[ ᭑᭗ 17B]
᭑᭗᭞
ᬚᬭᬾᬤ᭄ᬬᬄᬭᬢ᭄ᬦᬲᬭᬶ᭞ᬓᬵᬗᬶᬦ᭄ᬳᬶᬤᬫᬫᬶᬋᬗᬂ᭞ᬮᬸᬫᬸᬮᬶᬳᬫᬸᬯᬸᬲ᭄᭞ᬤᬸᬄᬭᬢᬸᬳᬢ᭄ᬫᬵᬚ᭄ᬯᬶᬢ᭞ᬬᬦ᭄ᬳᬓᬾᬢᭀ᭞ᬭᬭᬶᬲᬂᬯᬶᬚᬶᬮᬂᬫᬗ᭄ᬓᬶᬦ᭄᭞ᬓᭂᬦᬶᬢᬶᬢᬸᬯᬂᬲᬯᬸᬦᬶᬗ
ᬢ᭄ᬯᬦ᭄ᬤᬾᬯᬶᬳᬢᬸᬭᬾᬢᬶᬢ᭄ᬬᬂᬗᬶᬭᬶᬂ᭞ᬧᬓᬬᬸᬦᬦ᭄᭞ᬫᬗ᭄ᬭᬭᬶᬲ᭄ᬫᬫᬃᬕ᭄ᬕ᭞ᬕ᭄ᬮᬶᬲ᭄ᬓᭂᬩᬸᬓᬓ᭄ᬢᬫ᭄ᬩᬸᬭᬾ᭞ᬧᬋᬓᬦᬾᬫᬓᬓᬸᬢᬸᬲ᭄᭞ᬳᬾᬕᬃᬫᬶᬚᬶᬮ᭄ᬫᬓᬵᬲᬫᬶ᭞ᬢᬸᬃᬫ᭄ᬩ
ᬓ᭄ᬘᬲᬉᬧᬘᬭ᭞ᬧᬗᬗ᭄ᬕᬾᬭᬶᬂᬭᬢᬸ᭞ᬢ᭄ᬮᬲᬫᬶᬓᬯᬶᬚᬶᬮᬂ᭞ᬭᬶᬂᬲᬂᬧᬸᬢ᭄ᬭᬶ᭞ᬭᬭᬶᬲ᭄ᬲᬕᬺᬳᬦ᭄ᬫᬫᬃᬕ᭄ᬕᬶ᭞ᬧᬋᬓ᭄ᬭᬶᬂᬲᬂᬭᬵᬚᬧᬸᬢ᭄ᬭ᭟ᬲᬭᬯᬸᬳᬾᬲᬂᬤ᭄ᬬᬄᬭᬢ᭄ᬦᬲᬭᬶ᭞ᬭᬶᬂᬭᬳ
ᬤ᭄ᬬᬦ᭄᭞ᬤᬾᬲᬂᬭᬵᬚᬧᬸᬢ᭄ᬭᬵ᭚ᬓᬳᬶᬭᬶᬂᬳᬦ᭄ᬢᬸᬓ᭄ᬥᬬᬗᬾ᭞ᬲᬋᬂᬳᬓᬸᬢᬸᬲ᭄ᬓᬾᬄᬳᬶᬧᬸᬦ᭄᭞ᬫᬩ᭄ᬭᬶᬬᬸᬓ᭄ᬫᭂᬳᬢᬸᬃᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬫᬗᬸᬳᬢᬸᬃ᭞ᬬᬦᬶᬂᬭ
[ ᭑᭘ 18A]
ᬯᬸᬄᬳᬶᬕᬭᬸᬥ᭞ᬚᬦ᭄ᬢᭂᬦ᭄ᬢᭂᬮᬲ᭄᭞ᬓᬳᬸᬮᬦ᭄ᬳᬶᬭᬢᬸᬲᬫᬶ᭞ᬓᬢᬥᬄᬭᬶᬂᬕᬭᬸᬥ᭟ᬦᬧᬶᬓᬮᬶᬄᬫᬗᬫ᭄ᬩᬸᬚᬤ᭄ᬫᬶ᭞ᬇᬕᬭᬸᬥ᭞ᬚᬦ᭄ᬢᭂᬦ᭄ᬫᭂᬗᬮᬗ᭄ᬓᬂ᭞ᬚᬳᬵᬫᬫ᭄ᬩᬓ᭄ᬱᬚᬤ᭄ᬫᬦᬾ᭞
ᬓᭂᬜᭂᬫ᭄ᬭᬚᬧᬸᬢ᭄ᬭᬵᬗ᭄ᬭᬸᬗᬸ᭞ᬢᬸᬫᬸᬮᬶᬫᬲᬯᬸᬃᬳᬭᬶᬲ᭄᭞ᬩ᭄ᬯᬶᬦ᭄ᬧᬶᬤᬦ᭄ᬕᬦ᭄ᬢᬶᬦ᭄ᬜᬢᭂᬓᬵ᭞ᬢᭀᬳᬶᬕ᭄ᬭᬸᬥᬳᬕᬸᬂ᭞ᬢᬸᬯᬦ᭄ᬤᬾᬯᬶᬭᬭᬶᬲ᭄ᬦᬶᬫ᭄ᬩᬮ᭄᭞ᬇᬗ᭄ᬕᬶᬄᬭᬢᬸ᭞ᬫᬮᬶᬄᬤᬶᬦᬕᬦ᭄ᬢᬶ
ᬳᬶᬧᬸᬦ᭄ᬭᬯᬸᬄᬗᬺᬋᬄᬢᬶᬢ᭄ᬬᬂ᭟ᬚᬕᬵᬫᬓ᭄ᬱᬵᬭᬵᬚᬧᬸᬢ᭄ᬭᬜᬯᬸᬭᬶᬦ᭄᭞ᬤᬸᬄᬫᬵᬲ᭄ᬫᬶᬭᬄ᭞ᬲᬫ᭄ᬧᬸᬦ᭄ᬲᬸᬫᬗ᭄ᬲᬬ᭞ᬧᬕᭂᬄᬳᬶᬂᬭᬢᬸᬓᬬᬸᬦᬾ᭞ᬲᬫ᭄ᬧᬸᬦᬂᬩᬲ᭄ᬩᬗᭂᬢ᭄ᬲᬸᬗ᭄ᬲᬸᬢ᭄᭞
ᬲᬂᬳ᭄ᬬᬂᬯᬶᬥᬶᬳᬗ᭄ᬕᬾᬦ᭄ᬓᬦ᭄ᬢᬶ᭞ᬮᬫᬸᬦ᭄ᬲᬸᬩᬓᬬᬸᬦ᭄ᬳᬶᬤ᭞ᬬᬂᬤᬾᬯᬵᬤᬶᬜᬩᬸᬢ᭄᭞ᬢᭀᬂᬲᬶᬤ᭄ᬥᬩᬦ᭄ᬗᭂᬮᬶᬤᬂ᭞ᬚ᭄ᬯᬳᬯᬓᬾ᭞ᬬᬦᬶᬂᬓᬸᬩᬚᬜ᭄ᬚᬶᬫᬢᬶ᭞ᬓᬾᬦ᭄ᬓᬾᬦ᭄ᬳᬩᭂᬢᬾᬗᭂ
Kaca:Bali-lontar-gaguritan-indra-bang-induraja-300ppi.pdf/18
Kaca puniki sampun kauji-wacén
