[ ᭑᭘᭑ 181B]
᭑᭘᭑᭞
ᬲᬂᬧ᭄ᬭᬪᬸᬚᬦᬶᬫᬗᬸᬳᬸᬩ᭄᭞ᬦᬗ᭄ᬳᬶᬂᬚᬤ᭄ᬫᬦ᭄ᬜᬦᬾᬳᭀᬜ᭞ᬧ᭄ᬭᬪᬸᬳᬲᬶᬓ᭄ᬭᬶᬂᬭᬩᬶᬦᬾᬲᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬓᬩᬓ᭄ᬱᬳᬦ᭄ᬢᬸᬓ᭄ᬕᬭᬸᬥ᭞ᬕᬮᬓᬾᬫᬦᬤᬄᬚᬢ᭄ᬫᬶ᭟᭐᭟
ᬧᬸᬄᬤᬸ᭟᭐᭟ᬘᬭᬶᬢᬬᬂᬘᬶᬸᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬲᬫ᭄ᬧᬸᬦ᭄ᬫᬜᭂᬦᭂᬗ᭄ᬪᬸᬧᬢᬶ᭞ᬭᬶᬂᬧ᭄ᬭᬶᬬᬮᬦᬵᬕᬭ᭞ᬭᬓᬦᬾᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬤᬤᬶᬭᬢᬸᬗᭂᬫᬥᬾᬦᬶᬦ᭄᭞ᬓᬧᬶᬲᬭ
ᬬᬂ᭞ᬳᬤᬶᬫᬗ᭄ᬭᬯᭀᬲᬶᬦ᭄ᬕᬸᬫᬶ᭟ᬲᬧᬗᬤᭂᬕ᭄ᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬋᬧ᭄ᬚᬕᬢᬾᬲᬫᬶ᭞ᬬ᭄ᬯᬤᬶᬦ᭄ᬭᬢᬸᬮᬾᬦᬦ᭄᭞ᬢ᭄ᬯᬭᬤᬩᬦᬶᬫᬢᬗᬄ᭞ᬩᬦ᭄ᬰᬓ᭄ᬢᬶᬦᬾᬫᬓᬓᬮᬶᬄ
᭞ᬲᬸᬩᬓᬮᬸᬫ᭄ᬩ᭄ᬭᬄ᭞ᬢᭂᬓᭂᬤ᭄ᬓᬦᬸᬱᬦ᭄ᬢᬭᬶ᭟ᬳ᭄ᬦᭂᬗᬂᬤᬸᬫᬸᬦ᭄ᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬭᬓᬦᬾᬳᬸᬘᬧᬂᬫᬗ᭄ᬓᬶᬦ᭄᭞ᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬓᬬᬸᬦ᭄ᬳᬶᬤᬧᬘᬂᬮᬸᬗ᭄ᬳ᭞ᬓᬦᬵᬕᬭᬳ
[ ᭑᭘᭒ 182A]
ᬦ᭄ᬢᬩ᭄ᬭᬳᬶ᭞ᬧᬘᬂᬫᬘᬶᬗᬓ᭄᭞ᬦᬵᬕᬭᬦᬾᬤᬶᬢᬸᬚᬦᬶ᭟ᬤᬾᬦᬶᬂᬳᬤᬫᬦᬶᬓᭀᬫᬮᬇᬓ᭄ᬫᬢ᭄᭞ᬳᬢᬸᬭᬦ᭄ᬭᬳᬶᬦᬾᬗᬸᬦᬶ᭞ᬳᭂᬦ᭄ᬢᭀᬓᬓᭂᬦ᭄ᬤᭂᬮᬂ᭞ᬧᬘᬂᬫᬗ᭄ᬯᬗᬸ
ᬦ᭄ᬓᭀᬢ᭞ᬲᬘᬶᬢ᭄ᬓᬋᬧᬾᬤᬶᬤᬶ᭞ᬳᬲᬶᬂᬘᬶᬢ᭄ᬢᬬᬂ᭞ᬳᬯᬦᬦ᭄ᬳᬶᬤᬧ᭄ᬭᬚᬦᬶ᭟ᬗᬧᬸᬭᬶᬬᬂᬧᬋᬓ᭄ᬭᬶᬂᬲᬂᬧ᭄ᬭᬪᬸᬯᬺᬤ᭄ᬥ᭞ᬫᬓᬵᬤᬶᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬲᬫ᭄ᬧᬸᬦ᭄ᬭᬯᬸᬄᬳᬶᬭᬶᬓ᭞ᬭᬶᬂᬳ
ᬬᬸᬦᬦ᭄ᬳᬚᬶᬦ᭄ᬳᬶᬤ᭞ᬫᬶᬯᬄᬳᬬᬸᬦ᭄ᬳᬶᬩᬸᬰ᭄ᬯᬭᬶ᭞ᬭᬭᬶᬲ᭄ᬫᬜᬸᬫ᭄ᬩᬄ᭞ᬧᬸᬢ᭄ᬭᬦᬾᬭᬶᬂᬳᬶᬩᬸᬳᬚᬶ᭟ᬢᬢᬲ᭄ᬳᬦ᭄ᬢᬸᬓ᭄ᬳᬚᬶᬦᬾᬫᬜᬶᬗᬓ᭄᭞ᬧᬸᬢ᭄ᬭᬦᬾᬭᬯᬸᬄᬦᬗ᭄ᬓᬶᬮ᭄᭞ᬭᬭᬶᬲ᭄ᬳᬶᬤᬜ
ᬧ᭞ᬳᬧᬲᬤ᭄ᬬᬦ᭄ᬳᬶᬤᬢᭂᬓᬵ᭞ᬢᬸᬫ᭄ᬩᬾᬦᬦᬓ᭄ᬩᬕᬸᬲ᭄ᬫᬳᬶ᭞ᬳᬸᬮᬢ᭄ᬧ᭄ᬭᬡᬕᬢ᭞ᬤ᭄ᬯᬕᬸᬂᬧᬸᬢ᭄ᬭᬫᬢᬸᬃᬳᬭᬶᬲ᭄᭟ᬇᬗ᭄ᬕᬶᬄᬭᬢᬸᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂᬩᬧ᭞ᬫᬶᬯᬄᬳᬶᬤᬩ᭄ᬬᬂᬰ᭄ᬯᬭᬶ᭞ᬫᬳ
Kaca:Bali-lontar-gaguritan-indra-bang-induraja-300ppi.pdf/182
Kaca puniki sampun kauji-wacén
