[ ᭑᭖᭗ 167B]
᭑᭖᭗᭞
ᬓᬢᭀᬂᬜᬦ᭄ᬤᬂᬲᬫ᭄ᬩᬢ᭄᭞ᬢᭂᬓᬾᬦ᭄ᬭᬳᬶᬦ᭄ᬳᬶᬤ᭄ᬬᬄᬫᬮᬵᬯᬢᬶ᭞ᬦᬗ᭄ᬳᬶᬂᬳᬫ᭄ᬧᬸᬭᬬᬂᬩᬕᬸᬲ᭄᭞ᬦᬾᬚᬦᬶᬭᬩᬶᬦ᭄ᬳᬶᬤ᭞ᬢᬸᬦᬫᬦᬄᬮᬶᬦ᭄ᬢᬂᬓᭀᬮᬸᬤ᭄ᬫᬶᬫ᭄ᬩᬸᬄᬧᭂᬗ᭄ᬓᬸᬂ᭞ᬫᬳᬢᬸᬃᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞
ᬫᬜᭀᬗ᭄ᬓᭀᬓ᭄ᬲᬳᬵᬗᭂᬪᬓ᭄ᬢᬶ᭟ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬲᬫ᭄ᬧᬸᬦ᭄ᬳᬸᬕᬶᬫᬜ᭄ᬚᬗᬂᬯᬘᬦᬫᬮᬶᬄ᭞ᬢᬶᬢ᭄ᬬᬂᬧᬶᬢᭂᬮᬲ᭄ᬫᬜᬸᬳᬸᬦ᭄᭞ᬲ᭄ᬯᬾᬘᬦ᭄ᬳᬶᬭᬢᬸᬭᬶᬂᬢᬶᬢ᭄ᬬᬂ᭞ᬮᬶᬦ᭄ᬢᬂᬳᬕᬸᬂᬮᬾᬤᬗᬂᬧᬶ
ᬲᬦ᭄ᬭᬶᬂᬓᬬᬸᬦ᭄᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬦᬾᬫᬗ᭄ᬓᬶᬦ᭄ᬚᬕᬫᭂᬧᬫᬶᬢ᭄᭟ᬧᬸᬧᬸᬢ᭄ᬲᬫᬶᬲᬧᬸᬦᬶᬓᬵ᭞ᬧᬗ᭄ᬭᬯᭀᬲᬾᬲᬂᬦᬵᬣᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬭᬭᬶᬲ᭄ᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬲᬕᬺᬳᬦ᭄ᬭᬯᬶᬂᬳᬶᬭᬶ
ᬗᬦ᭄᭞ᬢᬦ᭄ᬘᬭᬶᬢᬵᬮᬫ᭄ᬧᬳᬾᬳᬶᬤᬲᬂᬧ᭄ᬭᬪᬸ᭞ᬫᬾᬄᬲᬸᬭᬸᬧ᭄ᬲᬂᬳ᭄ᬬᬂᬲᬸᬃᬬ᭄ᬬ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬦᬵᬕᬭᬶ᭟ᬳᭂᬦᭂᬗᬂᬫᬦ᭄ᬓᬶᬦ᭄ᬲᬂᬦᬵᬣ᭞ᬭᬵᬚᬧᬸᬢ᭄ᬭᬵ᭞ᬭᬶᬂᬫᬃᬕ᭄ᬕᬶᬳᬸᬘᬧᬂᬫᬮᬶᬄ᭞ᬲᬢᬶ
[ ᭑᭖᭘ 168A]
ᬮᬃᬳᬶᬤᬲᬂᬧ᭄ᬭᬪᬸ᭞ᬲᬂᬓᬮᬶᬄᬭᬭᬶᬲ᭄ᬫᬫᬃᬕ᭄ᬕᬵ᭞ᬲᬕᭂᬋᬳᬦ᭄ᬭᬶᬂᬳᬶᬭᬶᬓᬦᬾᬮᬸᬫᬓᬸᬄ᭞᭠ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦ᭞ᬲᬸᬯᬾᬦ᭄ᬳᬶᬤᬦᬾᬫᬫᬃᬕ᭄ᬕᬶ᭟ᬢᬦ᭄ᬓᬘᬭᬶᬢᬭᬶᬂᬚᬮᬦ᭄᭞ᬧᭂᬫᬃᬕ᭄ᬕᬶ
ᬦᬾᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄ᬭᬶᬂᬳᬦ᭄ᬢᬩ᭄ᬭᬳᬶᬦᬵᬕᬦ᭄ᬢᬸᬦ᭄᭞ᬇᬭᬶᬓᬭᬭᬶᬲ᭄ᬫᬭᬵᬃᬬ᭄ᬬᬦ᭄᭞ᬲᬋᬂᬲᬫᬶᬭᬯᬸᬄᬭᬶᬂᬳᬶᬭᬶᬗᬦ᭄ᬲᬫ᭄ᬧᬸᬦ᭄᭞ᬫᬓᬵᬤᬶᬲᬂᬧ᭄ᬭᬧᬸᬢ᭄ᬭ᭞ᬇᬭᬶᬓᬵᬭᬭᬶᬲ᭄ᬫ
ᬮᬶᬗ᭄ᬕᬶᬄ᭟ᬬᬦ᭄ᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬭᬶᬂᬭᬩᬶᬦᬾᬫᬓᬓᬮᬶᬄᬮᬦᬂᬳᬶᬲ᭄ᬢ᭄ᬭᬶ᭞ᬓᬳᬚᬓ᭄ᬫᬗ᭄ᬭᬜ᭄ᬚᬶᬂᬮᬯᬸᬢ᭄᭞ᬳᬦ᭄ᬢᬸᬓ᭄ᬳᬶᬦ᭄ᬤ᭄ᬭᬧ᭄ᬭ᭄ᬬᬡ᭞ᬓᬧᬫᬺᬫᬦ᭄ᬭᬩᬶᬦᬾᬤ᭄ᬬᬄᬭᬢ᭄ᬦᬲᬦ᭄ᬢᬸᬦ᭄᭞
ᬲᬓᬶᬂᬕᭂᬮᬶᬲᬶᬂᬘᬭᬶᬢᬵ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬚ᭄ᬭᭀᬧᬸᬭᬶ᭟ᬇᬭᬶᬓᬭᬭᬶᬲ᭄ᬲᬂᬤ᭄ᬬᬄ᭞ᬭᬢ᭄ᬦᬲᬭᬶᬢᭂᬥᬸᬦ᭄ᬭᬭᬶᬲ᭄ᬫᬜ᭄ᬚᬕ᭄ᬚᬕᬶᬦ᭄᭞ᬫᭂᬦ᭄ᬤᬓᬶᬦ᭄ᬭᬓᬦᬾᬭᬯᬸᬄ᭞ᬲᬫ᭄ᬧᬸᬦ᭄ᬓᬧᬗ᭄ᬕᬶᬳᬶᬭᬶᬓᬵ᭞
Kaca:Bali-lontar-gaguritan-indra-bang-induraja-300ppi.pdf/168
Kaca puniki sampun kauji-wacén
