Kaca:Bali-lontar-gaguritan-indra-bang-induraja-300ppi.pdf/2

Saking Wikisource
Kaca puniki sampun kauji-wacén

[ ᭑ 1B]
᭑᭞
᭚᭜᭚ᬒᬁᬅᬯᬶᬰ᭄ᬦᬫᬲ᭄ᬢᬸᬦᬵᬫᬲ᭄ᬯᬳᬵ᭚᭜᭚ᬧᬸᬄᬲᬶᬦᭀᬫ᭄᭟᭐᭟ᬫᬭᬩᬗᬸᬦ᭄ᬧᬲᭂᬫᭂᬗᬦ᭄᭞ᬗᬫ᭄ᬩᬶᬮ᭄ᬮᭀᬦ᭄ᬢᬃᬮᬯᬸᬢ᭄ᬦᬸᬮᬶᬲ᭄᭞ᬦᬗ᭄ᬳᬶᬂᬰᬵᬲ᭄ᬢ᭄ᬭᬦ᭄ᬢᬶᬢ᭄ᬬᬂᬓᬲᬃ᭞ᬢᬸᬦ
ᬧᬲᬂᬩᬦ᭄ᬤᬸᬂᬲᬫᬶ᭞ᬲᬫ᭄ᬧᬸᬭᬲᬂᬫᬯᭀᬲᬶᬦ᭄᭞ᬤᬾᬦᬶᬯᬯᬸᬫ᭄ᬮᬚᬄᬦᬸᬭᬸᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬫ᭄ᬩᬶᬮᬦ᭄᭞ᬫᬗ᭄ᬤᬤᬸᬭᬸᬲ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬸᬗ᭄ᬓᬸᬮᬂᬩᬲᬂ
ᬮᬬᬄ᭟᭐᭟ᬫᬗᬯᬶᬢᬶᬦ᭄ᬢ᭄ᬬᬂᬳᬜᬸᬭᬢ᭄᭞ᬘᬦᬶᬰᬘᬭᬯᬕᬾᬓᬸᬮᬦ᭄ᬢᬶᬃ᭞ᬲᬗᬵᬯᬭᬵᬦᬾᬬᬓᭀᬘᬧ᭄᭞ᬧᬸᬭᬸᬗᬦᬾᬫᬗᭂᬜ᭄ᬚᭂᬮᬶᬦ᭄᭞ᬳᬲ᭄ᬢᬵᬯᬭᬬᬫᬇᬓᬶ᭞ᬲ
ᬤ᭄ᬯᬭᬦᬾᬧᬦᬶᬭᭀᬦ᭄ᬳᬶᬓᬸ᭞ᬰᬰᬶᬄᬓᭂᬦᭂᬫ᭄‌ᬦᬾᬬᬓᭀᬘᬧ᭄᭞ᬢᬗ᭄ᬕᬮ᭄ᬧᬶᬂᬲᭀᬮᬲ᭄ᬫᬦᬫ᭄ᬧᬶ᭞ᬬᬱᬦ᭄ᬚᬕᬢ᭄᭞ᬲ᭄ᬬᬩᬗ᭄ᬲᬶᬢ᭄ᬳᬸᬮᬸᬂᬤᬰ᭟᭐᭟ᬬᬦ᭄ᬯᬾᬦ᭄ᬢᭂᬦ᭄ᬜᬮᬶᬗ᭄ᬲᬸ
[ ᭒ 2A]
ᬢᬃ᭞ᬮᭀᬦ᭄ᬢᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬫᬗ᭄ᬤᬵᬫᬫᬗ᭄ᬕᬶᬄᬦᬵᬭᬓᬵ᭞ᬓᬧᬲ᭄ᬢᬸᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶ᭞ᬫᬗ᭄ᬤᬵᬢᬦ᭄ᬲᬤ᭄ᬬᬓᬧᬗ᭄ᬕᬶᬄ᭞ᬢ᭄ᬭᬸᬲ᭄ᬢᭂᬓᬾᬦ᭄ᬓᬸᬢᬸᬩᬸᬬᬸᬢ᭄᭞ᬬᬦ᭄ᬯᬾᬦ᭄ᬢᭂᬦ᭄‌ᬲ᭄ᬬᭀ
ᬲ᭄ᬫᬜᭂᬮᬂ᭞ᬫᬗ᭄ᬤᬵᬩᭂᬘᬶᬓ᭄ᬫᬫᬯᭀᬲᬶᬦ᭄᭞ᬫᬗ᭄ᬤᬾᬫᬸᬧᬸᬄ᭞ᬲᬧᬸᬦᬶᬓᬳᬢᬸᬃᬢᬶᬢ᭄ᬬᬂ᭟᭐᭟ᬯᬾᬦ᭄ᬢᭂᬦ᭄ᬩᬸᬓᬸᬯᬶᬡ᭄ᬥᬸᬚᬯ᭞ᬧᬸᬦᬶᬓᬵᬳᬶᬓᭂᬢᬂᬕᬸᬭᬶᬢ᭄᭞ᬭᬢᬸᬦᬾᬭᬶᬂᬯᬶ
ᬡ᭄ᬥᬸᬭᬵᬚ᭞ᬧ᭄ᬭᬶᬳᬮᬋᬓᬾᬦᬵᬕᬭᬶ᭞ᬧᬲᬾᬗᬦᬾᬲᬗᬚᬶ᭞ᬪᬶᬰᬾᬓᬵᬲᬂᬇᬦ᭄ᬤ᭄ᬭᬳᬸᬗ᭄ᬲᬸ᭞ᬧᬸᬦᬶᬓᬳᬶᬤᬓᬳᬸᬘᬧ᭄᭞ᬓᬕᬸᬗᬦᬾᬜᬓ᭄ᬭᬯᬺᬢ᭄ᬢᬶ᭞ᬓᬲᬸᬩᬼᬯᬶᬄ᭞ᬅ
ᬲ᭄ᬢᬶᬢᬶᬧᬕᭂᬄᬭᬶᬂᬩ᭄ᬭᬢ᭟᭐᭟ᬢᬸᬃᬧᬕᭂᬄᬫᬗᬫᭂᬮ᭄ᬚᬕᬢ᭄᭞ᬰᬹᬭᬵᬥᬃᬫ᭄ᬫᬦᬾᬫᬓᬵᬤᬶ᭞ᬥᬦᬉᬧᬫᬭᬶᬂᬧᬜ᭄ᬚᬓ᭄᭞ᬗᬺᬱᬶᬤᭀᬚᬦᬗᭂᬰᬰᬶᬄ᭞ᬫᬶᬯᬄᬭᬶᬂᬢᬡ᭄ᬥᬫ