫᬳᬾᬦ᭄ᬤᬄᬳᬾᬦ᭄ᬤᬄᬭᬸᬧᬦᬾ᭞ᬧᬸᬦᬶᬓᬸᬓᬂᬯᬸᬲ᭄ᬫᬫᬃᬕ᭄ᬕ᭞ᬢᬦ᭄ᬓᭀ
ᬘᬧᬦᬭᬶᬂᬫᬃᬕ᭄ᬕ᭞ᬓᭀᬘᬧᬦ᭄ᬲᬫ᭄ᬧᬸᬦ᭄ᬯᬸᬲ᭄ᬭᬯᬸᬄ᭞ᬭᬶᬂᬧᬦᭂᬧᬶᬦᬶᬂᬦᬵᬕᬭ᭟ᬲᬭᬯᬸᬄᬓᬮᬦᬾᬫᬗ᭄ᬓᬶᬦ᭄᭞ᬭᬶᬢᭂᬧᬶᬦᬶᬓᬂᬦᬵᬕᬭ᭞ᬭᬭᬶᬲ᭄ᬓᬶᬦᬶᬢᭂᬃᬓᭀᬢᬦᬾ᭞ᬮᬚᬸ
ᬗᬤᬓᬂᬧ᭄ᬭᬪᬯ᭞ᬫᬲ᭄ᬯᬭᬳᬩ᭄ᬭᬶᬬᬸᬓᬦ᭄᭞ᬗᭂᬢᭀᬃᬕᬸᬫᬶᬦᬾᬮ᭄ᬯᬶᬃᬮᬶᬦᬸᬄ᭞ᬳᬦ᭄ᬢᬸᬓ᭄ᬲ᭄ᬯᬭᬦᬶᬓᬂᬓᬮ᭟ᬓᬮᬦᬶᬂᬯᭂᬗᬶᬳᬗ᭄ᬭᬜ᭄ᬚᬶᬂ᭞ᬓᬚ᭄ᬭᭀᬦᬶᬂᬓᭀᬢᬦᬵᬕᬭ᭞ᬓᬲ᭄ᬮᬸᬓ᭄
Kaca:Bali-lontar-gaguritan-indra-bang-induraja-300ppi.pdf/208
Kaca puniki sampun kauji-wacén
