[ ᭑᭙᭗ 197B]
᭑᭙᭗᭞
ᬓᭀᬩᭂᬢᬂᬩᭂᬮᬶᬭᬶᬂᬘᬶᬢ᭄ᬢ᭟ᬩᭂᬘᬶᬓ᭄ᬭᬢᬸᬯᬘᬦᬬᬂ᭞ᬓᭂᬦᬶᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬸᬦᬶᬂ᭞ᬭᬚᬩᬗ᭄ᬲ᭄ᬯᬡᬫᬦᬶᬫ᭄ᬩᬮ᭄᭞ᬉᬚᬭᬾᬳᬭᬸᬫᬫᬦᬶᬲ᭄᭞ᬤᬸᬄᬚᬶᬯᬦ᭄ᬩᭂᬮᬶᬦᬾᬳᬤᬶ᭞ᬲᬚᬩᬸ᭠
ᬓᬓᬾᬢᭀᬭᬢᬸ᭞ᬲᬓᭂᬥᬧ᭄ᬢ᭄ᬯᬭᬲᬶᬗ᭄ᬲᬮ᭄᭞ᬮᬶᬦ᭄ᬢᬂᬳᬶᬩᬸᬓ᭄ᬫᬦᬄᬩᭂᬮᬶ᭞ᬓ᭄ᬭᬡᬲᬸᬗ᭄ᬲᬸᬢ᭄᭞ᬭᬾᬄᬳᬶᬩᭂᬮᬶᬧᬘᬂᬮᬸᬗ᭄ᬳ᭟ᬦᬾᬩᬾᬜ᭄ᬚᬂᬧᬘᬂᬫᬫᬃᬕ᭄ᬕ᭞ᬓᬦᬵ ᬕᬭᬳᬦ᭄ᬢᬩ᭄ᬭᬳᬶ᭞
ᬩᭂᬮᬶᬲᬫ᭄ᬧᬸᬦ᭄ᬫᬗᬦ᭄ᬤᭂᬕᬂ᭞ᬫᬲᬶᬄᬢᭀᬂᬓᬬᬸᬦ᭄ᬳᬶᬩᭂᬮᬶ᭞ᬳᭂᬦ᭄ᬢᭀᬦᬾᬓᭀᬩᭂᬢᬵᬂᬩᭂᬮᬶ᭞ᬗᭂᬮᬄᬜᬫᬢ᭄ᬯᬄᬳᬳᬸᬓᬸᬤ᭄᭞ᬳᬚᬓ᭄ᬩᭂᬮᬶᬩᬋᬂᬍᬓᬤ᭄᭞ᬲᬓᬶᬂᬕᬃᬩ᭄ᬪᬦ᭄ᬧ᭄ᬭᬫᬶᬰ᭄ᬯ
ᬭᬶ᭞ᬚᬦᬶᬧᬘᬂ᭞ᬩᭂᬮᬶᬩᭂᬮᬲ᭄ᬢᭂᬓᬾᬦ᭄ᬜᬫ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬭᬚᬩᬗ᭄ᬲ᭄ᬯᬡᬭᬶᬂᬭᬩᬶ᭞ᬧ᭄ᬭᬫᬶᬦᬾᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬳᬢᬸᬭᬾᬫᬢᬸᬂᬢᬸᬂᬓᭂᬜᬶᬂ᭞ᬇᬗ᭄ᬕᬶᬄᬤᭀᬂ
[ ᭑᭙᭘ 198A]
ᬲᬫ᭄ᬧᬸᬦᬂᬩᭂᬮᬶ᭞ᬩᬲ᭄ᬩᬗᭂᬢ᭄ᬲᬸᬗ᭄ᬲᬸᬢ᭄ᬭᬶᬂᬓᬬᬸᬦ᭄᭞ᬬ᭄ᬯᬓ᭄ᬢᬶᬧᬢᬸᬢ᭄ᬲᬧᬸᬦᬶᬓ᭞ᬓᬤᬶᬓᬬᬸᬦ᭄ᬭᬓᬦ᭄ᬩᭂᬮᬶ᭞ᬭᬾᬄᬳᬶᬭᬶᬓᬶ᭞ᬩᭂᬮᬶᬲᬫ᭄ᬧᬸᬦ᭄ᬜᭂᬦᭂᬂᬦᬵᬣ᭟ᬳᬦ᭄ᬢᬸᬓ᭄ᬲᬫᬶᬫᬉᬢ᭄ᬢᬫ᭞
ᬩᭂᬮᬶᬫᬶᬯᬄᬭᬓᬦ᭄ᬩᭂᬮᬶ᭞ᬲᬫ᭄ᬧᬸᬦ᭄ᬓᬘᬢ᭄ᬭᬶᬬᬂᬢᬶᬢᬄ᭞ᬢᬸᬭᬸᬦ᭄ᬧᬘᬂᬜᬓ᭄ᬭᬯᬺᬢᬶ᭞ᬯᬶᬭᬾᬄᬧᬤᬸᬫ᭄ᬲᬂᬳ᭄ᬬᬂᬯᬶᬤᬶ᭞ᬭᬓᬦ᭄ᬩᭂᬮᬶᬚᬕᬳᬕᬸᬂ᭞ᬭᬶᬂᬳᬦ᭄ᬢᬩ᭄ᬭᬳᬶᬦᬵᬕᬭ᭞ᬳᬯᬦᬦ᭄ᬯᬳᬸ
ᬧ᭄ᬭᬫᬗ᭄ᬓᬶᬦ᭄᭞ᬓᬬᬸᬦ᭄ᬳᬶᬤ᭞ᬭᬓᬦ᭄ᬩᭂᬮᬶᬚᬕᬮᬸᬗ᭄ᬳ᭟ᬓᬮᬶᬄᬢᭂᬥᬸᬦᬾᬫᬜᬤ᭄ᬫ᭞ᬬᬦ᭄ᬓᬲᬶᬤᬦ᭄ᬲᬦᬾ ᬳᬧ᭄ᬢᬶ᭞ᬯᬦ᭄ᬢᬄᬫᬗᬺᬋᬄᬓᬲᬸᬓᬦ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬶᬤᬧᭀᬮᬶᬄ᭞ᬓᬯᬶ
ᬪᬯᬩᭂᬮᬶᬇᬭᬶᬓᬶ᭞ᬭᬶᬂᬧ᭄ᬭᬶᬳᬮᬜᭂᬦᭂᬂᬧ᭄ᬭᬪᬸ᭞ᬬᬦ᭄ᬭᬓᬦ᭄ᬩᭂᬮᬶᬓᬳᬶᬘᬦ᭄᭞ᬯᬶᬪᬯᬵᬮᬶᬬᬦ᭄ᬦᬕᬭᬶ᭞ᬫᬗᬕᬸᬗᬶᬦ᭄᭞ᬭᬶᬂᬳᬦ᭄ᬢᬩ᭄ᬭᬳᬶᬦᬵᬕᬭ᭟ᬲᬫ᭄ᬧᬸᬦᬂᬩᭂᬮᬶᬗᭀᬩᭂᬢᬂ᭞ᬧᬶᬢ᭄ᬯᬶ
Kaca:Bali-lontar-gaguritan-indra-bang-induraja-300ppi.pdf/198
Kaca puniki sampun kauji-wacén
