[ ᭑᭖᭙ 169B]
᭑᭖᭙᭞
ᬧ᭄ᬭᬫᬦ᭄ᬢ᭄ᬭᬶᬦᬾᬲᬫᬶ᭟ᬧᭂᬢᭂᬂᬍᬫᬄᬢ᭄ᬯᬭᬩᭂᬮᬲ᭄᭞ᬭᬶᬂᬧᬫᬺᬦ᭄ᬲᬂᬭᬵᬚᬧᬸᬢ᭄ᬭᬶᬓᬮᬶᬄ᭞ᬭᬯᭀᬲᬾᬦᬸᬢᬸᬃᬓᬢᬸᬢᬸᬃ᭞ᬬ᭄ᬯᬤᬶᬦ᭄ᬲᬂᬭᬵᬚᬧᬸᬢ᭄ᬭ᭞ᬢ᭄ᬯᬭᬜᭂᬮᬲ᭄ᬭᬶᬂᬲᬫᭂᬢᭀᬦ᭄ᬳᬶᬤᬤᬶ
ᬢᬸ᭞ᬳᭂᬦᭂᬗᬂᬫᬗ᭄ᬓᬶᬦ᭄ᬧᬸᬦᬶᬓ᭞ᬢᬸᬮᬸᬕ᭄ᬲᬫ᭄ᬧᬸᬦ᭄ᬓᬮᬶᬄᬯᭂᬗᬶ᭟ᬩᬾᬲᬸᬓ᭄ᬧᬕᬶᬘᬭᬶᬢᬬᬂ᭞ᬢᬢᬲᬼᬫᬄᬲᬂᬳ᭄ᬬᬂᬲᬹᬃᬬ᭄ᬬᬩᬯᬸᬫᬶᬚᬶᬮ᭄᭞ᬫᬦᭂᬮᭀᬓ᭄ᬤᬶᬢᬸᬢᬸᬓ᭄ᬕᬸᬦᬸᬂ᭞ᬫᬗ᭄ᬭᬭᬶᬲ᭄ᬳᬶᬫᬫᬃ
ᬕ᭄ᬕ᭞ᬲᬋᬂᬲᬫᬶᬳᭂᬦ᭄ᬤᬕᬦ᭄ᬲᬸᬃᬬ᭄ᬬᬓᬢᬸᬚᬸ᭞ᬧᬫᬃᬕ᭄ᬕᬶᬦᬾᬫᬫ᭄ᬩᬃᬳᬫ᭄ᬩᬃ᭞ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬯᭂᬗᬶ᭟ᬲᬸᬯᬾᬦᬾᬲᬫ᭄ᬧᬸᬦ᭄ᬤᬶᬫᬃᬕ᭄ᬕᬶ᭞ᬕᭂᬕᬜ᭄ᬘᬗᬦ᭄ᬢᬦ᭄ᬓᬘᬭᬶᬢᬬᬂᬫᬃᬕ᭄ᬕᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸ
ᬦ᭄ᬭᬯᬸᬄ᭞ᬭᬶᬂᬢᭂᬧᬶᬲᬶᬭᬶᬂᬦᬵᬕᬭ᭞ᬭᬶᬂᬧᬤᬸᬲᬸᬦ᭄ᬳᬶᬭᬶᬓᬫᬭᬃᬬ᭄ᬬᬦ᭄ᬲᬫ᭄ᬧᬸᬦ᭄᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓᬬᬂ᭞ᬯᭀᬂᬧᬤᬸᬲᬸᬦᬦ᭄ᬫᬫᬃᬕ᭄ᬕᬶ᭟ᬓᬓᭀᬢᬫᬢᬸᬃᬳᬸᬦᬶᬗ᭞ᬭᬶᬂᬲᬂᬦᬵᬣᬫᬸᬯᬄᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬭᬶ᭞
[ ᭑᭗᭐ 170A]
ᬯᭀᬂᬤᬾᬰᬫᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬢᬦ᭄ᬓᭀᬘᬧᬭᬶᬂᬚᬮᬦ᭄᭞ᬘᬭᬶᬢᬬᬂᬭᬯᬸᬄᬭᬶᬂᬩᬜ᭄ᬘᬶᬗᬄᬲᬫ᭄ᬧᬸᬦ᭄᭞ᬓᬂᬧᬸᬭᬶᬧᬋᬓ᭄ᬲᬂᬦᬵᬣ᭞ᬫᬜᭀᬗ᭄ᬓᭀᬓ᭄ᬫᬓᬢᬸᬃᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬰ᭄ᬭᬷᬦ
ᬭᬾᬦ᭄ᬤ᭄ᬭ᭞ᬲᬸᬲᬸᬳᬸᬦᬦ᭄ᬢᬶᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭞ᬧᬸᬢ᭄ᬭᬦ᭄ᬧᬤᬸᬓᬤᬾᬯᬵᬕᬸᬂ᭞ᬫᬓᬓᬵᬮᬶᬄᬭᬵᬚᬧᬸᬢ᭄ᬭ᭞ᬳᬶᬤᬭᬯᬸᬄᬫᬳᬶᬭᬶᬗᬦ᭄ᬧᬜ᭄ᬚᬓ᭄ᬮᬶᬬᬸ᭞ᬦᬾᬫᬗ᭄ᬓᬶᬦ᭄ᬫᬲᬗ᭄ᬕ᭄ᬭᬳᬦ᭄᭞ᬭᬶᬂᬧᬤᬸ᭠
ᬲᬸᬦᬦ᭄ᬫᬮᬶᬗ᭄ᬕᬶᬄ᭟ᬢᬶᬢ᭄ᬬᬂᬯᬦ᭄ᬢᬄᬓᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬶᬤᬵᬧᬸᬢ᭄ᬭᬦ᭄ᬧᬤᬸᬓᬵᬲᬗᬚᬶ᭞ᬗᬸᬦᬶᬗᬂᬭᬶᬂᬘᭀᬓᭀᬃᬤ᭄ᬥᬳᬕᬸᬂ᭞ᬓᭂᬦᬶᬲᬫ᭄ᬧᬸᬦ᭄ᬓᬤᬶᬓᬕ᭄ᬬᬢ᭄᭞ᬲᬯᭀᬃᬓᭀᬢᬫᬓᬤᬶᬘᭀ
ᬓᭀᬃᬤ᭄ᬥᬳᬕᬸᬂ᭞ᬲᬧᬸᬦᬶᬓᬲᬵᬧᬗᬦ᭄ᬤᬶᬓᬵ᭞ᬤ᭄ᬯᬕᬸᬂᬧᬸᬢ᭄ᬭᬫᬓᬓᬮᬶᬄ᭟ᬓᬾᬢᭀᬳᬢᬸᬃᬳᬶᬳᬸᬢᬸᬲᬦ᭄᭞ᬫᬗᬸᬦᬶᬗᬂᬢᭂᬓᬾᬦ᭄ᬰ᭄ᬭᬶᬦᬭᬧᬢᬶ᭞ᬢᬢᬲ᭄ᬓᬧᬶᬬᬃ᭠ᬳᬲᬫᬦᬾ᭞ᬳᬢᬸᬭᬾᬳᬶ
Kaca:Bali-lontar-gaguritan-indra-bang-induraja-300ppi.pdf/170
Kaca puniki sampun kauji-wacén
