Kaca:Bali-lontar-gaguritan-indra-bang-induraja-300ppi.pdf/19

[ ᭑᭘ 18B]
᭑᭘᭞
ᬮᬶᬤᬂ᭟ᬳᭂᬦ᭄ᬢᭀᬳᬶᬤᬗᬫ᭄ᬩᭂᬮᬂᬫᬢᬶᬉᬭᬶᬧ᭄᭞ᬧᭂᬢᭂᬂᬍᬫᬄ᭞ᬓᬯᬄᬮᬯᬦ᭄ᬲ᭄ᬯᬃᬕ᭄ᬕ᭞ᬲᬫ᭄ᬧᬸᬦ᭄ᬫᬢᬸᬮᬶᬲ᭄ᬕᬶᬤᬢᬾ᭞ᬤᬤᬶᬳᬭᬂᬲᬦᬾᬯᭂᬭᬸᬄ᭞ᬤᬾᬦᬶᬂᬳᬶᬤᬲᬂᬳ᭄ᬬᬂᬮᬶᬘᬶᬦ᭄᭞
ᬦᬾᬳᭀᬕ᭄ᬬᬧᬘᬂᬦᬶᬯᬓᬂ᭞ᬳᬮᬦᬾᬭᬶᬳᬬᬸ᭞ᬫᬸᬮᬵᬢ᭄ᬯᬭᬤᬤᬶᬩ᭄ᬮᬲ᭄᭞ᬮᬫᬸᬦ᭄ᬕᬦ᭄ᬢᬶ᭞ᬓᬢᬶᬢᬄᬫᬗ᭄ᬤᬾᬦᬸᬳᬸᬭᬶᬧ᭄᭞ᬫᭂᬥᬲ᭄ᬫᬢᬶᬳᬶᬕᬭᬸᬫᬶᬸᬥ᭟ᬤᬾᬦᬶᬂᬫᬸᬮᬢᬶᬗ᭄ᬓᬳᬶᬂᬤᬸ
ᬫᬤᬶ᭞ᬤᬤᬶᬚᬤ᭄ᬫ᭞ᬫᬤᬲᬃᬢ᭄ᬯᬄᬤᬤ᭄ᬯ᭞ᬉᬭᬶᬧ᭄ᬓᬮᬯᬦ᭄ᬧᬢᬶᬦᬾ᭞ᬓᬾᬢᭀᬳᬸᬚᬃᬭᬵᬚᬲᬸᬦᬸ᭞ᬢᬢᬲ᭄ᬓᬧᬶᬋᬗᬂᬲᬫᬶ᭞ᬩᭂᬗᭀᬂᬫᭂᬦᭂᬂᬭᬵᬚᬚ᭄ᬯᬶᬢ᭞ᬢ᭄ᬯᬭᬵᬗᭂᬮᬳ
ᬢᬸᬃ᭞ᬓᭀᬘᬧ᭄ᬲᬫ᭄ᬧᬸᬦ᭄ᬓᬮᬶᬄᬤᬶᬦ᭞ᬧᬕᬦ᭄ᬢᭀᬲᬦ᭄᭞ᬇᬕᬭᬸᬥᬵᬧᬘᬂᬧ᭄ᬭᬧ᭄ᬢᬶ᭞ᬤᬤᬶᬓᬤᬸᬃᬫ᭄ᬫᬵᬗᬮᬬᬂ᭟᭐᭟ᬧᬸᬄᬤᬸᬃ᭟᭐᭟ᬘᬭᬶᬢᬬᬂᬲᬂᬳᬭᬸᬥᬵᬚᬦᬶᬢᭂᬓᬵ᭞ᬗᭂ
[ ᭑᭙ 19A]
ᬢᭀᬃᬕᬸᬫᬶᬦᬾᬤᬤᬶ᭞ᬳᬗᬶᬦᬾᬫᬸᬤᭂᬓᬦ᭄᭞ᬋᬫᬺᬫ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬓᭂᬢᬯᭂᬗᬦ᭄ᬳᬦ᭄ᬢᬸᬓ᭄ᬓᬫ᭄ᬧᬶᬤ᭄᭞ᬇᬕ᭄ᬭᬸᬥᬭᬵᬚ᭞ᬳᬕᬸᬗᬾᬢᬦ᭄ᬲᬶᬦᬶᬧᬶ᭟ᬤᬤᬶᬓᬕ᭄ᬬᬢ᭄ᬭᬵᬚᬧᬸᬢ᭄ᬭᬤᬶ
ᬢᬸᬜᭂᬗᬓ᭄᭞ᬕᬸᬫᬶᬗᭂᬢᭀᬃᬋᬫᬺᬫ᭄ᬤᬤᬶ᭞ᬩᬯᬸᬲᬦ᭄ᬤᬶᬓᬮ᭞ᬤᬶᬢᬸᬲᬂᬭᬵᬚᬧᬸᬢ᭄ᬭ᭞ᬫᭂᬦᬓ᭄ᬓᭀᬦ᭄ᬭᬤᬾᬦ᭄ᬤᬾᬯᬶ᭞ᬤᬸᬄᬳᬢ᭄ᬫᬚ᭄ᬯᬶᬢ᭞ᬫᬵᬲ᭄ᬫᬦᬶᬓ᭄ᬢᬶᬢ᭄ᬬᬗᬾᬳᬤᬶ᭟ᬲᬧᬸᬦᬧᬶᬳ
ᬯᬦᬦ᭄ᬓᬦ᭄ᬢᭂᬦ᭄ᬲᬹᬃᬬ᭄ᬬᬵ᭞ᬗᭂᬚᭂᬃᬕᬸᬫᬶᬦᬾᬫᬗ᭄ᬓᬶᬦ᭄᭞ᬅᬗ᭄ᬳᬶᬂᬫᬳᬤᬸᬓᬦ᭄᭞ᬧ᭄ᬭᬪᬵᬯᬦᬧᬶᬧᬸᬦᬶᬓᬵ᭞ᬭᬵᬚᬧᬸᬢ᭄ᬭᬶᬫᬢᬸᬃᬕᭂᬮᬶᬲ᭄᭞ᬇᬗ᭄ᬕᬶᬄᬧᬸᬦᬶᬓᬵ᭞ᬧ᭄ᬭᬪᬵᬯᬦ᭄ᬳᬶᬕ᭄ᬭᬸᬥᬧ᭄ᬭᬧ᭄ᬢᬶ᭟ᬤᬶᬢᬸᬮ
ᬯᬸᬢ᭄ᬲᬂᬤᬾᬯᬶᬗᭂᬲᬾᬗᬶᬦ᭄ᬧᬜ᭄ᬚᬓ᭄᭞ᬕᭂᬮᬶᬲ᭄ᬓ᭄ᬭᬜ᭄ᬚᬶᬗᬂᬲᬫᬶ᭞ᬭᬶᬂᬢᬫ᭄ᬩᬸᬃᬧᬸᬦᬶᬓ᭞ᬚ᭄ᬭᬶᬄᬧᬘᬂᬗᭂᬦᬄ᭞ᬭᬶᬂᬲᬂᬕᬭᬸᬥᬦᬾᬫᬗ᭄ᬓᬶᬦ᭄᭞ᬲᬂᬭᬵᬚᬚ᭄ᬯᬶᬢ᭞ᬢᬍᬃᬲᬋᬂᬫᬗ᭄ᬭᬜ᭄ᬚᬶᬂ᭟ᬭᬶᬂᬲᬵ