Kaca:Bali-lontar-gaguritan-indra-bang-induraja-300ppi.pdf/20

Saking Wikisource
Kaca puniki sampun kauji-wacén

[ ᭑᭙ 19B]
᭑᭙᭞
ᬫ᭄ᬧᬸᬦᬾᬫᬗ᭄ᬭᬜ᭄ᬚᬶᬂᬲᬂᬭᬵᬚᬚ᭄ᬯᬶᬢ᭞ᬚᭂᬚᭂᬄᬳᬶᬤᬦᬾᬢᬦ᭄ᬲᬶᬧᬶ᭞ᬫᬗ᭄ᬭᬯᭀᬲ᭄ᬭᬶᬂᬫᬦᬄ᭞ᬓᬾᬦ᭄ᬓᬾᬦ᭄ᬚᬦᬶᬩᬳᬦ᭄ᬳᬶᬤ᭞ᬫᬧᬦ᭄ᬕ᭄ᬭᬸᬥᬵᬤᬳᬢ᭄ᬰᬓ᭄ᬢᬶ᭞ᬧᭂᬥᬲ᭄ᬓᭂᬢᬤᬄ᭞ᬳᬶᬩᭂᬮᬶᬲ
ᬦᬾᬫᬗ᭄ᬓᬶᬦ᭄᭟ᬳᬫ᭄ᬩᬸᬮ᭄ᬓᬾᬢᭀᬧᬗᭂᬜᭂᬢ᭄ᬲᬂᬭᬵᬚᬚ᭄ᬯᬶᬢ᭞ᬤᬾᬦᬶᬂᬳᬶᬤᬓᬬᬸᬦ᭄ᬓᬲᬶᬄ᭞ᬭᬶᬂᬲᬂᬭᬵᬚᬧᬸᬢ᭄ᬭ᭞ᬤᬶᬢᬸᬮᬯᬸᬢ᭄ᬭᬚᬚ᭄ᬯᬶᬢ᭞ᬗᭂᬮᬶᬲᬂᬫᬢᬸᬃᬧᬶᬳᬸᬦᬶᬂ᭞ᬭᬶᬂᬭᬵᬚᬧᬸᬢ᭄ᬭ
᭞ᬫᬗᬭᬶᬦ᭄ᬧᬶᬲᬦ᭄ᬫᬗ᭄ᬓᬶᬦ᭄᭟ᬫᬗ᭄ᬤᬵᬲᬫ᭄ᬧᬸᬦ᭄ᬗᭂᬮᬶᬓᭂᬦᬶᬬᬗᬫᬓ᭄ᬱᬵ᭞ᬳᬦ᭄ᬢᬸᬓ᭄ᬕ᭄ᬭᬸᬥᬦᬾᬧᬸᬦᬶᬓᬶ᭞ᬰᬓ᭄ᬢᬶᬢᬸᬃᬧ᭄ᬭᬓᭀᬱ᭞ᬢᬦ᭄ᬯᬾᬦ᭄ᬢᭂᬦ᭄ᬯᭂᬦᬂᬮᬯᬦ᭄᭞ᬲᬫ᭄ᬧᬸᬦ᭄ᬫᭂᬘᬶᬗᬦᬾᬗᬸᬦᬶ᭞ᬳᬶ
ᬧᬸᬦ᭄ᬦᭂᬮᬲᬂ᭞ᬦᬤᬄᬚᬤ᭄ᬫᬦᬾᬳᬶᬭᬶᬓᬶ᭟ᬬᬦ᭄ᬓᬧᬢᬸᬢ᭄ᬗᬶᬭᬶᬂᬩᭂᬮᬶᬫᬲᬗᬶᬤᬦ᭄᭞ᬭᬶᬂᬓᭂᬡ᭄ᬥᬗᬾᬧᬸᬦᬶᬓᬶ᭞ᬲᬋᬂᬳᬚᬓ᭄ᬢᬶᬢ᭄ᬬᬂ᭞ᬫᬦᭂᬫᬸᬲᬸᬓᬤᬸᬓᬵ᭞ᬓᬾᬢᭀᬳᬢᬸᬃᬭᬵᬚᬧᬸ
