[ ᭑᭖᭘ 168B]
᭑᭖᭘᭞
ᬫᬗᬦ᭄ᬤᬶᬓᬵᬲᬂᬇᬦ᭄ᬤ᭄ᬭᬲᬧ᭄ᬭᬶᬬᬡᬮᬯᬸᬢ᭄᭞ᬭᬶᬂᬭᬩᬶᬦᬾᬳᬶᬭᬶᬓᬵ᭞ᬭᬭᬶᬲᬂᬳᬤᬶᬦᬓᬾᬦᬶᬦ᭄᭟ᬧᬸᬦᬶᬓᬵᬳᬶᬧᬾᬦ᭄ᬳᬶᬤᬾᬯ᭞ᬫᬓᬓᬮᬶᬄᬮᬦᬂᬳᬶᬲ᭄ᬢ᭄ᬭᬶᬭᬯᬸᬄᬫ᭄ᬭᬶᬓᬶ᭞ᬭᬢ᭄ᬦᬵᬲᬭᬶ᭠
ᬲᬤᬳᬶᬚᬸ᭞ᬜ᭄ᬚᬕ᭄ᬚᬕᬶᬦ᭄ᬫᬜᬫ᭄ᬩ᭄ᬭᬫ᭞ᬭᬵᬚᬧᬸᬢ᭄ᬭᬶᬓ᭄ᬫᬮᬯᬢᬶᬓᬚᬓ᭄ᬮᬯᬸᬢ᭄᭞ᬫᬸᬗ᭄ᬕᬳᬦ᭄ᬫᬤᬦ᭄ᬤᬦ᭄ᬢᬗᬦ᭄᭞ᬲᬃᬯ᭄ᬯᬶᬦᬗᬶᬲ᭄ᬫᬓᬓᬮᬶᬄ᭟ᬓ᭄ᬭᬡᬲᭂᬥᬶᬄᬫᬓᬤᬤ᭄ᬯ᭞ᬭᬵᬚᬧᬸᬢ᭄ᬭᬶᬳᬾᬮᬶᬂ᭠
ᬯᬯᬸᬗ᭄ᬫᬗ᭄ᬕᬶᬳᬶᬦ᭄᭞ᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡᬮᬯᬸᬢ᭄᭞ᬗᬦ᭄ᬤᬶᬓᬳᬶᬦ᭄ᬭᬩᬶᬦ᭄ᬳᬶᬤ᭞ᬤᭀᬂᬭᬭᬶᬲᬂᬧᬸᬦᬶᬗᬂᬭᬕᬦ᭄ᬳᬶᬭᬢᬸ᭞ᬢᭂᬓᬾᬦ᭄ᬳᬶᬧᬾᬦ᭄ᬳᬶᬤᬾᬯ᭞ᬳᬧᬂᬧᬥᬢᬢᬲ᭄ᬳᬸᬦᬶᬂ᭟ᬭᬢ᭄ᬦᬲᬭᬶᬫᬢᬸᬃ
ᬦᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬢᬶᬢ᭄ᬬᬂᬲᬫ᭄ᬧᬸᬦ᭄ᬢᬢᬲ᭄ᬳᬸᬦᬶᬂ᭞ᬯᬾᬦ᭄ᬢᭂᬦ᭄ᬧᬦ᭄ᬤᬶᬓᬦ᭄ᬳ᭄ᬬᬂᬳᬶᬩᬸ᭞ᬤᬸᬓᬶᬂᬗᬸᬦᬶᬭᬶᬂᬢᬶᬢ᭄ᬬᬂ᭞ᬧ᭄ᬭᬫᬶᬰ᭄ᬯᬭᬶᬭᬶᬂᬳᬦ᭄ᬢᬄᬧ᭄ᬭᬫᬡᬭᬢᬸ᭞ᬯᬦ᭄ᬢᬄᬳᬶᬤᬫᬲᭀᬤᬭᬦ᭄᭞ᬭᬶᬂᬳᬶᬩᬸ
[ ᭑᭖᭙ 169A]
