Kaca:Bali-lontar-gaguritan-indra-bang-induraja-300ppi.pdf/183

Saking Wikisource
Kaca puniki sampun kauji-wacén

[ ᭑᭘᭒ 182B]
ᬯᬶᬦᬦ᭄ᬢᬶᬢ᭄ᬬᬂ᭞ᬭᬯᬸᬄᬓᬤᬶᬧ᭄ᬭᬡᬕᬢ᭞ᬧᭂᬥᭂᬓ᭄ᬭᬶᬂᬧᬤᬸᬓᬳᬚᬶ᭞ᬯᬦ᭄ᬢᬄᬫᬶᬲᬤ᭄ᬬ᭞ᬢᬶᬢ᭄ᬬᬂᬫᬢᬸᬃᬧᬶᬳᬸᬦᬶᬂ᭟ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬧᬦᬵᬕᬭᬦ᭄ᬤᬸᬯᬾᬦᬵᬩᬧ᭞ᬫᬯᬲ᭄ᬢᬳᬦ᭄ᬢᬩ᭄ᬭᬳᬶ
᭞ᬧᭂᬘᬓ᭄ᬓᭀᬢᬚᬶᬫ᭄ᬩᬃ᭞ᬭᬚᬳᬲᬶᬓ᭄ᬧᬸᬦᬶᬓ᭞ᬧᬺᬦᬄᬳᬚᬶᬭᬢ᭄ᬦᬯᬶᬸᬢᬶᬸᬲᬭᬶ᭞᭠ᬫᬢ᭄ᬯᬦ᭄ᬢᬶᬢ᭄ᬬᬂᬦᬵᬕᬭᬦᬾ ᬮᬶᬦ᭄ᬢᬂᬩᭂᬘᬶᬓ᭄᭟ᬦᬗ᭄ᬳᬶᬂᬰᬹᬦ᭄ᬬᬢᬦ᭄ᬯᬾᬦ᭄ᬢᭂᬦ᭄ᬫᬤᬕᬶᬂᬚᬤ᭄ᬫ᭞ᬇ
ᬭᬶᬓᬫᬗᭂᬦᬳᬶᬦ᭄᭞ᬧᬸᬦᬶᬓᬳᬯᬶᬦᬦ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬕ᭄ᬭ᭞ᬫᬧᬫᬶᬢ᭄ᬭᬶᬂᬳᬶᬩᬸᬳᬚᬶ᭞ᬮᬸᬗ᭄ᬳᬵᬫᭂᬘᬶᬓᬂ᭞ᬓᭀᬢᬦᬾᬳᬶᬭᬶᬓᬫᬗ᭄ᬓᬶᬦ᭄᭟ᬓᬯᬶᬯᬾᬦ᭄ᬢᭂᬦ᭄ᬲᬶᬳᬶᬂᬲᬂᬳ᭄ᬬᬂ
ᬯᬶᬤᬶᬯᬰ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬮᬶᬄᬩᭂᬘᬶᬓ᭄᭞ᬦᬵᬕᬭᬧᬸᬦᬶᬓᬵ᭞ᬭᬾᬄᬫᬸᬦ᭄ᬰᬸᬦ᭄ᬬᬧᬶᬲᬦ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫᬓᬭᬶ᭞ᬧᬘᬂᬫᬫ᭄ᬭᬶᬓ᭄ᬱ᭞ᬳᬾᬫᬦ᭄ᬢᬦ᭄ᬯᬾᬦᬵᬢᭂᬦ᭄ᬩᬯᭀᬲᬶ
[ ᭑᭘᭓ 183A]
ᬦ᭄᭟ᬲᬧᬸᬦᬶᬓᬳᬢᬸᬭᬾᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬳᬚᬶᬦᬾᬢᬢᬲ᭄ᬫ᭄ᬬᬃᬱᬶ᭞ᬳᬢᬸᬃᬧᬸᬢ᭄ᬭᬦ᭄ᬳᬶᬤ᭞ᬮᬯᬸᬢ᭄ᬳᬶᬤᬫᬗᬦ᭄ᬤᬶᬓ᭞ᬉᬤᬸᬄᬫᬲ᭄ᬩᬧᬦᬾᬕᬸᬲ᭄ᬢᬶ᭞ᬬᬦ᭄ᬢᬸᬯᬄᬲᬚ᭞ᬩᬸ
ᬓᬧᬦ᭄ᬤᬶᬓᬦ᭄ᬘᭂᬦᬶᬂ᭟ᬫᭂᬮᬄᬲᬚᬓᭂᬫᬮᬯᬸᬢᬂᬤᬩ᭄ᬤᬩᬂ᭞ᬳᬾᬫᬦ᭄ᬬᬦ᭄ᬳᭂᬦ᭄ᬢᭀᬓᬮᬳᬶᬦ᭄᭞ᬦᬵᬕᬭᬦᬾ ᬚᬶᬫ᭄ᬩᬃ᭞ᬓᬾᬢᭀᬫᬲᬶᬄᬢᭂᬓᭂᬤᬂ᭞ᬭᬶᬂᬭᬳᬶᬦ᭄ᬳᬶᬤᬦᬾ
ᬚᬦᬶ᭞ᬧᬂᬤᬳᬶᬯᬂ᭞ᬲᬮᬄᬢᬫ᭄ᬧᬶᬭᬳᬶᬦ᭄ᬕᬸᬲ᭄ᬢᬶ᭟ᬤᬾᬦᬶᬂᬩᬧᬚᬦᬶᬫᬯᬓ᭄ᬲᬸᬩᬵᬢᬸᬯ᭞ᬲᬸᬳᬸᬤ᭄ᬫᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬓᬗ᭄ᬕᭀᬗᬢ᭄ᬯᬄᬳᬶᬤ᭞ᬩᬋᬂᬭᬳᬶᬦ᭄ᬳᬶᬤᬾᬯ᭞ᬢᭀ
ᬚᬦᬶᬳᬚᬓ᭄ᬗᭂᬜ᭄ᬘᬦᬶᬦ᭄᭞ᬓᬾᬦ᭄ᬫᬳᬦ᭄ᬫᭂᬮᬄ᭞ᬳᭂᬦ᭄ᬢᭀᬚ᭄ᬯᬚᬮᬦᬶᬦ᭄᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬚᬶᬦᬾᬭᬶᬂᬧᬸᬢ᭄ᬭ᭞ᬧᬸᬢ᭄ᬭᬦᬾᬫᬢᬸᬃᬲᬶᬗ᭄ᬕᬶᬄ᭞ᬗᬶᬭᬶᬂᬧᭂᬓᬬᬸᬦᬦ᭄᭞ᬲᬓᬤᬶᬧ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-indra-bang-induraja-300ppi.pdf/183&oldid=37603"