Kaca:Bali-lontar-gaguritan-indra-bang-induraja-300ppi.pdf/162

Saking Wikisource
Kaca puniki sampun kauji-wacén

[ ᭑᭖᭑ 161B]
᭑᭖᭑᭞
ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬭᬭᬶᬲ᭄ᬭᬯᬸᬄᬕᬭᬸᬤᬳᬕᬸᬂᬢᬦ᭄ᬲᬶᬧᬶ᭞ᬧᬸᬦᬶᬓᬦᬾᬦᬤᬄ᭞ᬚᬤ᭄ᬫᬦᬾᬳᬶᬭᬶᬓᬲᬫᬶ᭞ᬓᬢᭂᬮᬲᬂᬳᬦᬵᬕᬭ᭟ᬯᬦ᭄ᬢᬄᬤᬾᬯᬶᬭᬢ᭄ᬦᬲᬭᬶᬲᬦᬾᬓᬭᬶ᭞ᬧᬸᬦᬶᬓᬳ
ᬯᬶᬦᬦ᭄᭞ᬇᬕ᭄ᬭᬸᬤᬫᬮᬶᬄᬗᬺᬋᬳᬶᬦ᭄᭞ᬓᬪᬶᬦᬯᬕᬮᬓ᭄ᬧᬶᬲᬦ᭄᭟ᬭᬭᬶᬲ᭄ᬢᭂᬥᬸᬦ᭄ᬢᬶᬢ᭄ᬬᬂᬓᭂᬦᬢᬳᬾᬕᭂᬮᬶᬲ᭄᭞ᬫᬗᬼᬧᬲᬂᬧᬦᬄ᭞ᬓᭂᬦᬶᬢᬗ᭄ᬓᬄᬢ᭄ᬭᬸᬲ᭄ᬓᬕᬶᬕᬶᬃ᭞ᬧᬸᬦᬶᬓᬳᬯᬶᬦᬦ᭄
ᬧᭂᬚᬄ᭟ᬇᬕᬭᬸᬥᬵᬇᬭᬶᬓᬵᬭᬭᬶᬲ᭄ᬲᬂᬧᬹᬢ᭄ᬭᬶ᭞ᬫᬜᭂᬭᬳᬂᬭᬕ᭞ᬭᬶᬂᬢᬶᬢ᭄ᬬᬂᬲᬧᬢᬶᬳᬸᬭᬶᬧ᭄᭞ᬢᭂᬮᬲ᭄ᬭᬯᬸᬄᬭᬶᬂᬦᬵᬕᬭ᭟ᬓᬗᭂᬦ᭄ᬧᬶᬲᬦ᭄ᬫᬦᬄᬢᬶᬢ᭄ᬬᬂᬫᭂᬗᭂᬢᭀᬦᬶᬦ᭄᭞ᬢ᭄ᬯᬄᬧᬸᬢ᭄ᬭᬶᬗᬭ
ᬕ᭞ᬮᬭᬓᬢᬶᬗ᭄ᬳᬮᬦ᭄ᬳᬚᬶ᭞ᬧ᭄ᬭᬫᬶᬰ᭄ᬯᬭᬶᬲᬋᬂᬮᬶᬡ᭟ᬲᬧᬸᬦᬶᬓᬓᬦ᭄ᬤᬦ᭄ᬳᬶᬧᬸᬦ᭄ᬤᬸᬓᬾᬗᬹᬦᬶ᭞ᬭᬭᬶᬲ᭄ᬳᬮᬧ᭄ᬢᬶᬢ᭄ᬬᬂ᭞ᬭᬤᬾᬦ᭄ᬕᬮᬸᬄᬭᬢ᭄ᬦᬲᬭᬶ᭞ᬕᭂᬦᬳᬶᬦ᭄ᬢᬶᬢ᭄ᬬᬂᬳᬶᬭᬶᬓᬵ᭟ᬲᬫ᭄ᬧᬸᬦ᭄ᬮᬫᬶᬳᬶᬭᬶᬓᬵᬭᬶᬂ
[ ᭑᭖᭒ 162A]