ᬦ᭄ᬢᬶᬢ᭄ᬬᬂᬳᬶᬭᬶᬓᬶ᭞ᬓᬾᬗᬶᬦ᭄ᬯᬦ᭄ᬢᭂᬄᬫᬫᬶᬗ᭄ᬲᬶᬓ᭄ᬬ᭞ᬲᬓᬶᬂᬳᬶᬩᬸᬦᬶᬂᬤ᭄ᬬᬄᬓᭀᬫᬮᬯᬢᬶ᭞ᬩᭂᬮᬲ᭄ᬢᬶᬢ᭄ᬬᬂᬲᬓᬶᬂᬯᬤᬥᬸ᭞ᬬᬦ᭄ᬳᬾᬢᬂᬢᬦ᭄ᬲᬶᬬᭀᬲ᭄ᬳᬶᬤ᭞ᬢᭂᬓᬾᬦ᭄ᬢᬶᬢ᭄ᬬᬂᬓᬾᬢᭀᬳ
ᬢᬸᬃᬳᬶᬤᬤᬶᬢᬸ᭞ᬭᬶᬂᬭᬤᬾᬦ᭄ᬳᬶᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬲᬫ᭄ᬧᬸᬦ᭄ᬓᬧᬶᬤᬃᬢ᭄ᬢᬲᬫᬶ᭟ᬇᬭᬶᬓᬵᬲᬂᬭᬵᬚᬧᬸᬢ᭄ᬭ᭞ᬫᬗᭂᬲᬾᬗᬶᬦ᭄ᬧ᭄ᬭᬫᬦ᭄ᬢ᭄ᬭᬶᬦᬾᬲ᭄ᬬᬦᬵᬕᬭᬶ᭞ᬓᭂᬦᬶᬗᬧᬸᬭᬶᬬᬂᬮᬯᬸᬢ᭄᭞
ᬳᬸᬘᬲᬂᬧ᭄ᬭᬧᬸᬢ᭄ᬭ᭞ᬲᬋᬂᬲᬫᬶᬫᬗ᭄ᬭᬜ᭄ᬚᬶᬂᬚ᭄ᬭᭀᬯᬦ᭄ᬲᬫ᭄ᬧᬸᬦ᭄᭞ᬭᬯᬸᬄᬦᬗ᭄ᬓᬶᬮᬶᬦ᭄ᬤ᭄ᬯᬕᬸᬂᬧᬸᬢ᭄ᬭ᭞ᬢᬦ᭄ᬮ᭄ᬬᬦ᭄ᬓᬭᬯᭀᬲᬂᬚᬦᬶ᭟ᬯᬦ᭄ᬢᬄᬧᬫᬃᬕ᭄ᬕᬶᬦᬾᬓᬸᬦ᭞ᬲᬧ᭄ᬭᬢᬶᬗ᭄ᬓᬄ
ᬓ᭄ᬭᬡᬦᬾᬲᬶᬤ᭄ᬥᬓᬧᬗ᭄ᬕᬶᬄ᭞ᬓᬮᬶᬄᬤᬶᬦᬲ᭄ᬯᬾᬦᬾᬲᬫ᭄ᬧᬸᬦ᭄᭞ᬢ᭄ᬯᬭᬢᭂᬮᬸᬂᬕ᭄ᬧᭂᬢᭂᬂᬍᬫᬄ᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬧᬫᬃᬕ᭄ᬕᬶᬦᬾᬮᬘᬸᬃ᭞ᬭᬶᬂᬭᬤᬾᬦ᭄ᬳᬶᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬲᬋᬂ
Kaca:Bali-lontar-gaguritan-indra-bang-induraja-300ppi.pdf/169
Kaca puniki sampun kauji-wacén