[ ᭒᭐ 20A]
ᬢ᭄ᬭᬶ᭞ᬢᬢᬲ᭄ᬓᬧᬶᬋᬗᬗ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᭂᬜᬯᬸᬭᬶᬦ᭄᭟ᬳᬤᬸᬄᬳᬤᬶᬲᬫ᭄ᬧᬸᬦᬂᬫᬮᬶᬄᬫᬜ᭄ᬚᬗᬂ᭞ᬓᬾᬯᬦ᭄ᬢᭂᬦ᭄ᬧᬶᬋᬗᬂᬳᬸᬕᬶ᭞ᬲᬓᬶᬂᬧᬲᬗᬶᬤᬦ᭄᭞ᬬᬦᬶᬂᬢ᭄ᬯᬭᬫᬜᬶᬤᬬᬂ᭞
ᬫᬢᬶᬳᬶᬕᬭᬸᬥᬚᬸᬢᬶ᭞ᬇᬤᭀᬂᬤᭀᬂᬢᬶᬢ᭄ᬬᬂ᭞ᬧᬸᬢ᭄ᬭᬦ᭄ᬪᬸᬧᬢᬶᬍᬯᬶᬄ᭟ᬇᬦ᭄ᬤ᭄ᬭᬩᬕᬸᬲᬓᬶᬂᬧ᭄ᬭᬶᬳᬮᬦᬵᬕᬭ᭞ᬧᬸᬢᬸᬦ᭄ᬧ᭄ᬭᬪᬸᬓᭀᬫᬮᬵᬰ᭄ᬭᬷ᭞ᬲᬦᬓᬾᬩᬗ᭄ᬲ᭄ᬯᬡᬵ᭞ᬓᬾ
ᬢᭀᬳᬶᬤᬗᬦ᭄ᬤᬶᬓᬵ᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬧᬶᬢᬸᬯᬶ᭞ᬲᬫ᭄ᬩᬶᬮ᭄ᬫᬲᬸᬫ᭄ᬩᬃ᭞ᬓᬧᬶᬋᬗᬂᬳᬦ᭄ᬢᬸᬓ᭄‌ᬲᬂᬤᬾᬯᬶ᭟ᬫᬗᬦ᭄ᬤᬶᬓᬵᬭᬵᬚᬧᬸᬢ᭄ᬭᬫᬲᬲᬸᬫ᭄ᬩᬃ᭞ᬤᬤᬶᬕᭂᬮᬸᬭᬢ᭄ᬦᬲᬭᬶ᭞ᬕᭂᬮᬶᬲ᭄ᬳᬶᬤᬦᬶᬫ᭄ᬩ
ᬮ᭄᭞ᬳᬢᬸᬭᬾᬳᬮᭀᬦ᭄ᬩᬦ᭄ᬩᬦ᭄᭞ᬤᬸᬄᬲᬫ᭄ᬧᬸᬭᬵᬢᬶᬢ᭄ᬬᬂᬩᭂᬮᬶ᭞ᬲᬫ᭄ᬧᬸᬦᬂᬫᭂᬗ᭄ᬕᬄ᭞ᬢᬶᬢ᭄ᬬᬂᬓᬢ?ᬯᬸᬦᬦ᭄ᬩᬸᬤ᭄ᬥᬶ᭟ᬮᬶᬦ᭄ᬢᬂᬢᬫ᭄ᬩᭂᬢ᭄ᬢᬦ᭄ᬳᬸᬦᬶᬂᬭᬶᬂᬗᬸᬦᬤᬶᬓᬵ᭞ᬓᬾᬯᬦ᭄ᬢᭂᬦ᭄ᬳᬦ᭄ᬢᬸᬓ᭄ᬲᬸᬪ