ᬳᬦ᭄ᬢᬩ᭄ᬭᬳᬶ᭞ᬗᬫᭀᬂᬭᬵᬚᬚ᭄ᬯᬶᬢ᭞ᬳᬷᬭᬶᬓᬭᬶᬂᬓᬦ᭄ᬬᬧᬸᬭᬶ᭞ᬭᬶᬲᭂᬥᭂᬓ᭄ᬢᬶᬢ᭄ᬬᬂᬫᬦᬶᬤ᭄ᬭ᭟ᬧᭀᬮᬶᬄᬗᬶᬧᬶᬇᬦ᭄ᬤ᭄ᬭᬩᬗ᭄ᬲ᭄ᬯᬡᬓᬧᬗ᭄ᬕᬶᬄ᭞ᬭᬶᬂᬧᬸᬘᬓᬶᬂᬗᬃᬕ᭄ᬕᬵᬫᬮᬸᬳᬲ᭄ᬳᬕᬸᬮᬶᬂᬕᬸᬮᬶᬂ᭞ᬳᬓᬭᭀ
ᬦ᭄ᬭᬶᬂᬭᬵᬚᬧᬸᬢ᭄ᬭ᭄ᬬ᭟ᬭᬭᬶᬲ᭄ᬩᬗᬸᬦ᭄ᬢᬶᬢ᭄ᬬᬂᬳᬾᬮᬶᬂᬭᬶᬂᬳᬶᬬᬤᬶ᭞ᬳᬯᭂᬗᬶᬧᬸᬦᬶᬓᬵ᭞ᬢᬶᬢ᭄ᬬᬂᬢᬦ᭄ᬧᭂᬕᬢ᭄ᬫᬦᬗᬶᬲ᭄᭞ᬫᬗᬗᭂᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭟ᬩᬾᬲᬸᬓ᭄ᬧᬕᬶᬢᬶᬢ᭄ᬬᬂᬫᬗᬸᬭᬶᬲ᭄ᬫᬫᬃᬕ᭄ᬕᬶ᭞ᬜᬸᬚᬸᬃᬦ᭄ᬤᬕ
ᬦ᭄ᬲᬸᬃᬬ᭄ᬬ᭞ᬓᬾᬗᬶᬦ᭄ᬢᬶᬢ᭄ᬬᬂᬭᬯᬸᬄᬫ᭄ᬭᬶᬓᬶ᭞ᬭᬶᬂᬦᬵᬕᬭᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭟ᬲᬧᬸᬦᬶᬓᬵᬓᬦ᭄ᬤᬦ᭄ᬳᬶᬧᬸᬦ᭄ᬤᬸᬓᬶᬂᬗᬸᬦᬶ᭞ᬦᬦᭂᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬸᬯᬄᬧ᭄ᬭᬧᬸᬢ᭄ᬭᬦᬾᬲᬫᬶ᭞ᬲᬫᬶᬕᬯᭀᬓ᭄ᬫᬫᬶᬋᬗᬂ᭟ᬧᬗ
ᬦ᭄ᬤᬶᬓᬦ᭄ᬳᬶᬦ᭄ᬤ᭄ᬭᬲᬧ᭄ᬭ᭄ᬬᬡᬯ᭄ᬬᬓ᭄ᬢᬶ᭞ᬓᬲᬸᬩ᭄ᬦᬾᬭᬶᬂᬭᬡ᭞ᬓᭂᬰᬓ᭄ᬢ᭄ᬬᬦᬾᬭᬶᬂᬚᬸᬭᬶᬢ᭄᭞ᬧ᭄ᬭᬵᬯᬶᬭᬢᬸᬃᬚᬬᬾᬂᬭᬡ᭟ᬧᬢᭂᬄᬲᬦ᭄ᬧ᭄ᬭᬓᭀᬱᬦᬾᬫᬓᬓᬮᬶᬄ᭞ᬲᬂᬭᬵᬚᬧᬶᬦᬸᬢ᭄ᬭ᭞ᬫᬦ᭄ᬢᭂ