[ ᭑᭙᭙ 199B]
᭑᭙᭙᭞
ᬦᬂᬳᬤᬶᬜᬋᬗᬶᬦ᭄᭞ᬓᬾᬯᬦ᭄ᬢᭂᬦᬾᬢᬸᬦᬲ᭄ᬩᭂᬮᬶ᭞ᬚᬤ᭄ᬫᬦᬾᬤ᭄ᬯᬂᬤᬰᬳᬸᬓᬸᬤ᭄᭞ᬳᬚᬓ᭄ᬩᭂᬮᬶᬫᬗ᭄ᬓᬶᬦ᭄ᬮᬸᬗ᭄ᬳ᭞ᬦ᭄ᬤ᭄ᬭᬩᬗ᭄ᬲ᭄ᬯᬡᬵ ᬫᬜᬯᬸᬭᬶᬦ᭄᭞ᬇᬗ᭄ᬕᬶᬄᬩᭂᬮᬶ᭞ᬢᬶᬢ᭄ᬬᬵᬂ
ᬗᬶᬭᬶᬂᬧᭂᬓᬬᬸᬦᬦ᭄᭟ᬫᬗ᭄ᬭᬭᬶᬲ᭄ᬫᬗ᭄ᬓᬶᬦ᭄ᬫᬫᬃᬕ᭄ᬕ᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬭᬶᬂᬭᬩᬶ᭞ᬫᬳᬶᬭᬶᬗᬦ᭄ᬢ᭄ᬯᬄᬦᭂᬫ᭄ᬩᭂᬮᬲ᭄᭞ᬲᭀᬭᭀᬄᬯᬢᭂᬓ᭄ᬧ᭄ᬭᬫᬦ᭄ᬢ᭄ᬭᬶ᭞ᬧᬢ᭄ᬧᬢ᭄ᬧᬋᬓᬦ᭄ᬘᭂᬦᬶᬓ᭄᭞ᬢᭂᬓᬾ
ᬦᬶᬤᬬᬂᬳᬓᬸᬢᬸᬲ᭄᭞ᬫᬸᬮᬧᬋᬓᬦ᭄ᬳᬶᬤ᭞ᬳᬦ᭄ᬢᬸᬓ᭄ᬲᬂᬤ᭄ᬬᬄᬭᬢ᭄ᬦᬲᬭᬶ᭞ᬢ᭄ᬯᬄᬳᬫ᭄ᬩᬸᬮ᭄ᬢᭀ᭞ᬦᬾᬗᬶᬭᬶᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭟ᬧᭂᬫᬃᬕ᭄ᬕᬶᬦᬾᬕᭂᬕᬜ᭄ᬘᬗᬦ᭄᭞ᬲ᭄ᬬᬂᬯᭂᬗᬶᬳᬶᬤᬫᬫᬃᬕ᭄ᬕᬶ᭞ᬬ
ᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦ᭞ᬲᬸᬯᬾᬦᬾᬫᬗ᭄ᬓᬶᬦ᭄ᬭᬶᬂᬫᬃᬕ᭄ᬕᬶ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬳᬦ᭄ᬢᬩ᭄ᬭᬳᬶᬦᬵ ᬮᬦ᭄ᬢᬸᬦ᭄᭞ᬇᬭᬶᬓᬭᬭᬶᬲ᭄ᬫᬭᬃᬬ᭄ᬬᬦ᭄᭞ᬓᬘᬶᬗᬓ᭄ᬓᭀᬢᬦᬾᬫ
[ ᭒᭐᭐ 200A]
ᬗ᭄ᬓᬶᬦ᭄᭞ᬲᬸᬦ᭄ᬬᬲᬫᬸᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬤᬕᬶᬂᬚᬤ᭄ᬫ᭟ᬤᬾᬯᬶᬭᬵᬢ᭄ᬦᬲᬭᬶᬓᭀᬘᬧ᭄᭞ᬓᬗᭂᬦ᭄ᬜᬶᬗᬓᬶᬦ᭄ᬦᬕᬭᬶ᭞ᬳᬾᬮᬶᬂᬭᬶᬂᬳᬶᬩᬸᬫ᭄ᬯᬂᬳᬚ᭄ᬬ᭞ᬮᬶᬡᬦᬾᬓᬢᬤᬄᬧᬓ᭄ᬱᬶ᭞ᬭ
ᬢ᭄ᬦᬲᬭᬶᬭᬭᬶᬲ᭄ᬦᬗᬶᬲ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬤᬺᬱ᭄ᬫᭂᬢᬸ᭞ᬢᬦ᭄ᬳᬾᬮᬶᬂᬭᬶᬂᬭᬕᬦ᭄ᬳᬶᬤ᭞ᬢᭂᬓᬵᬓᬤᬸᬭᬸᬲ᭄ᬫᬦᬗᬶᬲ᭄᭞ᬤᬶᬢᬸᬮᬯᬸᬢ᭄᭞ᬤᬬᬗᬾᬳᬓᬸᬢᬸᬲ᭄ᬜᬕ᭄ᬚᬕ᭄᭟ᬗᭂᬮᬸᬢ᭄ᬲᬸᬓᬸ
ᬫᬢᬸᬃᬲᭂᬫ᭄ᬩᬄ᭞ᬳᬢᬸᬭᬾᬫᬗᬲᬶᬳᬲᬶᬄ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬳᬸᬲᬦᬂᬭᬢᬸᬫᭂᬦᬗᬶᬲ᭄᭞ᬢᬦ᭄ᬧᬓᬃᬬ᭄ᬬᬦᬗᬶᬲ᭄ᬫᬗ᭄ᬓᬶᬦ᭄᭞ᬧᬸᬃᬡ᭄ᬦᬬᬂᬓᬬᬸᬦᬾᬭᬢᬸ᭞ᬭᬓᬦᬾᬤᬶ
ᬢᬸᬫᬜᬶᬗᬓ᭄᭞ᬫᬶᬍᬢ᭄ᬗᬯᬭᬗᬶᬦ᭄ᬢᬗᬶᬲ᭄᭞ᬗᭂᬮᬸᬢ᭄ᬩᬯᬸ᭞ᬲᬧᬶᬢᬸᬢᬸᬃᬫᬗᬦ᭄ᬤᬶᬓ᭟ᬤᬸᬄᬭᬢᬸᬭᬢᬶᬳᬶᬂᬚᬕᬢ᭄᭞ᬳᬸᬲᬦᬂᬭᬢᬸᬫᬦᬗᬶᬲ᭄᭞ᬦᬸᬯᬦ᭄ᬲ᭄ᬓᬾᬳᬤᬶᬮᬶᬮᬬᬂ᭞ᬩᭂᬮᬶ
Kaca:Bali-lontar-gaguritan-indra-bang-induraja-300ppi.pdf/200
Kaca puniki sampun kauji-wacén
