Kaca:Bali-lontar-gaguritan-indra-bang-induraja-300ppi.pdf/202

Saking Wikisource
Kaca puniki sampun kauji-wacén

[ ᭒᭐᭑ 201B]
᭒᭐᭑᭞
ᬲᬶᬜᬵᬜᬳᬶᬫᬦᬯᬂ᭞ᬧᬦᭂᬓᬦ᭄ᬜᬦᬾᬓᬳᬸᬦᬶᬂ᭞ᬲᬗ᭄ᬓᬦ᭄ᬮᬶᬬᬸ᭞ᬤᬾᬦᬶᬂᬤᬶᬦᬶᬚᬤ᭄ᬫᬦᭀᬜ᭟ᬦᬾᬫᬮᬸᬢᬤᬄᬕᭂᬭᬸᬥᬵ᭞ᬢ᭄ᬯᬭᬦᬸᬳᬦᬂᬳᬩᭂᬲᬶᬓ᭄᭞ᬬ᭄ᬯᬤᬶᬦ᭄ᬢᭀᬳᬶᬤᬳᬶᬩᬧ
ᬫᬶᬯᬄᬳᬶᬤᬳᬶᬩᬸᬲᭀᬭᬶ᭞ᬲᬸᬪᬦᬾᬯᬢᬦ᭄ᬤᬾᬯᬢᬶ᭞ᬓᬢᬤᬄᬩᬗ᭄ᬕ᭄ᬭᬸᬤᬳᬕᬸᬂ᭞ᬚᬦᬶᬲᬕᬾᬢ᭄ᬮ᭄ᬬᬸᬳᬤ᭞ᬚᬢ᭄ᬫᬮᬸᬄᬫᬸᬯᬦᬶᬦᬾᬤᬶᬦᬶ᭞ᬳᬸᬮᬶᬄᬤᬶᬚ᭞ᬧᬦᭂᬓᬦ᭄ᬚᬤ᭄ᬫ
ᬦᬾᬳᭂᬦ᭄ᬢᭀ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬤᬬᬗᬾᬫᬳᬢᬸᬃᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬬᬦ᭄ᬚᬤ᭄ᬫᬲᬓᬶᬂᬧᬸᬦᬧᬶ᭞ᬫᬓᬾᬄᬧᬶᬲᬦ᭄ᬫᬗ᭄ᬓᬶᬦ᭄ᬭᬯᬸᬄ᭞ᬬᬦᬶᬂᬧᬗᭂ
ᬢᭀᬦ᭄ᬢᬶᬢ᭄ᬬᬂ᭞ᬲᬕᬾᬢ᭄ᬲᭂᬮᬸᬦ᭄ᬯᬾᬦ᭄ᬢᭂᬦ᭄ᬚᬢ᭄ᬫᬶ᭞ᬩᬢᬂᬢᬶᬢ᭄ᬬᬂ᭞ᬢᬦ᭄ᬮ᭄ᬬᬦᬶᬂᬭᬓᬦ᭄ᬳᬶᬤᬾᬯ᭟ᬯᬶᬓᬦ᭄ᬫᬗᬚᬶᬚᬤ᭄ᬫ᭞ᬓᬾᬢᭀᬳᬢᬸᬃᬜᬦᬾᬲᬫᬶ᭞ᬓᭂᬜᭂᬫ᭄ᬭᬚᬧᬸᬢ᭄ᬭᬶᬫ᭄ᬬᬃᬱ᭞ᬢᬦ᭄ᬓᭀᬘᬧ᭄ᬧᬸ᭠
[ ᭒᭐᭒ 202A]
ᬦᬶᬓᬵ ᬫᬗ᭄ᬓᬶᬦ᭄᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬫᬯᬃᬡ᭄ᬦᬶ᭞ᬓᬬᬸᬦᬾᬧᬘᬂᬫᬢᬫ᭄ᬬᬸ᭞ᬭᬶᬂᬯᬢᭂᬓ᭄ᬩᬮᬚᬶᬫᬢ᭄᭞ᬫᬶᬯᬄᬯᬢᭂᬓ᭄ᬲᬦᬾᬗᬶᬭᬶᬂ᭞ᬭᬭᬶᬲ᭄ᬳᬶᬤ᭞ᬫᬗᬫ᭄ᬩᬶᬮ᭄‌ᬓᭀᬫᬮᬵᬳᬶᬓ᭄ᬫᬢ᭄᭟ᬭᬭᬶᬲ᭄ᬫᬜᬶ
ᬧ᭄ᬢᬪᭀᬕ᭞ᬫᬶᬚᬶᬮ᭄ᬪᭀᬕᬧ᭄ᬭᬚᬦᬶ᭞ᬲᬺᬕᭂᬧ᭄ᬢᬶᬗ᭄ᬓᬳᬶᬂᬕᬶᬩᬸᬗᬦ᭄᭞ᬳᬚᭂᬗᬦᬾᬭᬶᬂᬧ᭄ᬭᬫᬦ᭄ᬢ᭄ᬭᬶ᭞ᬫᬶᬯᬄᬧᬗᬶᬭᬶᬗᬾᬲᬫᬶ᭞ᬫᬤᬸᬮᬂᬢᬸᬃᬳᬤᬫᬸᬦ᭄ᬤᬸᬢ᭄᭞ᬳᬬᬸᬦᬦ᭄ᬭᬶᬂᬭᬵᬚᬚ᭄ᬯᬶᬢ᭞ᬧᭂᬧᭂᬓ᭄ᬳᬧᬘ
ᬭᬳᬰ᭄ᬭᬶ᭞ᬢᬶᬗ᭄ᬓᬄᬭᬚ᭞ᬧ᭄ᬭᬗ᭄ᬓᬢᬦ᭄ᬫᬤᬸᬮᬂᬳ᭄ᬫ?ᬲ᭄᭟ᬕᬶᬩᬸᬗᬦ᭄ᬲᬫ᭄ᬧᬸᬦ᭄ᬫᬗᬫ᭄ᬩ᭄ᬬ᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬵᬗᭂᬲᬾᬦᬵᬕᬶᬦ᭄᭞ᬤᬾᬓᬃᬲᬭᬶᬤᬾᬓᬃᬤᬾᬯ᭞ᬲᬫ᭄ᬧᬸᬦ᭄ᬭᬯᬸᬄᬦᬫᬓᬓᬮᬶᬄ᭞ᬇᬦ᭄ᬤ᭄ᬭᬲᬧ᭄ᬭᬶᬬᬡ
ᬭᬭᬶᬲ᭄᭞ᬗᭂᬦ᭄ᬤᬶᬓᬯᬘᬦᬳᬸᬮᬸᬲ᭄᭞ᬳᬸᬤᬸᬄᬘᬳᬶᬤᬾᬓᬃᬤᬾᬯ᭞ᬫᬓᬫᬶᬯᬄᬤᬾᬓᬃᬲᬭᬶ᭞ᬓᭂᬫᬚᬦᬶ᭞ᬳᬚᬓ᭄ᬭᭀᬯᬗᬾᬫᬤᬳᬃ᭟ᬤᬾᬓᬃᬓᬭᭀᬫᬢᬸᬃᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬢᬶ